[SIZE="4"]السلام عليكم مادري هالقسم مناسب لاكتب مشكلتي او لا بس ان شاء الله القى حل باذن الله لان هذا المكان الوحيد الي اقدر اتكلم فيه بحريه
مشكلتي بدات من حول 4 سنوات مع الجاثوم اول كان يجيني و 5 دقايق ويروح عني مثلي مثل الناس لكن من بعد 4 سنوات صار الجاثوم يسيطر علي لمده ساعه كامله واحيانا ساعتين اكون مقدر اتكلم او اصرخ او اعبر عن شي الا اني اقراء قران واحاول ابعده عني تطور الموضوع انه صار يقرب من عند اذني ويتكلم بللغه مو مفهمومه وانا اكون وقتها ميته خوف واحس فعلا ان هالشي واقعي مرات اصحى واقعد ابكي ليش يجيني كذا احيانا يتطور الموضوع للتحرش والله تعبت نفسيااا والمشكله ماني عارفه وش فيني لي تقريبا اسبوع احاول اقرا سورة البقره كامله والي ذبحني ان العارض يزيد علي وقت النوم بدال مايخف الي عنده حل او قد صار لهةمثلي يطمن قلبي

وعليكم السلام ورحمة الله وبركاته

عسى الله يعينك وويصبرك صراحه اني حاس بالمعاناه لاني اول كان يجيني الجاثوم وحتى بفتره من الفترات يجيني
بشكل مستمر يعني شبه يومي بس الغريب انه مايطول !!! شلون يقعد ساعه معك ؟ ماياخذ الا لحظات بسيطه لانك ماتقدر
تنفس ويالله استطيع اذكر الله وبصعوبه بس اذا ذكرت الله وتشهدت على طول يروح مني .
بس اللى لاحظته معي من الجاثوم انه يجيني مع الاسراف بالمعاصي وخصوصا الاغاني ( وحطي تحتها ميه خط) والبعد عن الله . انا راح مني الحمد لله والفضل له
الحل عن الله وحده بس فيه نقاط لازم توضع بالاعتبار : لايتعلق قلبك بمعصيه الله (حب المعصيه اعظم من المعصيه ) . حب الاغاني والتعلق في كلماتها ( والله انها مرض القلوب ) . وكذلك البعد عن الله وعدم المحافظه على الصلوات .
ايضاً لازم تهتمين بالاذكار . ( على الاقل احفظيها حتى لو ماتحافظين عليها ) اهم شئ انك تعرفين اذكار النوم
واذكار الصباح والمساء . لانك لو صرتي حافظتها متى ماألهمك الله اياها راح تقولينها بعكس لو ماكنتي حافظتها .

واذا جيتي تنامين قولي :: وقل رب أعوذ بك من همزات الشياطين وأعوذ بك رب أن يحضرون

اذكار النوم منها : اذا وضعتي راسك على المخده ( اللهم بك وضعت جنبي وبك ارفعه ان امسكت روحي فارحمها وان ارسلتها فاحفظها بما تحفظ به عبادك الصالحين )

كذلك آيه الكرسي عند النوم ( كرريها اكثر من مره وانتي تستشعرين مافيها مو تقرينها من دون تدبر )


الكلام هذا كله نتيجه تجربه ولا ازكي نفسي ابد وعسى الله يحفظني ويحفظك من الشيطان وهمزه ونفخه ومن من كل شر ومن به شر

الله يجزاك خيرر وكل الي قلته ان شاء الله بنفذه حرف حرف لاني قسم بالله تعبت نفسيا احيانا من كثر مايكتمني وتطول معاي الحاله احسبه الموت الله يحسن خاتمتنا

الــــــــف سلامه عليك

نصيحتي لك حاولى ترقي نفسك بأقرب فرصه

وشيئل كل شئ محرم من غرفتك مثل الصور تماثيل أي شئ تكونين شاكه فيه بخرى الغرفه تقربي الى الله بصلاه وأكثري قراءة قران وذكري الله وأستغفري
ووقت النوم خلى مسجل شغال على صورة البقره أو على أذاعة القران الكريم خليه شغال على طووول ونامي طبعا تكونين على ظهاره تامه والمسجل شغال ...أسئل الله أن يفرج همك

وخبرينا بعد بالى صار معاكي

الجاثوم هي حالة عرضية تسمى شلل النوم بحيث تكون صاحي لمدة ثواني لكنك لاتستطيع التحكم في أي شي بجسمك
وهي حالة معروفة طبيا ً ..

ومع هذا عليك بالقرآن والأذكار وتحصين نفسك ..

الله يعينك خوفتيني بس كيف تحرش !!وساعه!! يمكن يتهيء لك انا نفسك من فتره يجيني بس لاتحطين في بالك انه جن لانه كان يجيني حتى برمضان ونايمه على طهاره وصايمه واقراء اذكار وقران وكلش فماتوقع ان جن بسم الله وحاولي ماتفكيرين فيه لاني عن تجربه لما افكر يجيني اخر مرره حسيت بموت وقعدت اصرخ وسمعوني اللي بالغرفه الله يبعدنا عنه مالقيت حل

الرقيه والله يرفع عنك الضر

اذكار النوم _ حطي قران وانتي نايمة _ لاتنامين لحالك .. ارقي نفسك وقراءة سورة البقرة

الله يشفيك يارب

الزعول
وعابرالقارات
ماقصروا ربي يوفقهم ..

اسأل الله لك الشفاءويبعد عنك مااهمك..

__________________
"لله دُر أمي إذا ابتسمت
تهادت جروح قلبي والتئمت"

يعطيكم الف الف عافيه وماقصرتو وان شاء الله راح اسوي الي قالوه لي الاخوان الزعول وعابر القارات ولاهانو الباقيين والله يطمن قلوبكم والي عنده اي معلومات او احد صار له مثلي يخبرني