مساعده في فتح محل بروست

سكروملح · #1 (**permalink**) 08-12-2012, 02:24 AM

السلام عليكم شباب

اخوكم متورط ويبغى مساعدتكم تكفون شباب الهنود قاهريني ولا كناها قنبله مايبغون يطلعون سرهم وانا ماغير اترزز عندهم ابغي تطيح عيني على سرهم مير ماعندك احد وجميع المحلات لهم السعودي ماله غير الاسم ومعلوم اخر الشهر اخوكم ماخذها تحدي لغير افتح محل بروست والشباب ماعندهم غير انواع التحطيم مايدرون كيف جمعت الفلوس متفشل اعلمهم مير انتم بعلمكم هاذا اخوكم سكر الي هو انا عطتني الوالدة ربي يحفظها بناجرها ام منشار وقالت لي يولدي والله انها مي اغلي منك بعها وترزق الله يمكن والعلم عندالله انها تبغى الفكه مني مغير متسدح لها في الصالة واقلب ساعة علي الجزيرة وساعه علي العربيةواخوكم ماصدق راح زي المطفوق وباعها ومنا ومناك الحمدالله جمعت الي يفتح المحل ولكن ماعندي اي خبره ماغير اجيب صحن البروست واجلس انا واميمتي ونكتشف المكونات بس ماش ماعرفنا شي ادخل يوتب واطامر في ها المنتديات بس موزي الواقع الواقع غير

جداوي الشمال · #2 (**permalink**) 08-12-2012, 03:12 AM

كم الفلوس اللي عندك ؟

ابو الافكار · #3 (**permalink**) 08-12-2012, 03:48 AM

ابدأ بجدية وتاتيك الاسرار بكل سهولة

عاطل مع · #4 (**permalink**) 08-12-2012, 03:56 AM

للرفع

مفهيه بتركيز · #5 (**permalink**) 08-12-2012, 04:11 AM

عفوا بس انت تبي المقادير انت بتسويه بنفسك

إخْتِنَآق © · #6 (**permalink**) 08-12-2012, 04:21 AM

-

اولا الله يخلي لك الوالده

لعمل البروستد تحتاج لـ

دجاج طازج

ملح

خل ابيض

كوب ماء

ولتتبيله الدجاج :
كوب ونص دقيق

ملعقه كبيره ثوم بودره

معلقه صغيره من بابريكا

بصل بودره تلاقيه عند قسم البهار

زنجبيل بودره

كزبره مطحونه

فلفل ابيض واسود او واحد منهم اللي تبي

رشة ملح
2 بيضه بدون اي اضافات

طريقةة العمل

ينقع الدجاج بعد ماتقطعه 8 قطع في الماء والملح والخل عشان الدجاج يستوي معاك بسرعه وقت القلي ومايخرج منه دم

2بعدين خذ الدجاج وتصفيه من الماء حق النقع وخله على جنب

3 خذ الدقيق وقلب معه البهارات اللي انا كتبتها وخله على جنب

4 خذ البيض واخفقه وخله على جنب

5 خذ الدجاج اول شي حطه بالدقيق وبعدين بالبيض وبعدين رجعه بالدقيق والين يخلص كمية الدجاج

وبعدين حط الدجاج اللي انت مغلفه بالدقيق بالثلاجه عشان يمسك تغطيت الدجاج فيه وقت القلي ومايتفتت
اقله على نار متوسطه مدة ثلث الي نص ساعه

/

هذي خلطه الثوم اللي في البيك

ملعقه كبيره زبادي
2 ملعقه كبيره مايونيز
1ملعقه كبيره جبن سائل
شوي ملح
2فص ثوم

الطريقة/

يبشر الثوم بالمبشرة الناعمة جداً ثم يخلط مع المقادير الباقية

/

فيه بعد اضافات كثيره للبروستد او السلطات والخلطات

بس كبدايه خلك على هالاشياء لين تبدا تشتغل صح

وبعديين يجي الحراق وهالاشياء

وجعلله بدايه خير عليكك

سكروملح · #7 (**permalink**) 08-12-2012, 05:42 AM

الله يجزاكم الخير
تراني عليمي في المنتديات العذر والسموحه منكم
الي يسئل عن المبلغ الحمدالله يكفيني بس عاد محل زوين مو محل لوحتة طاقه لخر دور في العمارة
ابدا بجديه ماعليه انت تدري اني حتي الدجاجه ماعرف كيف اقطعها بس ماعليه جالس اتعلم تراني والحمدالله عندي عزم وعندي صبر انارحت وسعرت المكاين حقت قلي الدجاج وحقت البطاطس وعندي كم معلومه منا ومنا
انا اتمني احصلي واحد سعودي فاهم في هاذي الشغله يناصحني واستفيد من كلامه ويكون فاهم والله حتي الهنود درت عليهم ابغاهم يعلموني لو اشتغل عندهم من غير راتب بس مافيه رجاء منهم

شمعة&فكرة · #8 (**permalink**) 08-12-2012, 01:48 PM

اذا انت من جده مستعد اوقف معك واجهز لك المحل واجيب لك مكينه بروستد مستعمله

وادبر لك خلطات البروستد والثوم واذا من الرياض برضو بدلك على فلبيني محترف تروح له وتكلمه

وانا برسله اخوي اخليه يتعاون معك

على فكره الفلبيني حسب علمي سبق واشتغل بمطعم البيك بجده خلطاته حلوه

اذا حبيت تتواصل معي ارسلي رقمك على الخاص

والمقابل دعوه منك ومن اميمتك يالغالي

تعابير الذات · #9 (**permalink**) 08-12-2012, 07:48 PM

الله يوفقك وتكتشف خلطة البيك هههههههههههه

لو سمحت كم المبلغ اللي معك لاني فكرت افتح هالمشروع وقالو يبيلك اقل شيء 100 الف وانا فلوسي 45 الف .... السؤال هل اقدر انفذ المشروووع ؟؟؟

سكروملح · #10 (**permalink**) 09-12-2012, 03:01 AM

الله يجزاكم الخير
والاخ شمعة وفكرة الله يرزقك من حيث لا تحتسب ويوسع عليك
والاخ تعابير الذات الله يوسع رزقك اما البيك والله اني ما احب دجاجه لكن الثوم حقه يازينه اكله بلحاله
اما ال 45 والله انها قليله يادوب تجيب مكينة دجاج وبطاطس مستخدمه استخدام امريكي