تحذير من مكائن الصرف الآلي في اوروبا .. قصه مؤسفة حدثت لي




السلام عليكم جميعا

اتمنا ياجماعة الخير تاخذون الحيطة والحذر عند استخدام اي جهاز صرف آلي في العالم خصوصا في اوروبا..

حصلت لي قصة العام الماضي ..

كنت توني واصل اسبانيا , وقبل ما اوصل للفندق وقفت وسحبت من جهاز صراف آلي وليتني ماسحبت :105:

المهم , يوم طلعت من غرفة السحب لحقني واحد اسباني وماسك بيده 20 يورو يقوللي طاحت منك !!

قلت له كييييف؟؟

فال لأنك يوم خلصت من عملية السحب ما ضغطت على زر الالغاء!!

قلتله وش دخل هذا بهذا؟

قاللي ان هنا بأسبانيا الصرافات اذا ما حطيت زر الالغاء يقدر يجي اي واحد بعدك ويسحب من حسابك زي ما يبي!!

وقاللي دخل بطاقتك وحط الغاء.. انا قلت طيب.. طبعا الرجال وانا احط الرقم السري ناشب وقالط معي قلطه اليمه.. قلت في نفسي خله يشوف الرقم اصلا مايقدر يسوي شي لأن البطاقه معي..

المهم مرت الايام وبعد شهر تقريبا جيت اشيك على الحساب لقيت الرصيد مسحوب كله!!

الطامه ان الرصيد كان فيه مبلغ محترم مجمعه.. كلمت البنك وقلتلهم وقفوا الحساب وطبعت الكشف لقيت كلها سحوبات من صراف آلي على مدار 36 يوم !!

البنك في البدايه قاللي ماعندنا لك شي انت نصاب!!

قلتلهم ياجماعة الخير كل السحوبات قاعده تصير من باريس وانا كنت بين اسبانيا والرياض , كيف يعني.

قالوا عادي انت معطي احد بطاقتك .. قلتلهم البطاقه معي فسروا لي اللي حصل.. هذا اختراق قوي للحساب..

ماعطوني وجه :110:

عاد رحت انا لواحد ذيب يشتغل بنفس البنك في قسم البطاقات , وتزهل الله يعافيه , واكتشفنا اللي صار.

الجهاز اللي استخدمته باسبانيا كان فيه ناسخ للشريط الممغنط لأي بطاقه صراف تدخل فيه.. ويلزق المنسوخ على بطاقه ثانيه.. ولازم يكون معاه الرقم السري.. عشان كذا هو ناداني واستدرجني عشان يشوفني وانا احط الرقم السري..

قاللي الرجال , ان لايمكن لأي احد ان يسوي هكر على حسابي بنفس الطريقه اذا هو مامعاه الرقم السري حقي..
وقالي بعض الصرافات يصير فيها كاميرا صغيره جدا تكون مزروعة فوق الصراف عشان تشوف الرقم السري.. وقطعة الناسخ للشريط الممغنط تكون مزروعة داخل مكان ادخال البطاقات.. ونبهني اني اذا جيت اسوي اي عملية بالصراف لازم اغطي يدي اذا جيت ادخل الرقم السري .. وبديت اسوي هالحركة حتى هنا بالسعوديه..

طبعا البنك رفض انه يعوضني , وقدمت خطاب رسمي لمؤسسة النقد وماجاني رد الى الآن



نسال الله السلامة للجميع وكفانا واياكم شر السرقاااااااااات

منقول للامااااااااااااااااااانة

ياساتر وين بلاد الحريه واوربا يس نو نو يس نأم نهنو نأيش في الخريه


هذي حريه نهب وسرقه بحترام متبادل من الطرفين
الله يحفظ لنا اسلامنا بس اعطانا الحرية بما فيه الكفاية الحمدلله

[gdwl]ياساتر وين بلاد الحريه واوربا يس نو نو يس نأم نهنو نأيش في الخريه


هذي حريه نهب وسرقه بحترام متبادل من الطرفين

للأمانة منقول: https://www.btalah.com/showthread.*****..#ixzz2ETzriQz8[/gdwl]


لاحول ولاقوة الابالله عندنا وعندهم خير

بس هم عندهم الحرامية فيهم لطف ولباااااااقة وذووووووووووق موب ضرب وتصفيق

ههههههههههههههههههههاااااى

منور استاذ عابر الطيف الله يعطيك العافية يااارب

الله يجزااااك خير على التنبيه

فعلا الحرميه بكل مكاااان الله يحمي المسلمين من شرهم

الله يعطيك العافيه اختي عازفه على الطرح الجميل

استاذ بروسيوس حيااااااك يعافيك ربى اسعدنى مروك الطيب الذى انار متصفحى

دمت بود وعافية باذن الله

يارب تحمينا من شر السرقة

الله يعطيك العافية اختي عازفة على الطرح الجميل

طيور حيااااااك يعافيك ربى اسعدنى مروك الطيب الذى انار متصفحى

دمت بود وعافية باذن الله

معلومه جميلة ...
اصلا خذها قاعده لا تصرف من اماكن مشبوهة يعني صرافات تقاها منزويه في محل كوفي ولا سوق وهذه قاعده راح اعملها ان شاء الله في جميع سحوباتي

الله يعوضه بس حركة قوية وحنا يالسعوديين ترا فيها عاطفة زيادة شوي عن اللزوم

[gdwl]لا بس وين دور الامن وين دور البنك صاحب الصرافه شوي فيه تخلي عن المسؤليه


للأمانة منقول: https://www.btalah.com/showthread.*****..#ixzz2EWGPeRpV[/gdwl]

استاذ عابر الطيف (القانون لايحمى المغفلين )هذا مثل معروف

الله يعطيك العافية يارب اسعدنى تواجدك ومرورك الطيب دمت بود وعافية





[gdwl]اصلا خذها قاعده لا تصرف من اماكن مشبوهة يعني صرافات تقاها منزويه في محل كوفي ولا سوق وهذه قاعده راح اعملها ان شاء الله في جميع سحوباتي



للأمانة منقول: https://www.btalah.com/showthread.*****..#ixzz2EWGrMeby[/gdwl]

استاذ شباك الحارة هذا هو المقصود كثير منا يسحب من اماكن بعضها للاسف تكون مشبوهة وغيروا

يعنى فى بعض الدول الاروبية فى اماكن خاصة للمجرمين لكن احنى للاسف نروح ونسحب وعادى ونحتك بالغرباء

منور الله اسعدنى تواجدك الطيب دمت بخير وعافية