السلام عليكم ورحمة الله وبركاته

في البدايه ... الله يرزقنا يارب الوظائف المناسبة لظروفنا والقريبه من اهلنا والي تسعد قلوبنا وتفررحها


بنات بقولكم انا انسانه اتوتر واخاف كثير من ناحية اختيار الرغبات المكانيه لان يبي لها تفكير من جميع النواحي

اول شئ الاستخاره اهم شئ يا بنات وبأذن الله ما تخيب الي تتستخير استخيرو وتوكلو على الله .. هو الرزاق الكريم

ثاني شئ لازم تكونو متاكدين بأذن الله انكم تكونو قادرين تروحو لهالمناطق بروحكم او مع محرم حتى ما تضيعو فرصه على نفسكم وعلى غيركم



بالنسبه للاختيار كل ما قررت اضيف رغبه بحثت عنها بقوقل او سألت تطمنت وارتاح بالي بعدين سبحان الله يطلع لي شئ يخوفوني منها وتكررت معي في اغلب المناطق يعني الصراحه مافي منطقه مكتمله اغلبها فيها سلبيات واكتشفت انو الي بالنت الله يهديهم يخوفو البنات يعني دخلت على بعض المواقع الي تخص المنطقه نفسها حصلت كلام يخررع ناس يقولو احذرو من الذيابه وناس يقولون مافي شقق ومواصلات وناس يقولون قريات وشوارع مو مزفلته وناس يقولون بين الجبال يعني احترت وخوفوني وما ندري صدق او لا لكن الوحده فينا تبحث عن االي يناسبها وتقدر تروح له سواء بالسيارة بدون ما تسكن فيها او بتروح تسكن بالمنطقة نفسها


وفي نقطة ابي نصيحتكم فيها اذا ماحصلت احد يروح معاي اقدر اروح بروحي لاني اشوف كثير بقسم المتعينات رايحين بروحهم وفيه هنا بعد يقولون بيروحون لوحدهم

يعني عادي او لا الله يعافيكم الي تعرف اخت ولا قريبه ولا صديقة رايحه بنفسها تقول لنا كيف مرتاحه او لا هو صح يختلف من وحده للثانيه لكن حلو الواحد يستفيد من تجربة غيره ولاني ابي اختار اختيار نهائي حتى اشاور اهلي واخذ قرارهم والله ييسر للجميع



ادري طولت عليكم لكني حبيت انبهكم على نقطه ما عليكم من قوقل وخرابيطه و استخيرو يا بنات استخيرو .. لان الاستخاره هي الي تريح وماعليكم من الي في النت اذا استخرنا بأذن الله نرتاح في الرغبة الي نترشح فيها بأذن الله يارب يارب يارب


دعوااااتكم لي بالتعيين الرسمي وللجميع يارب