موضوع مشكله ف احد الشركات وفيها خيانه ..

أروقه حالمه · #1 (**permalink**) 10-12-2012, 02:40 AM

بسم الله الرحمن الرحيم

السلام عليكم ورحمه الله وبركاتهه ... تحيه طيبه مني لكم ي اعزائي ..

والله انا عندي مشكله ما لقيت لها حل ، : ودي ب حلها ب اسرع وقت ..

انا يا اخواني كنت ادرس ب احد المعاهد الصحيه ب الرياض فني صيدله .. ل مده ثلاث سنوات بعد ما خلصت من المعهد وطبقت ست شهور جاء وقت الاختبار ل الهيئه التخصصات الصححيه ، وانا اختبرت ونجحت من اول اختبار < هذه من دعوات الوالده الله يحفظها .. والله نجاحي معجزهه .. مع ان الاختبار صعب ، المهم ..

انا يا اخوان يوم كنت ادرس ب المعهد كنت موقع مع احد الشركات ان بعد ما اخلص دراستي راح اتوظف عندهم لمده سنه كامله " وكانو مسجلين اسمي ب وزاره العمل والتامينات الاجتماعيه فتره دراستي .. "

بعد ما خلصت واخذت شهاداتي رحت لهم قلت ابيكم توظفوني .. " ( واللي وقعنا العقد معاه طلع من الشركه " رااح ) وجاء مكانه شخص ، قلت له هذا العقد اللي كان بيننا ان بعد ما اخلص من دراستي راح اتوظف عندكم ب راتب وقدره 3500 .. فني صيدله < مع ان الراتب ظلم ..

المهم قال لي خلاص جب اوراقك وكل شيء من بعدها كنت متحمس من ثاني يوم جبت الاوراق وكل شيء .. وقال نبي نفتح ب اسمك صيدليه ؟ ترخيص ..

هنا انا انجلطت .. فتحت فمي ؟ قلت له وشلون تفتح ب اسمي صيدله وهو ماهو ب العقد انك تفتح صيدليه " قال اجل تبيني اوظفك عندي بدون ما استفيد من اوراقك ؟ يعني اوراقك وش اسوي فيها " قلت له انا مجرد موظف فقط " توظفني ب موجب العقد ..

المهم صار بيينا كلام ، قال طيب عندي خيار ثاني وش رايك احطك مدير مستودع ؟ قلت له يا رجال انا ما ابي اصير مدير انت تبي تفتح لي باب وانا مالي دخل فيه " ( انا كان تفكيري لو حطني مدير مستودع او صار شيء او نقص او احترق < ب اكلها انا لان ب يحط المستودع ترخيص ب اسمي ؟ " انا من شفت الرجال عرفت انه ناوي ، خلاص يبي يحطني ب وظيفه فيها مسئؤؤليه ؟ قلت ب افكر وارد لك خبرر .. ( واتصلت على مدير الموارد البشريه . قلت له ان الشركه اللي كنت متعاقد معاها ب يفتح ب اسمي صيدليه ؟ قال لا تفتح وقال لا يستغلونك الرجال ؟ واذا صار شيء ب الصيدليه ترى ب يسحبونك مع اذنك " وقال لي ترى الصيدليه لو تخسر او يجيها شيء او ما تصرف الادويه .. تراك ب تدفع فلوسها .. يعني هذه فيها نص مليون وفيها مليون .. لان الادويه لازم ب التصريف ، .. < والله هذا كلام الرجال لي مدير الموارد البشريه ..)

" من بعدها جيت قلت له انا ب افسخ العقد انا خلاص سجلت عسكري < على اني ب اطلع من الشركه ب افتك منهم ، لان احس الرجال ناويني خلاص يبي يفتح لي باب ، وانكب فيه .. " قال وشلون تبي افسخ العقد وانت لازم تتوظف سنه كامله عندنا قلت له عشان (شيباني = امي وابوي )(ب اكد عليهم والراتب ما يساعدنا )< كان تفكيري اني ب اطلع منهم ، قال خلاص كلم الموارد البشريه " خلهم يدقون علينا انك انت ما تطلبنا وحنا ما نطلبك ، وانا كنت ب افصل .. الا جاني واحد من اخوياي واختبر وخلص ،سالني وش سويت قلت له ب افصل ؟ قال ياخي خذ شهاده خبره ؟ الناس ما يوظفونك الا خبرره ؟ احترت انا ما ادري وش اسوي ؟ رجعت له قلت انا الدوره العسكريه بعد رمضان ب شهر عشرره .. انا ب اتوظف عندكم ؟ وهو يضحك .. قلت خلني اخذ الشهاده الخبرره ..

المهم الرجال قال ما عندي الا وظيفه مدير مستودع قلت له ما ابيها .. وسحبت عليه .. ورحت ل واحد ب جنبه ب المبنى الثاني الفرع لهم ، قال اوظفك ب احد الصيدلياات عندنا لان انا ابي سعوديين انا تحمست قال ب ارد عليك بعد يومين ، وانتظرت الرجال ولا رد علي ؟ سحب علي < على قولتهم .. وجيته اليوم الاحد قال ياخي انا مشغول انا راح ادق عليك ب نهايه الشهر اثنين " 23/2 < قلت له ياخي انا ابي اتوظف ، قال لازم اسوي مقابله شخصيه ؟ ولازم اختبرك .. " احس الرجال شايف نفسه ؟ وانا صراحه ودي اتوظف ، جالس لي شهر وانا اتمرمط من عندهم ،

علموني وش اسوي ب الضبط ؟؟؟؟؟؟؟ ، افصل من عندهم ؟؟؟ ( وهل يعطوني شهاده خبره وزاره العمل او التامينات الاجتماعيه ) لاني انا يوم كنت ادرس كنت على راس العمل ؟ هل يعطوني خبرره ..

واللي عنده نصيحه لا يبخل عليناا ..

وراء الوضائف · #2 (**permalink**) 10-12-2012, 03:36 AM

بس لو سمحت طوال فترة تسجيل أسمك في التأمينات ومكتب العمل وأنت تدرس كان راتبك

ماشي رد علي وأبشر بالجواب

أروقه حالمه · #3 (**permalink**) 10-12-2012, 03:49 AM

ي طويل العمر ما كان يمشي لي راتب .. (" تمشي لي مكافاه 1000 ريال ) وبعد ب الملعنه تجيييييييك وتطارد وراهم وحالتك حاله عشان هـ المكافاه

بس الراتب < مافييييييييييييه ابدا ابدا ابدا

من يوم ادرس وسجلو اسمي ب التامينات وزاره العمل ( مافي راتب ابدااااااا ) ..

أروقه حالمه · #4 (**permalink**) 10-12-2012, 04:00 AM

انتظر ، ردك اخوي وراء الوظائف .. يا ليت تعطينا العلم ..

وراء الوضائف · #5 (**permalink**) 10-12-2012, 04:30 AM

أسف لتأخير يابن الحلال والله موضوعك غريب 1000 ريال بس

أول شي أبغاك تسويه تروح بكره الصباح لتأمينات الأجتماعيه وتعطيهم بطاقة الأحوال

وتقولهم ابي برنت وعلى طول يعطونك وتأكد الراتب الي مسجل بالبرنت كم

أذا كان أكثر من 1000 ريال طالبهم بحقك كامل فيه وهددهم بشكوى بمكتب العمل

وتأكد من الموارد البشريه عندهم فكره بكم سجلوك بتأمينات لعملك أخوي التأمينات

أقل شي بنظام القديم 1500 هذا الأقتراح الأول

الأقتراح الثاني هذولا شكلهم نصابين الا كانك تقول أبي خبره وشغلت مدير مستودع

على ماقلت فيه مسئوليه الا كانك بتصير ذكي وماتوقع على شي وهاذي صعبه يعني

لو بغول يلبسونك شي يلبسونك وياأخي الخيره فيما أختاره الله والحين كثير مستوصفات

وقطاعات خاصه مشابها تدور سعودين والقرار لك

ولو فيه أي تطورات بخصوص التأمينات بلغني ولا أقولك فيه طريقه مختصره

أدخل على موقع الموارد البشريه وشف يمكن موقع الموادر البشريه بعد ماستفسر
يطلع الراتب على ماأظن أذكره يطلع الراتب ولو ماطلع الله يعينك روح التأمينات

أروقه حالمه · #6 (**permalink**) 10-12-2012, 04:44 AM

اخوي ، اصلاا الموارد البشريه يدرون ان اسمي ب وزاره العمل واسمي مسجل ب التامينات الاجتماعيه .. واصلاا الشركه يحطون كل نهايه شهر مع الرواتب 500 ريال ب التامينات الاجتماعيه ..

وشلون اطلع كم ب حسابي ب التامينات الاجتماعيه ؟؟؟؟؟؟؟؟؟؟

( وتقولهم ابي برنت وعلى طول يعطونك وتأكد الراتب الي مسجل بالبرنت كم

أذا كان أكثر من 1000 ريال طالبهم بحقك كامل فيه وهددهم بشكوى بمكتب العمل ) < وضح المعلومه اخوي ؟ ما فهمت

أروقه حالمه · #7 (**permalink**) 10-12-2012, 04:46 AM

1000 ريال < هذه مكافاه لي يوم ادرس وانا اخوكك ..

بس المشكله انهم مسجلين اسمي ب وزاره العمل والتامينات يوم اني ادرس

وراء الوضائف · #8 (**permalink**) 10-12-2012, 05:32 AM

أسف لـتأخير كيف يحطون 500 ريال مع الرواتب لتأمينات يعني ال500هاذي ماكنت تجيك

التأمينات تستقطع من راتبك 9% يعني لوكانو يحطون 500 مع 1000 =1500 تمام نخصم منها 9%=1365

يعني المفروض أنك كنت تستلم 1365 مو 1000يعني هم يلهفون 365 ريال وهو غصب عنهم تستلم 1365

وهاذي نقطه في صالحك ياأخي أسحب برنت من التأمينات من قسم خدمات المشتركين وشوف كلامي

كيف تعرف رصيدك في التأمينات 135 هاذي المخصومه من راتبك شهري + 135 ريال تدفعها الشركه
حسب نظام التأمينات أنهم يدفعون نفس المبلغ الي ينخصم من راتبك

يعني 135+135=270 *(ضرب)12=3240

بس هاذي ماتقدر تستلمها لأنك رصيدك أكثر من سنه يعني تستلمها لصار عندك 240 شهر يالله الخير
أو 60 سنه وفيه تفاصيل ثانيه بس هذا المهم

عشان ماطول عليك أي أستفسار على الخاص وأنا حاضر شكلي سهران اليله

وراء الوضائف · #9 (**permalink**) 10-12-2012, 05:33 AM

ونقطه ثانيه أشرحلي تفاصيل أنت وقعت معهم عقد وكم الراتب الي فيه ومعك نسخه منه ولا لا

وأيش بنوده كان المفروض هذا أو سؤال أسئلكيها

لاتنسانا من دعائك

أروقه حالمه · #10 (**permalink**) 10-12-2012, 06:12 AM

وانا اخوك يعطيك العافيه بس ابي معلومات اكثر عشان احشر الشركه واروح التامينات الاجتماعيه ، جزاك الله الف خيرر .. ( الله يوفقك وين ما راحت ويفتحها ب وجهك ) ابيك تفيديني اكثرر وانا ب اعلمك

وانا اخوك انا كنت ( منحه داخليه من الموارد البشريه فني صيدله لمده ثلاث سنوات )ف كان لازم اذا كنت تبي تدرس الصيدله لازم توقع مع شركه طبيه توظفك عندهم بعد ما تخلص من الدراسه تدخل شركه طبيه اللي راح تتعاقد معاها يعني تدريب منتهي ب التوظيف ...

وكان راتبهم يا طويل العمر 3500 < اول ما تتوظف .. " ( 2752 الاساسي + 300 بدل قدره + 357 بدل سكن شهري ) = 3500 ..

ومعاي نسخه منه يا طويل العمرر .. ؟

موضوع مشكله ف احد الشركات وفيها خيانه ..

مشاكلك في العمل

بسم الله الرحمن الرحيم السلام عليكم ورحمه الله وبركاتهه ... تحيه طيبه مني لكم ي اعزائي .. والله انا عندي مشكله ما لقيت لها حل ، : ودي ب حلها ب اسرع...

موضوع مشكله ف احد الشركات وفيها خيانه ..

تسجيل الدخول

موضوع مشكله ف احد الشركات وفيها خيانه ..

مشاكلك في العمل

بسم الله الرحمن الرحيم السلام عليكم ورحمه الله وبركاتهه ... تحيه طيبه مني لكم ي اعزائي .. والله انا عندي مشكله ما لقيت لها حل ، : ودي ب حلها ب اسرع...

موضوع مشكله ف احد الشركات وفيها خيانه ..