بسم الله الرحمن الرحيم

اعضاء منتدى البطالة السلام عليكم

في بقالة قريبة من بيتنا يبيع فيها بنقالي مؤذي بشكل رهيب ، يبيع الاشياء بغير سعرها زيادة ريال ولا ريالين وأحيانا اكثر ، زي اللبن والصلصة وغيرها ، ويستغفل الناس عيني عينك وما يخاف من احد
والحين يبيع العينات المجانية لشاي ربيع تخيلوا بالله ، وما اعرف ان كان يبيع عينات لبضائع ثانية ، بس اللي شفته حق شاي ربيع، لأنه باعه على الوالدة بريالين ، ولما شفت انه العينة مجانية رسلت اخوي يرده بسرعة.

الحين انا ابي اعرف وين اشتكي عليه بالضبط؟؟ علما انه العينات المجانية هو كاتب عليها السعر بقلم ، ولكن نفس العلبة مكتوب عليها ((عينة مجانية، غير مخصص للبيع)) ، يعني لو انكر انه ما يبيع العينات هذه فالسعر اللي كاتبه يفضحه.
دلوني على مين ابلغ عليه ؟؟

بلغي الدفاع المدني
..
..
..
والله الهندود مشكله اليا متى نقول للهندي ياصديق
عاد انا الهندي اذا دبل سبدي ترفست فيه
والله وانا وخووتس هذا تبلغين عليه البلديه لجنة الرقابة

سبحان الله نفس واحد عندنا
جيت باشتري شاي ليبتون قالي بـ 5 ريال وهو كان بـ 4 ريال
وبنفس الوقت اشتريت جبنة كرافت اللي صارت بـ 8 وقالي انه صارت بـ 9 ريال.
انا بديت اشك لاني دائما اشتري هالشيئين بشكل دائم من أماكن كثيرة.
ورحت مكان ثاني وعرفت أنه أكبر نصاب واجهته لأنه يزود بكل شي ريال.
رحت هزئته وقلت والله لا اشتكي عليك يعني تخويف بس.

لكن من أمن العقوبة أساء الأدب
ولاحظوا ان النصب يكون عندما تشتري اشياء كثيرة فالزبون مسكين مايدري عن الحساب ويصدقه ويدفع.

احنا السعوديين دائما عرضة للاستقلال سواء بالداخل او الخارج ومافي أحد يحميه يعني لازم الناس تبدأ ماتثق في أحد وهذا رايي.

سوري شوشت موضوعك بهذه القصة بس فعلا ابي اعرف كيف نقدر نبلغ عليه؟

تبي النصيحه روح عند البنقالي اللي حق البقاله واسأله وين الاقامه اذا اعطاك خذها قطعها واتصل على الجوازات على الاساس في البنقالي مجهول يجون الجوازات يخاذون البنقالي ويسفرونه الى بنجلاديش.........


والله على ما اقول شهيد

تبلغين مين؟

والله الناس نايمة ولاهي دارية طال عمرك

بس اتصلي على 4035555

والرقم هذا أخذته من 905

ولو تدرون وش قال لي موظف 905 !!!

قسم بالله العظيم بالحرف الواحد .. قال بعطيك الرقم .. وخلهم يردون بالأول.

يعني انسى الفكرة

انسي الموضوع هم ماراقبو على البقالات الي تبيع البضاعه المنتهيه مدتها يعني بينتبهون الاسعار الله يعين

لاحـــــــــــــــــــــــــــــــــــــــــــــــ ــــول ولا قوة الا بالله ........
اللة يوفقك اختي....
ومسحت باقي الكلام عشان ماتقولي مافهمت.....هههههههههههههههه..........
تحياتي لك...............

لا حول ولا قوة الا بالله

حسبي الله عليهم البنقالية مافي أمل تخلص مشاكلهم,,,

لاحول ولاقوة الابالله,,,,,,,,