انا انسانه فاشله في المقدمات عشان كذا راح ادخل دوغري في موضوعي.طبعا انا زي زي كثير من البنات تخرجت وجلست انتظر التعيين سنه سنتين وفي الاخر صار لي 6سنوات ماجاني تعيين عارفه انو في بنات صار لهم 10 سنين 13سنه والله يرزق الجميع بس فكرتي ليه اضيع عمري ع الانتظار لازم اسوي شي لنفسي مع اقتناعي مليون بالميه ان العمل الحر افضل بكثير من العمل الحكومي لاني اعتبر الكثير من الوظائف الحكوميه ماهي الا بطاله مقنعه. عندي افكار كثير واغلبها مو محتاجه راس مال كبير بس للأسف مافي دعم وانا اتكلم عن الدعم المعنوي بكل اسف الكل يحبطني باني راح اضيع وقتي ع الفاضي مع انو فعلا وقتي ضايع مافي اي شي ايجابي كل الوقت نوم ،نت وبس مع هذا يقولو تضيعي وقت او يتريقو ع افكاري الحمدلله انا ماتأثر كثير بالمحبطين واحاول اعتمد ع نفسي في بعض الامور بس تجيني صدمه انو اغلب الاشياء لازم رجال عشان انجزها وياليل مطولك من فين اجيب رجال اذا كان اصلا مو مقتنع في افكاري لا مؤمن فيها .ابغى احد بس يحطني ع اول الطريق وانا الحمدلله عندي الصبر والعزيمه والاصرار والاهم الأيمان بقدراتي ابغى نصايحكم ومشورتكم ودمت بكل خير