السلام عليكم ورحمة الله وبركاته يا اخواني تكفون انا انسان خلاص راح انجن











سالفتي راح اقوله لكم انا انسان ادرس في الصف الاول ثانوي بدا حب العسكريه يمشي في عروقي منذ كنت في الصف ثاني متوسط صحيح اغلبكم راح يقول سنه صغير بس صدقووني انا انسان اكبر من سني وتفكير اكبر من سني ياشباب انا اقسم بالله اني اجلس ابكي بعض الايام كل هذا عشان العسكريه باقي سنتين عشان اخلص افكر اني اكون في المباحث ضابط واذ قلنا كذا لازم اكمل جامعه وانا انسان معد اقدر اكمل الا الثانوي يعني حدي الثانوي وخلاص المصيبه اني تفكيري صار مشتت افكر ادخل كلية الملك خالد العسكريه فيه وواسطات مو واسطه الوضع طيب بس عندي كم خارب في بعض الاسنان يعني موو ذاك الخراب الكبير بس انه مخوفني كثير والباقي سليم اقسم بالله اني احب العسكريه مره اشوف وولد عمي دخل مباحث والثاني راح الامن العام والثالث علق لوواء من اقاربي اقسم بالله يا ناس انا معد اقدر اتحمل احب العسكريه بشكل ماتتصورنه وحياتي كلها على العسكريه وبعض الاحيان لمن اسولف مع بعض اصحابي او اقاربي العسكري ويشوفون كلامي يقولون كلامك اكبر من سنك تفكون اعطوني حل والله معد اقدر اتحمل تكفون صح طولت عليكم بس مالها الا انتم ابي حل يخليني ارتاح

يآ رجآل وش هآآ النفكيررر , عسككريه !!!! اقول يآليتني في عمرك . وقسم لكمل درآستي ولآ افكر في غيرهآ

بلآ عسكريه بلآ زفت .. تبي العلم كمل كمل درآستك ازين لك .. توك العمر قدآمك

انا مافهمت وش تبقى بالضبط ؟؟

أنت إنسان تدرس أولى ثانوي وتحب العسكريه وماتقدر تكمل

وتبغى تكون ظابط وعيال عمك في الأمن العام والمباحث وتجلس تبكي

وتفكيرك أكبر من سنك وش ذا الكــلآم وش قاعد تقول أنت

بعد هذا كله وش تبي ؟ ماني فاهم وش تبي بالظبط ؟

أنا مافهمت منك شي ولا أدري وش تبي أصلا ولكن يبدو لي

من مجمل كلآمك إنك شخص متأثر بمن حولك يعني إلي تخالطهم

دائما سواء من أقاربك أو أخوياك متاثر فيهم ومسببين لك نوع من الأزمــه

وماثرين عليك وعلى تفكيرك ودام هذا تفكيرك من ألحين هذا وجهي

إن مشيت في دراستك بتفشل ومارح تفلح في حياتك خذها من ألحين

^ ذكرتني بنفسيُ يوم آني بعمرك ..

بس تخرجت من الثآنوي ، وقدر الله اني كملت درآستي .. وآلحمد لله بتخرج هآلسنة ، وبدخل العسكرية آذآ الله كتب لي نصيب فيهآإ ،

على العموم بنصحك ، لآتشفق وآجد على وظيفه عشآن لأتجيك نفسية وتكره دنيتك آذآ مآقبلوك ..

نصحيتي يابعدي كمل دراستك افضل لك وشووف لك مدني با عسكريه بلا قرف
وانت بعدك صغير اتهم بدروسك وانا اخوك افضل لك

اللي فهمته انها قصه
لكن قصه جميله
الى الامام

اشبكم على الرجال ياناس الادمي حلمه عسكريه ويبي يدخلها شوف ياحبيبي ليس هنالك مستحيل في هذه الحياه انا فهمت كلامك وصدقني اذ حطيتها في راسك راح تقدر تتدخل اذا ماتقدر الا با الثانوي فاخلاص مالك الا كلية الملك خالد العسكريه واصبر وانا اخوك شوف الملك عبد العزيز الله يرحمه وش سوا شوف هتلر شوف جيفار شوف وشوف كلهم كانو ناس متواضعين وعادين ولاكن وضعو بصمتهم في التاريخ ولاتهتم لمن يحاول يحطمك اصبر وانا اخوك وكمل والفرصه قدامك شد والله معاك ووبا اذن دام معك اكثر من واسطه انك تقدر تتدخل واذ جا يوم وحست انك طفشت من الدنيا قول ( كلها من اجلكي ياعسكريه ) وبا اذن تحقق حلمك

الرجال يبغى كلية ضباط ونت تقول له دبلوم ياشباب الرجال براسه عسكريه حلم يحلم فيه والله يوفقه يا اخوي قايد الاركان ترى كل شي تقدر تجيبه لاكن اذا انت صامل وتبغى كلية الضباط شد حيلك بالسنتين الي قدامك الي هي 2 و 3 ثانوي بعدها لا واسطه ولا هم يحزنون جيب نسبة 90 وما فوق وصدقني بتدخلها لاكن لا تتخوف ولا تفكر من الحين خل همك و تركيزك بالثانويه والله يوفقك ويحقق امنياتك ي رب