السلام عليكم جميعا

الحمد لله وقدرت اجمع 50 الف ريال حاليا قابله للزياده ابغى اقتراحاتكم في استثمارها

في بالي فكره استاجر دينا واحمل عليها على من المزارع من القصيم الى الطايف هل تنصحوني فيها .. واذا الفكره حلوه ابغى معارف لااصحاب المزارع علشان اتواصل معهم وننسق كل شي



الفكره الثانيه : المتاجره بالاغنام الحمد لله لي اقرباء نصحوني فيها وعندهم اغنام وقالوا لي احنا نجيبها لك ونربيها لك بس الاكل وراتب العامل بيكون بالنص والشغله هذي مضمونه


وحبيت اخذ رايكم

للرررررررفع

السلام عليكم


اسئل العلي القدير ان يبارك لك في مالك

واوصيك واوصي نفسي بالصلاة الصلاة فهي مفتاح ابواب الرزق ولا تنسى بر الوالدين

اخي الكريم / بالنسبة للاغنام : اذا انت فاضي وتصبر وعندك ربعك عندهم خبرة فادخل معاهم شريك بجزء من المال

بالنسبة للدينا : اشوف انك تستقر على فكرة وحده اللي هي الاغنام وتفكر كيف تنمي قدراتك وجهدك بحيث تكون صاحب مشروع كبير مع الايام

وكذالك ارى تعرضك للخطوط وتعب الطريق ومفاجآتة شي لازم يكون بحسبانك ان حصل شي لا سمح الله

بالتوفيق

اخوي انا من القصيم والخضار فيها رزق اذا تبينا نتشارك ماعندي مانع وبعدين بالنسبه للاغنام اللي اعرفه ان فيه تجار عندنا يشترون من القصيم ويرسلونها للحجاز اذا تبيني اتاكد من اسعار الخضار والاغنام ارسلي على الخاص الواتساب وبنسق مع بعض

الدنيا مر

جزاك الله خير ونصيحه في عين الاعتبار


اخوي كل الحكايه ان شاء الله يكون خير وبستخير

ونشوف اراء الاخوان في مشاريع حلوه

انصحك بالخضار مشروع ناجح لااي اعرف اناس استفادو ودخلو منه ربح اما الاغنام فاشل الاعلااف اسعارها عاليه ومحتاجه اهتمام ماتعتمد على العامل قريبي ماستفاد منها وانسرق من اغنامه والله يوفقك وابداء مشروعك بصدقه اهم شي عشان البركه

محل عصائر

اتمنى لك التوفيق

الاغنام أشوف فيه ربح والله أعلم ...بس من غير تربيه

يعني أشتر وبيع هذا أذ عندك خبره ..وخذا دينا وأذ ماضبطت الشغله معاك حول على التوصيل بدينا ..

بتوفيق أن شاءلله

اخي الكريم الخضار فيها خير برضو عندك شغلة النقل والتحميل يعني تحميل من الطائف للرياض وجده ومكة والمدينة وهكذا بضائع وغيره وكمان عشان تضمن باذن الله تضبط امورك مع اهل التخليص المكاتب تبع التخليص يعني لو بغوك دقوا عليك لحملة

وايضا فيه مشروع بسيط عمال ودينا ويجمعون الكراتين ويبعونها علي الشركات

الافكار كثيرة