السبب الرئيسي لاستمرار الشر هو عدم فعل الاشخاص الصالحين شيئا لكم حرية الفهم

بنسبة لوظائف القطـاع الحكومي تغلب الواسطه عليه
لكن القطاع الخــاص وزير العمل احتار مع الشعب وش يسوي لجل يحل مشكلة البطالة ..
امر وزير العمل ان السعودي اللي راتبه اقل من 3000 ريال يعتبر بنص فرد بقطاع السعودة واللي اقل من 1500 لا يعتبر مسجل بتامينات الاجتماعية القرار جى لصالحنا استفدنا منه وارتفعت رواتبنا واجه بعض الانتقاد بس سكت وتحمل
قام وصدر قرار جـدا صارم وقوي
فرض رسوم 2400 على كل عامل وافد بشركه يزيد فيها عدد الاجانب عن السعودين وواجه انتقاد ومشـاكل من ناس كثير لجل يتنحى عن ذا القرار
خونا نسئل بعض القرارذي جت لصالحنا ومع كذا وجهنا له الانتقاد
وش باقي نطلب منه ويسوي ؟؟؟
يا جماعة الخير البلا مو بعدم وجـود العمل
البلا بثنتين
الاولى / بعض السعودين الموظفين اذا طلبوا منه الاداره يسوي شي خارج عن منصبه الوظيفي يسويه يحسب انه بياخذ مكانه عند المدير الاجنبي
مايدري ان ذا الشي ضرر عليه مو على الشركه ولا اهتمت فيه ومتى ما تبي بتطفشه وتنهي اموره واذا سئلته ليه سويت كذا يقول خايف على وظيفتي انت كذا فتحت باب عليك من ناحية ان طلبات الشركه اوامر عليك وبتنفذها وخليت ضعف لشخصيتك انك وافقة على طلب ما يخص شغلك الوظيفي
الثانيه / كثير من الشباب ما يتقبل العمل اول شي يسئل عنه كم راتبي ؟؟
وثاني شي يشوف العمل اذا كرف ما كمل واذا عادي قال مهمشيني وملل
يعني يا جماعه وش تبون يصير اكثر
انا اتكلم على البعض مو الجميع
اتمنى تلاقون الافضل وترتاحون نفسيا وتتركون والله هذا راتبه اعلى وهو ما يستاهل
لكم ودي

ياااااااا أخوان أعندي تحليل منطقي وعلمي التفشي ظاهرت البطاله في المملكه العربيه السعوديه
أكبر دوله في الشرق الاوسط حجمآ ..ولآ يخفا على اللجميع لو أجتمعت كل دول الخليج بنفطها وميزنياتها متعادل شئ من خيرات بلدنا > مشاءلله تبارك الرحمن <
نرجع الموضوعنا بعد المقدمه الجميله

البطاله في بلدنا مفتعله ومقصدوه مئه بــ المئه الاسباب عديده

أهمها >> كثرت أسكان

من زمان الطفره والفلوس أيام حكم الملك خالد رحمة الله عليه بدا المواطن السعودي يلعب بفلوس لعب سياره وبيت مكان فيه شئ أسمه بطاله ولآ أي مواطن كان عاطل عن العمل طبعا كانت الرواتب قليله جدا بمقارنه بزمان الى نعيش فيه بس كان كل شئ يعني بتراب فلوس
الاراضي بــ 1000 و 5000 وأحسن أرض بتأخذها بـــ 15 الف السيارات وكاله بغبارها بــ 15 موديلات 80 >>> طبعا هذا من كلام شيابنا الله يحفظهم <<

يعني الامور مشاءلله آخر حلووه لآ فيه بطاله ولآ فيه عنوسه ولآ فيه أي مشاكل

من ذاك الوقت الزمن الجميل الى تقريبا في أواخر حكم الملك فهد رحمة الله عليه

بدات سياسه جديده وهي تقليص عدد السكان كيف يتم

بتقفيل باب الوطائف أصبح المواطن الى كان يتزوج بسن 20 ويكون أسره ..أصبح الآن ومن فتره طوويل أيام التقشف لآ يستطيع أن يتزوج ويكون له أسره ولو بعمر الخمسين

ترك قطاع الخاص على هواءه دون أي تدخل

يعني تقفيل الوظائف الحكوميه والادعاء بتوظيف السعودين بقطاع الخاص

علشان كذا وجد لدينا بطاله وعنوسه وأنخفاض كبير بعدد أسكان برقام مخيفه على حسب آخر أحصائيات

وفي الاخير هذه تعتبر وجهة نظري الشخصيه

يعني تقصد أن وزير العمل تفضل علينا ؟!

___________________________________

هذي اللي برد عليها من الكلام اللي قلته
على عيني وراسي الدوله امرت فيها
طيب مين رفع فيها توصية لاعتمادها من مجلس الوزراء ؟
مين شرح لهم كيفية االعمل بها ؟
تقولي مسئوليته اوك على عيني وراسي
بس لو ما جاب القرارات ذي ما كانت تحركة الشركات ولا كانت طالعة فيني ولا فيك ولا بغيرنا ولا كـان اهتمت
مجلس الوزراء ما اعتمادها الا بعد توصية من وزارة العمل
والنظر لدخل المعيشي للفرد الموظف بالقطاع الخاص
ولو انتظرت ان يصدر فيها قرار
مـا كـان صدر قرار من مجلس الوزراء حتى يشيب راسي وراسك
لا تنكروا فضله وتقولون عمله وواجب عليه
هذا هو قبله غازي القصيبي الله يرحمه كان ماسك وزارة العمل سنوات ولا شفنا شي احنا موظفين القطاع الخاص
وجى عادل فقيه بعد سوى شي قياسي خلال سنتين والجاي افضل على يده قبل مجلس الوزراء وغيره

عن نفسي انا

اشوف ان وزير العمل حقق الكثير
وبيحقق الاكثر عن قريب
يعيطك العافية

اصلا مشكلة البطاله مقصوده ومتعمده
والاسباب
اولا يبوون ان الشاب السعودي يشتغل بدل الاجانب يشتغل سباك ونجار وكهربائي وعامل نظافه هذا اللي يبونه عشان يستغنون عن العماله الخارجيه
وبالنسبه للبنت اذا هي محتاجه تشتغل خدامه او اماكن فيها اختلاط كالمستشفيات
هذا اللي يبووون يصير في مجتمعنا
ويصير مجتمعنا طبقه غنيه وبقوه والوظايف تروح لاهل الواسطات وللاغنياء
وطبقه فقيره وبقووه ومافي لها وظايف الا وظايف بالقطاع الخاص او اشغال ماتناسب السعودي كسباك والكهربائي والحداد ومايناظرون حتى بشهاداتهم حتى لو كانت عاليه لانهم من عوائل فقيره

مشكور على الموضوع