السلام عليكم
عندي استفسار
وابي تفيدوني
لو حطيت بيتي عند مكتب عقار
ابيه ايجار
شلون اعرف اعرف يلي لي ويلي علي
ماعرف شي ابدا
كيف صاحب المكتب ياخذ نسبه من الايجار
او ادفعله لما احط البيت عنده او كيف
افيدوني جزاكم الله خير

لا ممكن تترك عنده مفتاح الشقه اذا رغبة عشان لو جاء زبون جاهز ماتتاخر عليه
واذا تم العقد له 500 لمره وحده فقط تدفع

هذا والله اعلم وبالتوفيق

عادي تعطينه المفتاح و٥٠٠ريال سعي وهو يبحث لك عن المستاجر
لما يجده ويشوف الشقه وتناسبه يكلمك ويكتب بينك وبين المستاجر عقد
وينتهي دوره العقد معاك الاصل ومع المستاجر الصوره وبس
هذا اللي نعرفه ومااعتقد جد جديد موفقه يارب

الله يعطيكم العافيه وش تقولون أنتو ؟؟؟

يا أختي الفاضلة تعرضين البيت فقط عنده ولا تعطينه ولا هلله هو يأخذ سيعة من المستأجر اصلا اصحاب المكاتب يفرحون اذا احد عرض عندهم شي لأنهم يزيدون من عروضهم وسعي المكتب على المشتررري او المستأجر فقط

مايبي لها شيئ تروح لاقرب مكتب عقاري لك او اي مكتب من معارفك وتعرض عنده عقارك مثلا بيت شقة ارض..الخ ويبحث لك عن زبون مثلا لو استاجار المستاجر هو الي يدفع السعي للمكتب اما انت كصاحب الشان ماتدفع شيئ

الله يرزقك
وبالتوفيق ؛/،

[align=justify]
1-تعرض عقارك(بيت ,شقه,فله,محل,أرض)عند اي مكتب تبي ولو تبي اكثر من مكتب مافيه مشكله.
2-هو يعرضه لك وذا جاء مشترى او مستاجر وصار اتفاق بينكم هو يسوى العقد بينكم وياخذ 500ريال فقط لا غير مره واحده.
3-يبقى اصل العقد معك وصوره للمستاجر.
4- في حال الاجار تتفق مع المستاجر علي دفعات الاجار وكذا انتهى الموضوع.

أتمنى انى وضحت لك الفكره وشكرا ,,,,,,
[/align][align=right][/align]

يعطيكم العافيه
ماقصرتو

بكل بساطه عطيه المفتاح وخليه يعرف مكان البيت فقط

واذا جاء مستأجر يبلغك اما يحول لك او تجين لمكتبه وتأخذين الاجار

فيه حاجه مهمه لازم تشيكين كل فتره ترى فيه عقاريين مايخافون الله تلقينه مأجرها ويقول مافيه احد ماجاء احد

وفيه عقاريين تقولين مثلا اجرها 15 الف هو يأجرها 18 الف يأخذ 3 الالاف وانتي ماتعلمين شئ