[align=justify]
ياشباب ذبحني الظلم انا عندي خبرة طويلة مع سابك وجامعي وباقي لي سمسترين اخلص ادارة اعمال وتسويق ولغة لاكن كسعودي مهضوم حقي في الشركة المدير العام سوري ومدمر السعوديين ومعطيني راتب اقل من الاجانب عندنا بعض الاجانب الرواتب 30 و40 وسيارات كشخه حتى سيارة مااعطاني وعقدي مكتوب لي سيارة ولو اقول لكم راتبي ماتصدقون اعطاني العرض هذا من اجل ارفض وكلمت مدير الموارد البشرية بالموضوع قال لي ادخل وبعدين الله يفرجها لو مامدير الموارد البشرية ماادخل الوظيفة هو الي دخلني ومحرج منه ماودي اسوي شكوى المثل يقول لاجل عين تكرم مدينة تو خلصت فترة التجربة ماادري ايش اسوي استشرت بعض المسولين قالو لي مايحق لك تطالب بزيادة الراتب لانك قبلت العرض قلت لهم قبلت مكره اذا ارفض تروح الوظيفة وهذا هو يبيه .حتى العقد مسوي لنا مدة العقد سنتان اعرف ان السعودي بعد 90 يوم لايحق فصلة الا باسباب مثل الغياب المستمر اكثر من عشر ايام او عشرين يوم متقطع او شي يخل بالشرف . تحياتي ،،،،،،،،،،،،،،
[/align]

اهه مادري وش اقولك ترانا مقهورين من الرواتب التافه اللى يعطو السعودي فيها لا تقهرنا زياده الله يرحم امك السوري هادا شايف نفسه مايروح بلده احسله لو لقه 1فى الميه من الراتب اللى ياخدو هنا اقص يدي اخخخخ بس

الله يعنيك ودي افيدك لكن ماعرف

الكل يعرف ان رواتب السعوديين منخفظه .. والاجانب مرتفعه .. والاجنبي لو يروح بلده والله مايحصل راتب وعمل زي في السعوديه... وشايفين نفوسهم .. عرفو كيف يستغلون ..

انت على العقد بالشركه .. اذا فيه ظلم لك شكوى لمكتب العمل .. وربي يوفقك

لاحول ولاقوة الابالله

الله يكون بعونك

يعطيكم العافيه علا مروركم شباب وبنات ودي لو يصدر نظام الاجنبي خمس سنوات او عشر سنوات ويمشي مهو يعمر حتى لدرجه انهم قاموا يتزوجون بنات سعوديات من اجل يفكرون كيف يحصلون على الجنسية او يستقل البنت ياخذ اسمها ويحط موسسة ويحملها ديون ثم يهرب وبعض البنات يصدقونهم المهم خلوها علا الله 0 تحياتي

انا الشي الي اشوفه المفروض الاجانب حدهم 5 الى 7 سنوات وخروج بلا عوده

والمفروض الدوله تخليهم يدفعوا ضرايب

لاكن لاحياه لمن تنادي

الله يعينك اخي الكريم

[align=center]اول شي

انت اش طلعك من سابك

العن الشيطان وكمل الدراسه واستحمل الشغل

وارجع قدم على سابك[/align]

العزيز سابك الان مهي مثل اول فيه واجد من الشباب طلعوا منها راحو شركات اخرى الحمد لله انا مومن بان رزقي من الله مهوا من الشركات ولااهتميت للشركات لاكن هذا الاجنبي طفشني اقول في نفسي كيف واحد اجنبي يضايق على السعوديين ومهوا خايف من احد 0 شكرا على مرورك تقبل تحياتي،،،،،

يا رجال كلنا في الهواء سواء

انا موظف بقطاع خاص والراتب تقدر تقول مقبول

لكن الاجانب وين راتبي ووين رواتبهم

زي واحد عنده ابتدائي وواحد عنده دكتوراه


وغير كذا اخلاقهم استغفر الله

[
اخوي على مرورك الاجانب مااعتقد نفتك منهم الى ان تقوم الساعة ياليت النظام الي في الامارات او قطر عندنا الاجنبي مايقدر يكلم بزر مواطن مره كنت في دبي ركبت مع تكسي السواق دق بوري على شباب صغير ممكن عمرة حدود ( 18 ) السواق حثه كبير هجم الشاب على السيارة وضرب الزجاج السواق حمق وقام ينتفض انا زعلت من تصرف الولد قلت للسواق صديق انت يقدر يضرب هذا قال لا انا يضرب مواطن على طول يسافر نهائي ياليت عندنا النظام ماتشوف الهندي يتطاول عليك ولااهتم في احد حتى بالهند مايعمل الي يعمله عندنا لان مافيه عقاب وحنا ابد قلوب مافيه خايفين نقطع رزقه بابا انا مسكين حتى بلعوا كل شي مافيه تجارة الا وهم فيها وظيفة الا هم حتى البساطات بالشوارع البارح يشتكون منهم في الرياض في برنامج داوود الشريان .المهم الله يحفظ بلادنا ولايغير علينا الا بخير . تحياتي ؛؛؛؛؛؛؛؛؛؛؛