وهذه قصيده للشاعر حامد زيد

مشكلة لاجات حاجتك بيدين البخيل
......مايفكك لين تدفع كثر مايدفعه

ومشكله لا صرت مطعون بكفوف الدخيل
......في ظهرك اربع خناجروبالصدراربعة

ومشكله لاضاق بالوقت رجال ثقيل
...... يطلب احبابه وعيّا زمانه ينفعه

ليت ربي مايحاسب خليل من خليل
...... دام ما للحظ فزعة وللوجه اقنعة

ودام ما للعذل تالي وما بالحيل حيل
...... الغلا سم نذوقه ومر نجرعه

نحتري فيه اللقا والحصيل هو الحصيل
...... مثل حلم ماتحقق وعييت اقطعه

كني اللي حط بشفاه من جمر المليل
...... لاقدر يرميه للناس وازرى يبلعه

والظروف اللي حدتني لنيران وفتيل
...... عرضت دمع المحاجر لشي يجزعه

والمدامع بالغلا لاتحال ولاتحيل
...... والمشاكل كل ما جات جات مجمعه

اعذلوني عن هوى النفس وعيوني تخيل
...... في حبيب ما تركته ولازلت اتبعه

مغرم في حب مثله ولا ارضى له بديل
...... عيني تشوفه وقلبي يجوع ويشبعه

ذاك كل مازان بالي وطالعت النخيل
...... ما ذكرت الا ثباته بوقت الزعزعة

ما هو الاقطعة من حشا قلب عليل
...... وماني الا قطعة منه مخلوق معه

لاجميل شفت قلبه ولابعده جميل
...... العذارى رهن رمشه وانا رهن اصبعه

والله انه لو طلبني طلوع المســــتــحـــيل
......لطلعه ( منيّه .. منّاك)يعني لطلعه

ما علي من الملا مة ولاهرج الهبيل
......ما اشجع الرجال لاثار غيرة ، ما اشجعه

في عيون اللي عشقني ولاجاني هزيل
...... الله اللي حط عـــــشــقــــه بقلبي وازرعــه

لو سكت ينطق له الصم والدنيا تسيل
...... وان حكى كن اكثر المزن يوقف يســــمـــعــه

سلسبيل من شفاته يخالط سلسبيل
...... معمعة بسكات ، واحلى سكات بمعمعة

ما هقيت ان أكثر الليل يمرح بالجديل
......لين شفته شوف عيني بكفّه يرفعه

وان حييت وما بقالي معه يا كود ليل
...... لاسهره بأول غروبه واموت بمطلعه

والله ان العشق (جمره وطاحت بالشليل)
...... وان حصل (ما طاعك الوقت بأحبابك طعه)

ومنهو اللي علم اعداي نكران الجميل؟
...... ومنهو اللي خان خلي وحاول يقنعه؟

كل عاذل ردّني عنك يالطرف الكحيل
...... يا عسى الله يقلعه .. يا عسى الله يقلعه

يا معرض قلب الاحباب للدرب الطويل
...... (السعة لابارك الله بالضيق ) السعة

والله ان الوقت قاسي وانا ماني ذليل
...... واشهد ان الرجال مرات ظنه يخدعه

وانتم تعذلون خفاق بعيون العديل
...... ما رحمتم نار جرحه وغيرة مدمعه

والسوالف ليلها ليل والحايل يحيل
..... والمشاكل مشكلة مشكلة متجمعة

مشكلة لاخانك الوقت بالحمل الثقيل
...... لو زرعت الزرع هوج العواصف يشلعه

ومشكلة لاصار عاذلك ما يبرد غليل
...... لاترده طيب كلمة ولا حد يمنعه

ومشكلة لاصرت مطعون بكفوف الدخيل
.......في ظهرك اربع خناجر وبالصدر اربعة


اللي بعدي ولا عليه امر نبي قصيده لــــ فهد عافت

وهذه ابيات للشاعر حمد السعيد

يالطلح ما مرك مع الصبح صافي === طير غدالي امس والشمس حيه
اتلا العهد به راح يطرد مقافي ==== خابريبه اومى في جناحه هنيه

رد الطلح
لا والله إلا مرنا العصر وافي === كنه غلام مستغيرن بهيه
اقبل علينا ثم اخذ بإنحرافي === يوم الحباري وقعن له سويه

قال حمد
يالطلح قلي عل مابه خلافي === البارحه برد وشمال قويه
كانه تعشا قلت عله عوافي === والحي يجمعه الولي مع خويه

رد الطلح
لا والله ألا صاد خربٍ امتعافي === واخذ عليه من الثنادي شويه
لا مفلسٍ مره ولا قال كافي === يوم اخلفنه عن عشاه احقبيه


قال حمد
خابره والله قاطعٍ ما يخافي === دايم على الصيده تجيله حميه
انشدك باللي منبتك بالسوافي === عساه في خيرٍ ولا فيه سيه

رد الطلح
خبري به اقرش في سبوقه خلافي === مابه بلا وامرح على هالحصيه
والفجر شخّص بالنواظر وشافي === طلعه بعيد ويمته ساحليه


قال حمد
يالطلح ذا حبه ولاهوب خافي === متعادلٍ حبه بحب البنيه
بعض الطيور ان راح قلنا عوافي === لاشك هذا وين ابلقى حليه


رد الطلح
اتعب عليه وعادة الحر يافي === اضرب سهلها والوعر والشغيه
يجيبه اللي رازقٍ هلعجافي === بهايمٍ تمشي على غير نيه


قال حمد
يالطلح لك مني يابو غصن ضافي === لا جابه الله وكل نيه مطيه
لاجيك انا في موتر القش هافي === واسقيك هاللي باقي بتانكيه
واطى على رملة سوافيك حافي === وكلٍ على ما قيل يذكر خويه


نبي ابيات للشاعر بدر الظاهري

هذتخسا وتعقب حقدك اليوم قد شاع = وبان القناع اللي ستركم وقاره
الوضع متحسـن ولا بيننا جيـــاع = وشبه الجزيرة ما تقارن بـ أماره
لا بيننا هندي وسندي ولا رعاع = الشعب واحد في الشكل والعبارة
هذا وطنا موطن أحرار وسباع = ماهو بمدهال لــ نـشوى وساره
مهبط وحي ترقى على كل الابقاع = يكفي بها مكة وطيبه مناره
وأصغر سعودي ما يقارن بفز( ....) = لا دق زير الحرب وأشعلت ناره
ي من قصائد بدر الظاهري رد على شاعر خليجي يسخر من زيادة ال5%100
ابي قصيدة للشاعررشيد الزلامي