هذه القصيدة قالها الشاعر الكبير أحمد الناصر الشايع في رثاء ابنه محمد رحمه الله

يا بعد نوم الليل عن حجر عيني = صبر على ما صار من وال الأقدار

صبرت صبر باح منه الكنيني = أضحك مع العالم وكني على نار

ما غير أهوجس بين نفسي وبيني = يعلم بها العلام في كل الأسرار

تقل اتحرى لي علوم تجيني = مع الطروش اللي يجيبون الأخبار

فهمت رأس العلم من كلمتيني = من يوم قالوا جا محمد ونصار

تكسّرت عقبه جرايد يميني = عز الله اني عقب ما صار صبّار

من عقبها ونيت لي ونتيني = ونة غريب بالخلا ضاع واحتار

لولا الله أبرك ثم قوة يقيني = لا طير مثل الطير من كف صقار

تخنقني العبره وأفرّك يديني = واحترت مثل مصالي النار والغار

علم يخلي كل قاسي يليني = كنه على قلبي رصاص أم كرار

الى ذكرت عياله المصغريني = هذا يعزيهم وهذاك زوار

احد على جنبه واحد له ونيني = جتني هموم القلب من كل الأقطار

قلت اصبروا والله مع الصابريني = الله يكافيكم صواديف الأشرار

عسى عوضنا الحي بالميتيني = ناصر ونايف ذخرا سر واجهار

وأحمد وعبدالله ذرانا الحصيني = صغار سن وان بدا اللازم كبار

يجبر عزاي اللي بخلقه ضميني = محيي العروق الميته عقب الأمطار

مالي عن المكتوب فوق الجبيني = لو رحت شرق وغرب ويمين ويسار

صليت نصف الليل لي ركعتيني = أطلب له اللي للخطيات غفَّار

خفف ذنوبه يا أرحم الراحميني = في ماقفٍ ما ينفعن فيه الأعذار

جعله برضوانك من الفايزيني = بالماقف اللي به يضيعن الافكار

في ماقفٍ به كل خافي يبيني = تمت وصلى الله على سيد الأبرار


اللي عقبي ولا عليك امر قصيده للشاعر الوجداني ابن سبيل

هذي قصيده للشاعر صالح بن دخيل لله الهذلي

هيض عليه وهيضني وهاض الضمير .... قاف سمعته وجاوبته بقاف على آو
حرك هجوسي ودورها وراحت جرير ....وطق باب الظماير لين قالت اقراو
من شاعر وصف بيته غير والناس غير ....كنك تفرج على وصفه بشاشة قناو
أطرا علينا ليا جن السحايب عجير ..... وتزبرت فالفضا ماعاد فيها فضاو
وهلت وعلت وقام السيل يهدر هدير .....وقام يتطامم مع الرقه لزبده غثاو
الى ان قال :
وجا للنشاما على سرد المواتر مسير ... من فوق شهب الجيوب اللي تشق الغباو
مع محرزات العشاء لاشان وجه البشير ... هي المعازيب فالبيدا وهاك الحراو
سطوة حرار لها وسط الخضيرا عكير .....لا شهلت للهداد وصار فيها عصاو
وان عارضوا من زعاجيل الحباري شرير ...متزبنات المذاري في خشوم النزاو
تقلطوا من صواريم القرانيس طير ..... الاشقر اللي على الهده سريع النداو
الافدع الشامخ المتمشلح المستدير ....الازور المنكب اللي في كفوفه قساو
وعيون سود ملبا مثل عين النذير ....اللي سمع زهمة البندق وحس الحداو
وكن المناسر سيوف عاقبنه شطير ... من مقطع الكتف وحدر من الذنيبا وزاو
هجر كراعه مثل راس القلم مستدير ..... مسرول ضافي ريشه لحجله ضفاو
اليا فرد مخلبه حرف من الراء صغير ....واليا كمش مخلبه تقول بالعكس واو
الصارم الصاطي اللي في هداده خبير ... وان حقق الطلع يشعى الجول عطب الاهاو
ومن بعد طاح العشا ردو الراي الشوير ...قال المعشى نباه يم هاك النزاو

الى ان قال في ختامها :
وجات السوالف بين النشاما مسير ....في جلسة تنقش عن الكبد مر الشقاو
اليا انحرم منها الغني كنه حساب الفقير ...والفقر قل العزيمه والوفا والسطاو

اللي بعدي ولا عليه امر
نبي للشاعر الرائع حبيب العازمي

كفووو والله يابو ترمس ..

اقتباس:

المشاركة الأصلية كتبت بواسطة عاطل عام ترمس نبي للشاعر الرائع حبيب العازمي

عز الله انك احسنت اختيار الشاعر وعساني احسن اختيار القصيدهـ ..

لكن هاك قصيدة الخطيه واقراها كامله !!

الخــطيّة

سامح الله من قصدني واعتمدنـي بالخطيـه
من قريبين الجدود ومن بعيديـن الجـدودي

دايـمٍ مايفلـح اللـي غيّـر النيـه بنـيـه
-والخطيه كان ماتنقص تراهـا ماتـزودي

خابر انك ماتـروح بعيـد يـاراع الرديـه
لو مشيت (2000) كيلو ماتعديك الحـدودي

انـت طرقـيٍ معنّـى لاشـداد ولا مطيـه
لا انت فتال العقود ولا انت حلال العقـودي

لو تحّزم بالرصاص ولـو نقلـت البندقيـه
الرصاص يذل والبندق تذل مع الشـرودي

هبّ وانا راعـي العشـوا وخيّـال العبيـه
كيف يارخو العضود تضد مفتول العضودي

والله انـي لا كليـل ولاذليـل ولاعلـيـه
مير احسب لي علومٍ مابقي منهـا وجـودي

احسب حساب الرفاقـه والمـروه والحميـه
حشمة للطيبين اللـي بعضهـم فاللحـودي

نظرتي فالطيبيـن ونظـرة الحسـاد فيـه
كلها نظرة حسد والعود في عين الحسـودي

والله اني ما ادعيـت بحجّـةٍ ماهيـب ليـه
حجتي ما تنجحد واللي جحدها من شهـودي

خافوا الله يالقضاه اللـي تعرفـون القضيـه
الصحيح يسود والباطل مصيره مايسـودي

لامطالبكـم بديـن وذمتـي منكـم بـريـه
مابقي غير العلوم اللـي يبيحـن السـدودي

بيّنٍ عيد رمضـان وبيّـنٍ عيـد الضحيـه
ياعسى الاول يعود وياعسى الثاني يعـودي

ياقطن جاتك مزوّعـةٍ مـن الحـرّه طميـه
مستخفّه عقب كانت لارمـوح ولاهبـودي

ساقها عشق الجنـون وساعدتهـا الجاذبيـه
لين عدتها الجبـال المستطيلـه والنفـودي

معجزه في عصرنا الحاضر وعصر الجاهليه
الهوى صاب الحجر مابه قلوب ولا كبـودي

وين قيس بن الملوح وين ليلـى العامريـه
كيف ماينصفهم اللي ينصف ديانـا ودودي!!

والعزا فيما بقى واللـي بقـا فيـه البقيـه
مرة الايام بيـض ومـرت الايـام سـودي

يالله اجعـل خاتمتنـا بالسـلام وبالتحـيـه
ونتوفى محرمين وفي حرم ربـي سجـودي

بغيت انسى اختاار شاعر ..


بما انا في اجواء شعراء القلطه هاتوا قصيدهـ للوزن الثقيل / سلطان الهاجري ..