يوجد بالداخل اسم شاعر حاول تجيب له بيت شعر او قصيدة

الفله · #51 (**permalink**) 12-05-2008, 01:22 AM

هذه قصيده للشاعر ( ضيدان بن قضعان ):

الدلو والميـزان والقـوس والحـوتماغير برج العـاج تغـري وصوفـه
وبرج بقلبـي بـرج لولـو وياقـوتلا يـا بعـد بـرج الحمـام ورفوفـه
ما يسكنه غيرك من السيـف للكـوتلو ينتحي راس الولـد عـن كتوفـه
علـم وكيـد بالمواثـيـق مثـبـوتما هـو عـذر اللـي يفـرك كفوفـه
والله لا سافر لك لـو ارجـع بتابـوتوانا من اللي ما ربـوا فـي مروفـه
على الشقا لاع الهـوى كـل شفلـوتوانتـي تلوعيـن الحشـا بالطروفـه
والوقـت للجاحـظ والايـام هـاروتوالقلب حاتم وانتـي اغلـى ضيوفـه
يا مرحبا ترحيبـة عقـاب يـا نـوتوالحـي يلحـق لـو تحـده ظروفـه
صوتك يكفيني عن الشـرب والقـوتوشوفـك غناتـي والحيـاه مخلوفـه
يااقوى من اللوعات واسخف من التوتوابلغ مـن البيـت الاخيـر وحروفـه
رجـل تنادينـه ولا يسمـع الصـوتخسـارة سمعـه وصوتـه وشـوفـه
ورجل يضمك بيـن اياديـه ويمـوتوالله مـا يلحـق حياتـه حسـوفـه

ـــــــــــــــــــــــــــ

مطلوب من اللي بعدي عسى عمره طووووويل قصيده للشاعر:

( نـــــــــــــــــايف صقر )

الجنة تنادينا · #52 (**permalink**) 12-05-2008, 01:37 AM

تعبت أكتب تعبت أشطب تعبت أجّرهـا مـوال
تعب أسمع مصايبها وانـا عايـف مصايبهـا
ألا يالله يالخيـره وألا يـا ضيقـةٍ ف البـال
همومٍ جيت ابسرجها وعافـت بـى ركايبهـا
بحور الشعر مكسوره بلا مخـرج ولا مدخـال
قصيده مابها معنى عسـى تذهـب ذهايبهـا
تعال وقرب الدلـه تعـال وعطنـى الفنجـال
تعال وخذ قصيـد الله وكيلـك مـن سبايبهـا
قصيدى مثل زيزومٍ طلـع بـأول بدايـة فـال
وشاف الناس تنهبها عسـا يكثـر نهايبهـا
أنا مانـى تـرى ناقـد ولا للمشكلـه حّـلال
ولـو انـى بخربهـا حـرام إنـى لخربهـا
أشوف الساحه العوجا بها(.....)معـاه(.....)
يغنـى ذا يطبلـه وذى تـجـدع ذوايبـهـا
تصيح وتطلب النخوه تبى شاعر يهـز جبـال
تبى شاعـر يسنعهـا وانـا كلـى حبايبهـا
أنا شاعر نعم شاعر وأعرف إن القروم افعـال
وأعرف الساحه العوجا ترى داهـا طبايبهـا
ألا ليت الشعر الغلطه وألا ليت الدروب طـوال
مـدام الكلمه(القشرا)تعّـود يــم كاتبـهـا
نسوا.!! إن الشعر حكمه ونصيحه تلزم الرجال
ونسـوا.!! ان (الردا)توطـى راس صاحبهـا
أبقفى وأترك الساحه وأنا توى بديـت بحـال
ألا وشلون؟ أسايرها مـدام ابليـس راكبهـا
يالكاتـب القـاري وألا يـا فاهـم الغـربـال
وألا يالصاحب المبدع تذكـر؟ قـول شايبهـا
لاضاقت فيك هالدنيا وعربها لا تزيـد هبـال
مـدام إن القـدم تمشـى كثيـراتٍ عجايبهـا
تجنب وترك العالم ترى إبنـادم بهـا رحـال
ودش بسوق طيّبها وبيـع برخـص خايبهـا
ترى الطيّب يعز اللى يعزه والرجـال اشكـال
وخايبهـا يسّودهـا ولـو بيضـا نصايبهـا
ترى قبلى يقولونه ولا فـى هالعلـوم جـدال
رخومٍ والرخوم إرخوم لـو طالـت شواربهـا

الجنة تنادينا · #53 (**permalink**) 12-05-2008, 01:40 AM

تعبت أكتب تعبت أشطب تعبت أجّرهـا مـوال
تعب أسمع مصايبها وانـا عايـف مصايبهـا
ألا يالله يالخيـره وألا يـا ضيقـةٍ ف البـال
همومٍ جيت ابسرجها وعافـت بـى ركايبهـا
بحور الشعر مكسوره بلا مخـرج ولا مدخـال
قصيده مابها معنى عسـى تذهـب ذهايبهـا
تعال وقرب الدلـه تعـال وعطنـى الفنجـال
تعال وخذ قصيـد الله وكيلـك مـن سبايبهـا
قصيدى مثل زيزومٍ طلـع بـأول بدايـة فـال
وشاف الناس تنهبها عسـا يكثـر نهايبهـا
أنا مانـى تـرى ناقـد ولا للمشكلـه حّـلال
ولـو انـى بخربهـا حـرام إنـى لخربهـا
أشوف الساحه العوجا بها(.....)معـاه(.....)
يغنـى ذا يطبلـه وذى تـجـدع ذوايبـهـا
تصيح وتطلب النخوه تبى شاعر يهـز جبـال
تبى شاعـر يسنعهـا وانـا كلـى حبايبهـا
أنا شاعر نعم شاعر وأعرف إن القروم افعـال
وأعرف الساحه العوجا ترى داهـا طبايبهـا
ألا ليت الشعر الغلطه وألا ليت الدروب طـوال
مـدام الكلمه(القشرا)تعّـود يــم كاتبـهـا
نسوا.!! إن الشعر حكمه ونصيحه تلزم الرجال
ونسـوا.!! ان (الردا)توطـى راس صاحبهـا
أبقفى وأترك الساحه وأنا توى بديـت بحـال
ألا وشلون؟ أسايرها مـدام ابليـس راكبهـا
يالكاتـب القـاري وألا يـا فاهـم الغـربـال
وألا يالصاحب المبدع تذكـر؟ قـول شايبهـا
لاضاقت فيك هالدنيا وعربها لا تزيـد هبـال
مـدام إن القـدم تمشـى كثيـراتٍ عجايبهـا
تجنب وترك العالم ترى إبنـادم بهـا رحـال
ودش بسوق طيّبها وبيـع برخـص خايبهـا
ترى الطيّب يعز اللى يعزه والرجـال اشكـال
وخايبهـا يسّودهـا ولـو بيضـا نصايبهـا
ترى قبلى يقولونه ولا فـى هالعلـوم جـدال
رخومٍ والرخوم إرخوم لـو طالـت شواربهـا
للشاعررررررررررررررررررررررررررررررر
(محمد المطيري)

الفله · #54 (**permalink**) 12-05-2008, 01:50 AM

انا طلبت من اللي بعدي يجيب قصيده للشاعر نايف صقر وانت ما جبت الله يسلمك ( حاول تجيب للشاعر نايف صقر هذه قاعدة الموضوع )

وبعدين ياطويل العمر ماطلبت من اللي بعدك يجيب اسم شاعر على ذوقك

اطلب اسم شاعر لو سمحت ليتمكن اللي بعدك ان يأتي باسم الشاعر اللي انت طلبت ( وهذي القاعده الثانيه للموضوع )

زيدان · #55 (**permalink**) 12-05-2008, 02:27 AM

اقتباس:

المشاركة الأصلية كتبت بواسطة الفله

انا طلبت من اللي بعدي يجيب قصيده للشاعر نايف صقر وانت ما جبت الله يسلمك ( حاول تجيب للشاعر نايف صقر هذه قاعدة الموضوع )

وبعدين ياطويل العمر ماطلبت من اللي بعدك يجيب اسم شاعر على ذوقك

اطلب اسم شاعر لو سمحت ليتمكن اللي بعدك ان يأتي باسم الشاعر اللي انت طلبت ( وهذي القاعده الثانيه للموضوع )

ولاتزعل ياصقر ..

واحلللى قصيدة لنايف صقر ..

سجد قلبي على رمل الضلوع وهزه التنهيد=وانا في جوفي خيام الندم والخوف منصوبه
يارب افهق هلاكي والمنايا والدروب بعيد= مادام المودماني للتراب تقوده دروبه
ياغياث الضوامي والثمام وجرهدي البيد= اعذني من جهنم والحشر والموت وكروبه
انا مانيب لامشرك ولافاسق ولاعربيد= انا اللي لا عصى واخطا تجهم واقلقه ثوبه
وانا اللي يرتجف مثل ارتجاف الخايف الرعديد= ليا شاف القبور الضيقات وحس بذنوبه
انا عبدك ولد عبدك وجداني هل التوحيد= خطاياي اخجلتني يالله الغفران والتوبه
انا الانسان حمال النقايض والكمد والكيد= غريق الطين واللذات من راسه لعرقوبه
انا عبدك ياربي وانت تفعل ما تشاء وتريد= سالتك يالله العفو العظيم وهين دروبه

عطونا للشاعر / محمد اقبال خخخ لالا امزح ..

طيب عطونا .. عطونا

عطونا للشاعر / نـجر العصيمي لاهنتوا ..

الفله · #56 (**permalink**) 12-05-2008, 03:05 AM

تسلم والله يا اخ زيداااااااان ونعم الرجل عزالله انك كذا

وبالنسبه لمحمد اقبال ما شاء الله صار شاعر بالسرعه هذي ههههههههههههه

الله يسعدك ويوفقك ياعمو زيدان بيك

وهذي قصيده للشاعر ( نجر العصيمي ):

اسمعونـي يابعيديـن المدالـي = كلمة ٍمـن راس شاعرهانطقهـا
سلمنا بجيوبنا والسـوق غـالـي = والدروب الطيبات لمـن عشقهـا
قالها اللي عارف ٍسلم الرجالـي = والمثايل من زميلـه ماسرقهـا
يوم بعض الناس عايش بحتيالي = وان سمعله كلمة ٍقشـرا زرقهـا
يترك الصافي ويرجـع للحثالـي = والقدورالبايتـه يشـرب مرقهـا
عارفين سهيل والقطب الشمالـي = والنجـوم الباقيـه كـل ٍفرقهـا
والد هرممشاه ميلـه واعتدالـي = كم رجـال ٍعـن مواقفهافهقهـا
دورناخلا الثعـل صوتـه يلالـي = والسباع الضاريه يجلس شنقهـا
وان ركب حبل الرشافوق المحالي = دش في جحره وجنب عن غرقها
وان لقاهابـارده حدرالضلالـي = له يدين ٍطايلـه ماحـد ٍسبقهـا
يامفرقت العـدال مـن الميالـي = مارزقتونـاس ربـي مارزقهـا
ومن يريد الطيبه عـدى العوالـي = والرديـه فـي ملفـه مارفقهـا
والـردي يتبـع رداه ولايبالـي = والنشامى طيبهايسبـق حمقهـا
وان زبنت ازبن طويلات الجبالي = استريح عن المشاكل في درقهـا
فـي ذراهالاجـواب ولاسوالـي = مــن بغايصعدعليهامالحقـهـا
وان مشيت مع الخلاوالقاع خالي = احذرالصبخاوجنب عـن زلقهـا
لا تغرك لمعـة القـاع الموالـي = لوملاها السيل ماينبـت ورقهـا
ـــــــــــــــــــــــــــــــ

مطلوووووووب قصيده او ابيات للشاعر :
( فيصل الرياحي )

Mr.RęLǻҗ · #57 (**permalink**) 12-05-2008, 03:35 AM

فيصل الرياحي

يا من دريت بغلاي وقلت ما تدري

كلك جمال أو مليت العين وزيادة

يازهرة من بساتين الهوى العذري

ينشد شذاها نسيم الليل وبراده

تحتل بين الزهور المركز الفخري

وينثر لها الغيم عطر الحب ومجاده

أنا أعزف الساهري وغنى الحدري

في حيرتٍ بين عقل الرجل وفواده

واللي شيكني وجدد فالغرام أسري

في عينه تاهية العاشق وميلاده

يوم أرسل الرمش وستولى على أمري

أرضيت فيه الهوى وغضبت حساده

صغت الجواهر ومع تقصيري وعذري

أهديتها له اسوار او تاج وقلاده

لاهنت نبي الشاعر
الشاعر الكبير :ـ
محمد القاااضي
رحمه الله ورحم موتى المسلميــن أجمعين ،،

الفله · #58 (**permalink**) 12-05-2008, 03:46 AM

الشاعر محمد القاضي رحمه الله
في مدح أهل عنيزه بلدته والتي منها هذه الأبيات

يا عل بـراقٍ حقـوقٍ خيالـه

محنٍ مرنٍ مرجحـنٍ وهطـال

يسقي مفالي ديرتن ضـم جالـه

ما يعجب الناظر يشوفه ويهتال

دارٍ لنا ودادي الرمه هو شمالـه

غربية الضاحي وشرقية الجـال

دارٍ لنجد مشرّعه كم عنـا لـه

راجعي و محتاجٍ ولا جي ونزال

ـــــــــ

مطلوب قصيده او ابيات للشاعر:

محمد الاحمد السديري

Dark angel · #59 (**permalink**) 12-05-2008, 05:13 AM

وهذي قصيده لـمحمد الاحمد السديري
يقول من عدّا على راس عالــــي
.......... رجمٍ طويل يدهله كل قرنــــاس
في راس مرجومٍ عسير المنالـــي
........ تلعبْ به الأرياح مع كل نسْنــاس
في مهمهٍ قفرٍ من النّاس خالــــي
........يشْتاق له من حس بالقلب هوجـاس
قعدت في راسه وحيدٍ لحـالــــي
..........براس الطويل ملابقه تقل حــراس
متذكرٍ في مرقبي وش غدالــــي
...........وصفّقْت بالكفين ياسٍ على يــاس
أخذت أعدّ أيامها والليالـــــــي
............دنيا تقلّب ماعرفنـا لها قيــــاس
كم فرّقت مابين غالي وغالـــــي
..........لو شفت منها ربح ترجع للافــلاس
يقطعك دنيا ماله أول وتالــــــي
.........لوأضحكت! للغبن تقرع بالأجــراس
المستريح اللي من العقل خالــــي
.........ماهو بلجات الهواجيس غطّـــاس
ماهو بمثلي مشكلاته جـــلا لــي
......... أزريت أسجّلهن بحبرٍ وقرطـــاس
حملي ثقيل وشايله باحتمـالــــي
...........واصبرعلى مر الليالي والأتعــاس
وارسي كما ترسي رواسي الجبالــي
............ ولايشتكي ضلعٍ عليه القــدم داس
يابجاد شب النّار وادن الدلالــــي
............ واحمس لنا يابجاد مايقعد الــراس
ودقّه بنجرٍ ياظريف العيالــــــي
............. يجذب لنا ربعٍ على أكوار جــلاس
وزلّه إلى منّه رقد كل سالـــــي
.............. وخلّه يفوح وقنّن الهيل بقيـــاس
وصبّه ومدّه ياكريم السبالـــــي
............. يبعد همومي يوم اشمّـه بالانفـاس
فنجال يغدي ماتصور ببالــــــي
............ وروابع تضرب بها أخْماس وأسداس
لاخاب ظني بالرفيق الموالـــــي
............ مالي مشاريهٍ على نـايد النــــــــاس
لعل قصرٍ مايجيله ظـلالــــــي
.............. ينهد من عالي مبانيه للســــاس
لاصار ماهو مدهلٍ للرجالــــــي
............... وملجا لمن هو يشكي الضيم والياس
بحسناك يامنشي حقوق الخيـالــي
............... ياخالق أجناس ويامفني أجنـــاس
تجعل مقره دارس العهد بــالـــي
................صحْصاح دوٍ دارسٍ مابه اونــاس
البوم في تالي هدامه يلالــــــي
................ جزاك ياقصر الخنا وكر الأدنــاس
متى تربّع دارنا والمفالـــــــي
...............وتخضرّ فياضٍ عقب ماهيب يبّـاس
نشوف فيها الدّيدَحان متـوالــــي
............... مثل الرعاف بخصر مدقوق الألعـاس
ونمشي على البيدا سوات الزوالــي
................ يشرق حماره شرقة الصبغ بالكـاس
وتكبر دفوف معبّسـات الشمالـــي
...............ويبني عليهن الشحم مثل الأطعـاس

الى بعدي قصيده لشاعر الامير خالد الفيصل

الفله · #60 (**permalink**) 13-05-2008, 01:44 AM

هذه ابيات للشاعر الامير ( خالد الفيصل ):

شمس نصف الليل ماتحرق المترفي
نورها بالقلب والعين ما تجرها
تشغل بالقلب ساعه وساعه تطفي
والجدايل له انتشرشعرها تسترها
يا شعاع ساري بالدجى متخفي
كل روح لمسها بالهوىبغمرها
أرتعش بالشوق جفن الغرام ورفي
والتوت نظره بنظره على حاجرها
والندى نشوان فوق الزهر ماجفى
والهوى غنا على غصنها سامرها
ما يعرف الليل من خافقه مترفي
كل وصفه شوق قلب والخلي يقربها

ــــــــــــــــــــــــــــ

اللي بعدي اذا ما عليه كلافه مطلوب منه قصيده او أبيات للشاعر:

( سعد الخريجي )

يوجد بالداخل اسم شاعر حاول تجيب له بيت شعر او قصيدة

الشعر والنثر

بسم الله الرحمن الرحيم السلام عليكم ورحمة الله وبركاتة أسعد الله أوقاتكم بكــــــــــــــل خير المره هذي يا اصحابي الطيبين جايب موضوع جميل جدا ويثير...

يوجد بالداخل اسم شاعر حاول تجيب له بيت شعر او قصيدة

تسجيل الدخول

يوجد بالداخل اسم شاعر حاول تجيب له بيت شعر او قصيدة

الشعر والنثر

بسم الله الرحمن الرحيم السلام عليكم ورحمة الله وبركاتة أسعد الله أوقاتكم بكــــــــــــــل خير المره هذي يا اصحابي الطيبين جايب موضوع جميل جدا ويثير...

يوجد بالداخل اسم شاعر حاول تجيب له بيت شعر او قصيدة