الشاعر نواف التركي

ما كل فرقى عقبها دمع وجروح
بعض الأوادم في فراقه مسرّه




اللي يبي يرحل ترا الباب مفتوح
ماني بشاري خاطر أنسان مرّه




ماعاد تفرق من يجي من هو يروح
بس المهم من راح يقفي بشرّه




لا أبتبعه شرهه ولا أقول مسموح
وله مني أنّه ما تجيه المضرّه




ماني بناقص دوخة الراس والبوح
له ساعةٍ لا جات لله درّه




واللي سكن بالروح للحين بالروح
ماغيّرت سود الليالي مقرّه




اللي عليه الشعر والنثر والبوح
هذاك يبطي عاذلي ما يغرّه




تبقى معي ذكراه من وين ما أروح
وتبقى عيوني تحتفل في صورّه




يا كثر ما قالوا على غير مصلوح
ويا كثر من جاني عليه يتشرّه




مادندنوا مثلي مع ساجع الدوح
ولا عدّدوا مثلي نجوم المجرّه




ياعاذليني والصبر ثوب مفضوح
متفتقٍ بالستر وشلون أزرّه




لو كل مملوحٍ يعوّض بمملوح
ما كان له بين المعاليق جرّه






مطلوب للشاعر
فيصل العدواني

وهــذهـ قـصـيـدهـ لـشـاعــر فــيــصــل الـعــدوانـــــي

وهذا خالد السهلي ..

حضر لعيونكم ..

اللي يعيش الحب وقته خساره !
كذب ونفاق ونار شوق ومسبه !
..

يعني امانه وبصريح العباره :
ما في احد يستاهل انك تحبه !!
..

هذا خبر قلبي وهذا قراره
تعبت ادور للمعاذير كذبه
..

انا الشباب اللي كسبته وقاره
انا الفقير اللي رجى عفو ربه
..

انا الغلط ! .. لامن تحاشى قذاره
انا الامير اللي خذل ود شعبه !!
..

خلني مريض ولا تجيني زياره !
يالعشق يكفي سمك اللي تصبه
..

يالحب ! ناسك لبسوك الحقاره !
ولا انت اسمى من خذا فيك لعبه !
..

انا خذيت من العواطف مراره
لوعه فراق وحالتن حيل صعبه
..

ولا كنت احسب ان الجفا بإقتداره
يرقى بي بدور المعاشيق رتبه
..
الحب : ديني والنسب والاماره
ولا الولايف جعلهم للمطــبه !
..

غير الاهل والوالدين المناره !
ما فــــــــي احد يستاهل انك تحبه ..
..

للي بعدي..
ابي قصيده حق الشاعر المبدع
سلطان الهاجري ..

أثرْك جالك بطين ونبت لك صـرّه!!

........................ يوم أنّي أزهـم عليـك ولاتحاكينـي

ورثت ورث العجوز وجيـت مجتـرّه

........................ وصنفت نفسك من أصحاب الملاييني!

بالله أبنشدْك كم مرّه .. وكـم مـرّه

........................ يجفونك أقرب بني عمك وتاتينـي ؟؟

تشكي من الفقر .. وتعاني من الحرّه

........................ وأقوم وأقسم معاشي بينـك وبينـي

واليوم تركب على المرسدس وتفـرّه

........................ كنّـك حفيـد الأئمّـه والسلاطينـي

لوّك بدال الأمريكـي عالـم الـذرّه

........................ يمديك أكلت الزوالـي والبطاطينـي

يعطيك من خيره !! ويكفيك من شرّه

........................ عقب التكاسي وعقب الفقر و الديني

أن كان نفسك من المليـون منغـرّه

........................ تـراك خسـران فالدنيـا وفالدينـي

الله هو اللي يسـر العبـد ويضـرّه

........................ والا أنته (أربع حروفٍ) بين قوسيني

تراك مازلت تتبعنـا علـى الجـرّه

........................ من عاد حنّا على ظهور البعارينـي

قومٍ يدينـا تحـوش المـال وتثـرّه

........................ على بيـوت الأرامـل والمساكينـي

لو نملك الكون من بحره ليـا بـرّه

........................ مانمتلك بـه عمـارات ودكاكينـي

والا أنت نفسك من المليون منغـرّه

........................ يكفيك .. وأنا بياض الوجه يكفيني !!

قصيدة للشاعر .... فيصل الرياحي (رحمه الله)

الاخت حنين الروح ادام الله علينا وعليك الصحه والعافيه

بس عندي طلب صغير وهو

ليتك طلبتي اسم شاعر ( اي شاعر ) عشان اللي بعدك يجيب قصيده للشاعر اللي انتي طلبتي

والاحسن ان تطلبي الان اسم شاعر معين من اختيارك

وشكرا ...

اااااااااااااسفه
ماانتبهت لهذه النقطه

اختار الشاعر ( سطام الشلفان )

حنين الرووح