عندي مبلغ حوالي 6 الالاف ريال ابى استفيد منها ساعدوني

امل متجدد · #1 (**permalink**) 12-12-2012, 10:16 PM

أرجوكم انا متخرجة من ثلاث سنوات وعاطلة عن العمل ودي بفكرة تقضي أوقات فراغي وتدر على ولو مبلغ بسيط طبعا أعرف ان المبلغ 6 الالاف ولاشي بس ابى نصايحكم وخبراتكم .............
انتظر ردودكم

نبع الصمت · #2 (**permalink**) 25-12-2012, 01:15 AM

شوفي لكي بضاعة بس لاتغامري بالمبلغ كامل وممكن تبيعي علي النساء

حلم سعاد · #3 (**permalink**) 25-12-2012, 12:58 PM

صدقت لاتغامرين بة

500 او اكثر ريال اشتري مناكير كافيار وفرو وطباشير شعر انا اعرف وحدة تبيع جملة مرة رخيص

ارامادا · #4 (**permalink**) 25-12-2012, 01:24 PM

عليك بالاكسسورات والمكياج فيها ذهب

ادا انتي من الدمام عندك سوق الحب الي قرب جملة العطورات

وادا انك من الرياض سوق البطحا

وبتوفيق لك اختي

عقاري تجاري · #5 (**permalink**) 25-12-2012, 01:47 PM

لاتحقرين المبلغ اللي معك
شوفي لك منتجات نسائية سواء اكسسوارات شنط عطورات
أو مأكولات شغل بيت حلويات , ورق عنب والحبه بريال
ولاتحطين مبلغك كله في شيء معين
مثلاً شفتي في نفسك رغبة على شراء شنط تقليد ماركات جمله وتبيعين على صاحباتك او قريباتك
لاتروحين تشترين 10 شنط وتتوهقين فيها
اشتري مثلا 5 شنط وخذي عليها مكسب ممتاز لاتاخذين فوق المنطق وخليكي اقل من المحلات

او اشتري لك طابعة ورق وسوي لطالبات الجامعات ملخصات او بحوث
مثل ماتسوي المكتبات
والله الله على المكتبات ياخذون مبالغ فوق المستحيل صراحة
انتي اقنعي بالقليل _ والقليل يجيب الكثير
كمبيوتر + طابعة سعر 1600 ريال تقريبا + بوك ورق روكو بـ 15 ريال
,,

وأحذري مليون الحذر من اللي يقول عطيني الفلوس اشغلها لك
حتى لو كانت حرمه

إذا أنتي انسانه تشوفين في نفسك جلد دوري متطلبات النساء بنفسك ووفريها وأجتهدي
ولكل مجتهد نصيب والله لايضيع لك تعب أن شاء الله

وابعدي كل البعد عن المتجات المحرمه لو كانت مكاسبها ملايين

(من ترك لله شيء عوضه الله خير منه)

حاولت بس · #6 (**permalink**) 25-12-2012, 04:17 PM

شوفي اختي بصراحة انا لا افهم بشغلات النسائية ولكن ممكن افيدك بشي رايته بعيني

مرة من المرات الوالدة عندها تمارين علاج طبيعي في احد المستشفيات وتعرفت على وحدة وقالتلها انها تبيع طرح وشيلات مرة حلوة على كلامة الوالدة وماشاء الله امي واخواتي والجيران كلهم اشترو منها طبعا شغل يد وخياطة ممتازة وسعرها تتراوح من 35 الى 50

ممكن تناسبك الشغلة وحلوة اذا تعرفين تخيطين

[IMG]http://www.uae****s.com/up/uploads/uae****s13316291852.jpg[/IMG]

ددسن البطالة · #7 (**permalink**) 25-12-2012, 07:11 PM

أي شي تفضله البنت وممكن تشتريه
مثلاُ : الشنط

اشتري بمبلغ 1000 ريال كم شنطة , وبيعهن على الجيران او اعرضيهن على البسطات الخاصة بالحريم

اشتري الشنط من سوق الجملة ,,, ولاتطمعي بالمكسب

وبالتوفيق لك

رينبو · #8 (**permalink**) 25-12-2012, 07:17 PM

اقتباس:

المشاركة الأصلية كتبت بواسطة عقاري تجاري

لاتحقرين المبلغ اللي معك
شوفي لك منتجات نسائية سواء اكسسوارات شنط عطورات
أو مأكولات شغل بيت حلويات , ورق عنب والحبه بريال
ولاتحطين مبلغك كله في شيء معين
مثلاً شفتي في نفسك رغبة على شراء شنط تقليد ماركات جمله وتبيعين على صاحباتك او قريباتك
لاتروحين تشترين 10 شنط وتتوهقين فيها
اشتري مثلا 5 شنط وخذي عليها مكسب ممتاز لاتاخذين فوق المنطق وخليكي اقل من المحلات

او اشتري لك طابعة ورق وسوي لطالبات الجامعات ملخصات او بحوث
مثل ماتسوي المكتبات
والله الله على المكتبات ياخذون مبالغ فوق المستحيل صراحة
انتي اقنعي بالقليل _ والقليل يجيب الكثير
كمبيوتر + طابعة سعر 1600 ريال تقريبا + بوك ورق روكو بـ 15 ريال
,,

وأحذري مليون الحذر من اللي يقول عطيني الفلوس اشغلها لك
حتى لو كانت حرمه

إذا أنتي انسانه تشوفين في نفسك جلد دوري متطلبات النساء بنفسك ووفريها وأجتهدي
ولكل مجتهد نصيب والله لايضيع لك تعب أن شاء الله

وابعدي كل البعد عن المتجات المحرمه لو كانت مكاسبها ملايين

(من ترك لله شيء عوضه الله خير منه)

الله يجزاك خير ويرزقك ويحل عقدك ويفرجها عليك
احس انك ابن حلال ناصح عالعموم اهل لنصيحه الطيبه كثار بامتنا الاسلاميه

حرف جر · #9 (**permalink**) 25-12-2012, 07:46 PM

اقتباس:

المشاركة الأصلية كتبت بواسطة امل متجدد

أرجوكم انا متخرجة من ثلاث سنوات وعاطلة عن العمل ودي بفكرة تقضي أوقات فراغي وتدر على ولو مبلغ بسيط طبعا أعرف ان المبلغ 6 الالاف ولاشي بس ابى نصايحكم وخبراتكم .............
انتظر ردودكم

وش اللي 6 الالاف ولا شي !!

6 مثل 100 آلف اذا عرفتي كيف تشغلينها

خذي لفه على القسم تحصلين ناس معهم دبل هذا المبلغ بمية مره وماهم عارفين كيف يشغلونها

يعني المشكلة ماهي في رأس المال وهذي قاعدة حطيها في بالك

اذا عرفتي كيف تشتغلين حتى لو مامعك ريال واحد راح تقدرين تربحين

انا مابي اقولك شغلة معينة لاني ماراح اقدر احدد لك الشغلة المناسبة

لازم انتي تبحثين وتقرين وتتطلعين حتى تجدين الشغلة اللي تناسبك وتستفيدين من المبلغ اللي معك

في عمل هذي الشغلة .

شوفي اللي ردوا قبلي كل واحد قلك شغلة لكن بسآلك سؤال مهم جدا وهو

هل انتي راغبة ومتقبلة شغلة من هذي الشغلات اللي ذكروها لك ؟؟

اذا نعم هناك رغبة وشغف لها لا تروحين وتشترين بضاعة على طول وتبلشين فيها

انتقلي للمرحلة الثانية وهي معرفة المعلومات الكافية عن الشغلة من حيث الاسعار وايضا وهل

السوق اللي حولك فيه منافسين وكيف سوقهم ماشي ولا مش حالك وايضا هل اللي حولك يتقبلون

ويشترون هذي الاشياء وكيف راح تسوقين منتجاتك عليهم وكم راح تطلبين كمية في البداية

ومين راح تستهدفين من اللي حولك النساء ؟؟ وكم عددهم في الحي ؟؟

وليش راح يشترون من عندك مو من عند غيرك ؟؟

والكثير الكثير حول الشغلة حتى تعرفين اللي لك واللي عليك وماتشترين بضائع وتجلس عندك

اذا طلعت لك النتيجة اوكي وفية امكانية لعمل المشروع تسوين لك خطة عملتمشين عليها وفق

المعلومات اللي تحصليتي عليها وبعدين تبدين

وانصحك تقرين حول التسويق وطرق التعامل مع العملاء وكيف عمل خطة عمل

وحبيت اوضح لك شيء مهم وهو اغلب اللي حابين يدخلون التجارة لما يشوفونة تجيهم ام الركب

وهو خطة العمل يحسبون انها شيء صعب ومعقد وهي سهلة من خلال المعلومات اللي تحصلتي

عليها عن المشروع تتضح لك طريقة عمل خطة عمل يعني لا تستصعبين هذي النقطة

والله يوفقك ونصيحة اخيره من شخص يحب لك الخير