اخواني التجارة فن وبدايتها فكره ثم العمل

بدايتي في التجارة كانت في موقع الكتروني للاستضافه والتصاميم والدعم الفني والارشفة

600 ريال استاجرت سيرفر
عملت تصميم الموقع عن طريق مصمم ووضفته عندي واخذته ببلاش منه
جبت 3 موظفين مبيعات بالنسبة
ومصممين بدون رواتب
فقط موظف لادراة السيرفر وحمايتها وادراة الموقع ب 800 ريال

وبات في الاعلان عنه في المواقع المختصه وبدا الشغل تدريجيا

حتى وصلت بعد سنه مايقل دخلي عن 20000 في الشهر

بعد سنتين تنازلت عن المؤسسة لشخص وتوجهت في تجارة اكبر

فالبداية لم تكلفني سوى تقريبا 2000 ريال مع التراخيص المختصه بالتقنية

علما انني دخلت بمناقصة لاني مسوي سجل تجاري بمبلغ 130 الف ريال اجهزة حاسب الي

وكلفتني فقط 80 الف وكسور

التجارة احبتي فن وحسن تصرف ولباقة

هذه بدايتي باختصار

والله فيه اشياء كثيره تقدر تبدا فيها من الصفر بس مشكلتنا كل واحد تاكي ويفضض الا بقلبة تلقا الا مامعاه ريال يقول لو معاي على الاقل 30000 الف كان سويت وفعلت والا معااه 30000 لو 100000 لو الخ
طيب اسال نفسك انت الحين كم لك عاطل ومطفر وقاعد تسولف عند اخوياك وفي النت و وووو ايش استفت يعني بيطيح عليك من السماء مثلا
ياخي شوف الاجانب عندنا والله يجيك مامعاه ولا 100 ريال وبعضهم يجيك تهريب وحلمه يطب عندك بس بعد كم شهر تلقاه مافي احسن منه في الشغله الا هو فيها
علي سبيل المثال
الفتره هذا شوف الشعب اليمني الا جو السعودية الفتره هذي كثير جدا بحكم المشاكل الا عنده الله يساعدهم يارب يجي هنا ويشتغل في كل شي الحين اغلب الخياطين الرجال والنسائي من اليمن وامثلة كثيره
ياخي شوف مثلا الكهربائي كم يدخل في اليوم
قبل فترة ابي انقل مكيفين من بيت الى بيت ثاني اقل واحد وبعد الطقاق رضا ب 800 ريال ترا مايبيلها اختراع في البداية صعبة بس شهر شهرين والامور تصير فاهم فيها
معليش لا تفهمني غلط بس ياخي والله قهر الاجانب و مخهم مقفل بقفل حديد يجيك هنا طفران كم شهر ويصير بطران وتجي هنا تلقا شباب كثير عاطل وقاعد في البيت واذا سالته قال مافي راس مال
طبعا انا مااحسد الاجانب الله يرزقهم يارب
لا احد يجي ويقول لي عيب لا ياحبيبي اي شغل دام انه مو حرام مو عيب العيب انك رجال وقاعد في البيت وتبي يجيك كنز
معليش على اسلوبي البايخ وعلى الاطالة
الله يوفقك وييسر لك امرك ويرزقك يارب وجميع المسلمن يارب
ولا تنسا اكثر من الاستغفار والتوكل على الله
لا تنسونا من الدعاء لي بالتوفيق
واللهم صلى وسلم على سيدنا محمد

شباب الان موسم امطار وكشتات في الاماكن البريه وخاصه الطعوس

تقدر اخي الشاب انك تطلع هالاماكن وتشوف كيف الناس موجوده وتقدر تسوي بسطه جنب الطعس او على الطريق القريب منه وتوفر احتياجات البر من معمول وكليجا وفرشات وغيره وحطب

صدقني تشتغل باذن الله

اذا احد يريد مشاريع حلوه يخاوي القصمان الله يحفظهم فيهم الخير والبركه تراهم مثال للنجاح وكل موسم له شغله معينه