أخواني حاب أطرح موضوع يمكن البعض يعتبره غريب لكن شيء موجود خصوصا بالمجتمع السعودي.

علاقة الأخـــوة بين الولد والبنت تبدو عند البعض وكأنها علاقات مفروضة عليهم
فمثلا تجد الأخ يتعامل مع بنات الناس بطريقة راقية وفيها أدب وإحترام ولكن بمجرد دخوله
البيت تعال شوف كيف يتعامل مع أخته وكأنها مثل الخدامة روحي جيبي موية روحي سوي شاي روحي أكوي ملابسي وبعد ماتنفذ كل أوامـــره يقولها خلاص ماعاد ابي شي منك وهي المسكينة كانت تنتظر كلمة "شكرا إختي" فلاتستغرب يقولها يلا اقلبي وجهك !!!
وعندما تغلط اخته مهما كانت الغلطة مايجي يتعامل معها كأنسانة على طول يجي يكفخها
فتبدأ الحواجز ويبدأ معها الخوف منه وتحاول انها تكون بمكان ثاني بسبب خوفها منه لاتغلط بدون قصد وتتكفخ.

وبعض بنات نفس الشي الله يعين إخوانهم عليها يجي يطلب منها طلب مايقدر عليه غيرها
فتلقاها ترد بجفاف وما استبعد تحتقره ولاتعطيه وجه وأصلا كثير بنات بهذا الزمن يتعاملون مع إخوانهم وكأنهم ديكور مستحيل تسمع منه كلمة وأكثر كلامهم لاتدخل في خصوصياتي ومادخلك فيني ولاتقرب عند غرفتي يعني باختصار ماسحه دوره في البيت ويكبر الولد وهو بدون سلطة ولا له شخصية عليها والبنت اللي تكون حرة نفسها مع احترامي لها اسلوبها يكون صعب.

البنت لو استطاع أخوها أن يعطيها عاطفة الأخ يستحيل أن تبحث عن العاطفة المفقودة من الغريب باسم الحب والولد نفس الشي:o

ليش مايكون فيه كلام حلو بينهم واحترام وتعامل بطريقة أرقى ويكونون مثل الأصدقاء يرجعون لبعض في كل مشكله

أتمنى الموضوع ما يكون غريب بس هو موجود حبيت نتناقش فيه لنعرف الأسباب ونوجد الحلول. . .