ياأخوي عاابر

لاتاخذ موقف من ناس ممكن يكونون هم الفاشلين ويرمون بلاهم ع زوجاتهم

بعدين بدون زعل وش من رجال اللي يشكي زوجته لربعه؟! ويتكلم عنها بسوء وماتعرف تطبخ أو تتقرف من الدجاجة!!

الحين الزوووجة اللي تنتقد زوجها قدام صديقاتها ننقد عليها وندري ان (نص السيل زبد)<< مثل شعبي عندنا للي مايعرفه يعني ان نص

الحتسي تسذب في تسذب >>

وبعدين هاللي يتشكون مايدرون ان الخيل من خيالها والمرة من رجالها إذا البنت مش ولابد في الشغل فهنا دور الزوج

وقوامته وحكمته في تطبيعها بالطبع اللي يبيه هو صدقوني ترا اللي تسمعونه عن بناتنا ماهي إلا إشاعات مغرضة الغرض منها

التشويه وبعدين هالمصرية وش بيتعلمون منها هالسعوديات؟! خلنا واقعيين موب من زين أكلهم الله يزيد النعمة

قل شامية أصدق بس مصرية مع احترامي الشديد إلا أن أكلهم غير مرغوب فيه عند السعوديين بعدين السعودي

أهم ماعليه هالكبيسة إذا تعلمتها البنت تضمن حياة سعيدة مع زوجها << سعيدة من ناحية الطبخ بس مو غيره>>

الله يعين ويرزق المسلمين بس ترا جد جد جد مشكلة كان هذي فكرتكم عن البنات اصلا الحين يتفنن هالبنات لو عشان التصوير

والترزز في البيبي المهم ان أيا كانت الطريقة والأسباب البنت عندنا تعرف تطبخ غير هالكلام مايجوز لي وأحس فيه ظلم

ولحظة ترا اللي ماتعرف تتعلم عادي اصبر عليها مو اذا فشلت في طبخة جلس يذلها فيها سنة قدام مع اني بهالوقت مااصدق

وجود هالعينة إلا في الطبقة المخملية .

تونا متعشين بروست من مطعم
وقولو اللي تقولون

أنا جالسة أتكلم بصراحة وربي هذي نظرتي وهذا اللي أشوفه

وين البنات اللي مايعرفن للطبخ يمكن يتدلعن ايه بس مايعرفن والله ماتمشي عليّ

مو تطبخ ذبايح عاد لالا طبخ عادي رز ومكرونة وهالأشياء مافيه بنت ماتعرفها

وبالنسبة للمصرية بالعافية عليك أكلها أكيد قيه منهم طبخهن يهبل بس اتكلم عن نوعية أكلهم نفسها

أحس ماعندهم الا فول وكشري وملوخية بالأرانب وفطير مشلتت غيره أحس موب لهم للشوام ماشاء الله

ولنا بسم الله علينا بالنسبة للقرصان والجريش هن أكلات محببة مرررة عندنا وإذا جيت نجد جربها راح تعجبك ان شاء الله

شيء مررة لذيذ بس ماكلن يضبطه يعني لو ماعجبك يمكن اللي تطبخ موب ذاك الزود خذ لك رقم وحدة معروفة بهالأكلات

وجرب من يدها وأهم شيء كشنة الجريش خلها ترهي لك فيها وبالنسبة للي بيفضفض ماعليّ منه يفضفض بس قل له المره من رجالها

هنا بينهااار خويك وبيشوف زوجته أسنع وحدة فالحياة .

أنفاااس بالعافية عليكم حلوو التغيير^_^

^ هم بس يبون يطلعون فينا عذاريب
والا والله فيه بنات حتى الذبايح يطبخونها <مثلي وشرواي

وانا اشوف اكثر مامالي المطاعم البنقل الشغالين والعزابيه المتغربين والشباب الداشرين

والله يعافيك اي والله صادقه حلو التغيير بالسنه حسنه

جيعانةةةةةةةةةةةةةةةةةةةةةةةةةةةةةةةةةةةةةةةةةةةةة ةةةةةةةةةةةةةةةةةةةةةةةةةةةةةةةةةةةةةةةةةةة

نفس فيها مناقيش دجاج خضار ولبنة عسل طعمم لذيذةةةةةةةةةةةةةةةةةةةةة ياخذ عقل ....

أجمل أحساس

تعلمي مافيه شيء اسمه مااعرف فيه شيء اسمه اتعلم

بعدين جدتي تقول اللي ماتعرف تطبخ حط قدامها كل مقادير الأكل

ولاتجيب لها أكل جاهز مصير الجوع يقرصها وتتسنع فلا توصلين لهالمرحله

وتعلمي وأنا أختس لاتضحكين العالم عليتس ترا محد ينفع أحد بصراحة حالتس نادرة

ماعندنا مثلها ^_^

تبون تعرفون ليه المطاعم كثيره وليه الناس زحمه
لان البعض رفاليه
والبعض مايعرفون يسووون اكل دسم لان حضره الرجال مايرضى
باكله بسيطه وخفيفه
ياما كبسه والا جريش والا مرقوق

والبعض ودهم يسووون اكلات قويه واليمه بس الاغراض تبع الاكله مو متوفره في البيت
فيكون اقرب حل المطعم