يعني الحين لما اشتريها ماراح تكون حبر نظام مستمر
الحبر يكون عادي لازم بعد اشتري
سيبلميشن واركبه ولا وش وضعها

السلام عليكم والرجمه
حابة أسال عن البرنامج من وين اقدر احصله

وبالنسبة للورق اللي يطبع كل شي نزل في السوق او بعده

يعطيكم العافية

تكفووووووووووووون ساعدوني
اي صوره اطبعها على التيشرت تطلع خلفيتها صفراء
مع ان الخلفيه ابيض

السلام عليكم

حبيت انبه الأعضاء عن بعض النقاط في المكابس الحرارية وبالذات مكبس المسطحات لكثرة الطلب عليه

الكثير منا يقول انا لقيت مكبس بسعر 1800 ريال او 2000 ريال

او انه يروح يشتري مكبس ولا عنده اي خلفية عن المكابس


المكابس انواع وجودات

طبعاً بالنسبة للضمان

مااحد يعطيك ضمان الا الوكلاء تقريباً

اول نقطة المقاس في نوع مقاسه 38 *38 وفيه 40*50 وفيه 40*40

وكل ماكبر الحجم زاد السعر

النقطة الثانية يدوي ( يعني بعد ماتكبس بالمكبس لما يخلص يعطيك انذار )

نص اتوماتيك ( يعني بعد مايخلص يرتفع تلقائي )

فل اتوماتيك ( يعني لما تضع التيشرت يقفل اتوماتيك ولما يخلص يرتفع اتوماتيك )

طبعاً كل مازادت ميزة زاد السعر


في نقطة كمان اللي هي بعض المكابس يدور يمين ويسار والبعض المكبس السفلي ينفتح الى الامام ومن ثم تضع التيشرت ويرجع للخلف

وبعد نقطة اخرى الى وهي السمك البعض له سمك معين يكبس عليه فقط يعني نفرض عندك درع مسطح او سيراميك معالج حراري

مثلا سمكه 4 سم والمكبس اعلى سمك له 3 سم

مايمديك تكبسه بالمكبس لان سمك السراميك اكبر من سمك المكبس هذا على سبيل المثال

طبعاً النقطة الاخيرة الا وهي الجودة والصناعة

في مكابس امريكي وفيه الماني وفي صيني

وكل نوع يختلف بالسعر


والصين له انواع كثير في الرديء وفيه المتوسط وفيه اللي ينافس الاوربي


وهذي طبعا كل نوع له سعر


اتمنى من الاعضاء وضع هالمعلومات في الحسبان حين شراء المكابس

حتى يكون عنده خلفية بالمكابس


واذا احد عنده اضافة او تعديل فلا مانع حتى تفيد هالمعلومات بعضنا وتساعده بالشراء


اتمنى لكم التوفيق بمشاريعكم

ولاتنسوني من دعائكم

هذا كله اجتهاد شخصي