مشروع الطباعة للجميع ( معنا اسهل فقط اسأل ونحن نجيب )

ملامح صامتة · #**3091** (**permalink**) 02-08-2015, 11:07 AM

شكرا ...........احب القديم يعطيك العافية عالشرح وتبعت كلامك كويس اشتغلت بس برضة ماتعطيني حرارة والحارة ماتزيد بالموشر عن 190 احاول ازيد مايرضى
وثم لما اضغط زر هيتنق مرتين ماتولع اللمبة الحمرا ابد عجزت وانا احاول الله يخليك وضح لي زيادة تعبت من هالالة
..............................
شكرا ...... النزاوي شرح مفصل للدفاتر يعطيك العافية

رحوبتك · #**3092** (**permalink**) 02-08-2015, 11:50 AM

السلام عليكم
انا متابعة لكم من بداية الموضوع الله يجزاككم الف خير
أبغى اعرف الطريقة الصحيحة للمقاسات
اعاني من طباعة الكفرات والاكواب
مااقدر اجمعها بورقة وحدة وتخرجلي بنفس المقاسات الي حطيتها بالفوتو

جربت اني احفظها كصورة وادرجها ع لير بمقاس اي4 يطلع اصغر بعد الطباعه

صرت اتعب من الطريقة الي استخدمها الحين وهي اني كل ماطبعت شي ارجع الورقة للطابعة تاني واضيف العمل الجديد بمكان تاني
مضيعة وقتي واحيان مع كثرة التصاميم يدخل واحد بالتاني لان الشغلة تخمين

اش اسوي بالله .. قالولي عالوورد وحست فيه ماحبيته

إبتسامي دمع · #**3093** (**permalink**) 02-08-2015, 03:08 PM

اقتباس:

المشاركة الأصلية كتبت بواسطة عزوزسلمان

ابتسامي دمع

طريقة الدفاتر والنوتات بهذا الرابط اللي بالاسفل بالتفصيل

http://forum.nooor.com/t46099.html

الله يعطيك الف عافيه ماقصرت

بغيت اسألكم اذا فيه مؤسسات تبيع طابعه ريكو الجديده غير بادعام ؟؟

ezdihar · #**3094** (**permalink**) 02-08-2015, 05:51 PM

السلام عليكم ورحمة الله

اخواني واخواتي متابعه الموضوع من زمان واشكر القائمين عليه وسعة صدوركم

بسآل على الملفات واغلفتها نوع الورق المستخدم-والطابعه وطريقة التغليف
محتاجة اي معلومه عن هذ الموضوع ولا تبخلو علينا جزاكم الله خير
اعتذر من صاحبة الصورة فقط كمثال

daherey · #**3095** (**permalink**) 02-08-2015, 07:56 PM

السلام عليكم ورحمة الله وبركاته
كل عام و الجميع بخير
يسعدني المشاركة في هذا المشروع الجميل و تقديم الدعم و المساعدة
انا مهندس و بشتغل في مجال التصميم 2D ,3D و الفوتوشوب و المتجهات و خلافة
اقدر اساعدكم في حل مشكلات الاجهزة سواء كانت مكابس حرارية او طابعات او مكائن حفر او ليزر
الأخوة المحتاجين للمساعدة يتفضلو بالتواصل معي وان شاء الله ما بقصر معاهم
تحياتي للجميع

@ النزاوي @ · #**3096** (**permalink**) 02-08-2015, 09:25 PM

السلام عليكم ورحمة الله وبركاته

للبيع مكبس حراري 6 في 1 مستعمل
مع طابعة ابسون L 800
استعمال فترة بسيطة
بمبلغ 2500 ريال

والان مع بعض من المنتجات اللي طبعتها عن طريق الطابعه والمكبس
هذي بعض الصور

لتفاصيل اكثر والصور للأجهزة
https://www.btalah.com/showthread.*****..#ixzz3hgBNBq2p

nawal · #**3097** (**permalink**) 03-08-2015, 07:10 PM

السلام عليكم اخوي حبيت اسال عن الورق على طباعه الاكواب اهي نفي الورق الي استخدم ع القمصان ؟ ولا ورق غير للاكواب؟

كرستالة للطباعة · #**3098** (**permalink**) 03-08-2015, 07:48 PM

رحوبتك
وعليكم السلام
شوفي انت اعملي المقاس التمام واحفظيه
وافتحي من الفوتو مقاس اي فور
29*21
واظهري المسطرة واعملي خطوط بنفس المقااس
وادرجي المقاسات اللي حفظتيها
وقبل الطباعة اعملي معاينة وفيه خيار توسيط او تحجيم مناسب حطي صح عليه
وصغري المقاس شي بسيط
ولا تنسي تقلبي التصاميم
واطبعي
جربي في ورق عادي وحاولي مرة واثنين لين يضبط
واحفظي التصميم اللي سويتيه لو ضبط ويكون لك مقاس يسير بس تفتحي وتدرجي

اتمنى افدتك

ezdihar
وعليكم السلام ورحمة الله وبركاته
اكتبي في قوقل طباعة الفولدر وراح تجيك اشياء تستفيدي منها
اليوم كنت فاتحة عليه واستفدت
ولو تعلممت علمينا وورينا شغلك
موفقة

daherey
وعليكم السلام ورحمة الله وبركاته
وانت بخير
ماشاء الله ربي ينفع بك
وبادرة طيبة منك
طيب عندنا مشكلة انا وملامح صامته
ان الحرارة ماتوصل للمطلوب
والزر طول الوقت وهو يومض وينعاد الوقت من البداية
ياليت تساعدنا

النزاوي
ماااااشاء الله اللهم بارك
اتقااان
ابسالك
شايفة طباعة على الكيس والصندوق
وعامل بزنس كارد وفاصل كتاب
ممكن تعلمنا شلون سويته
لاني سالت عن غطاء الكرتون والطباعة عليه قالوا مايجي

بالتوفيق في البيعة

نوال وعليكم السلام
الاكواب سبلميشن
والتيشيرتات ليزر
والورق مختلف كل واحد له ورق خاص فيه

موفقة

عزوزسلمان · #**3099** (**permalink**) 04-08-2015, 03:28 AM

كرستالة للطباعة

اشكر لك مشاركاتك وردودك على الاعضاء

بس توضيح بسيط بالنسبة لورق السبلميشن

ورق السبلميشن ممكن يستخدم للتيشرتات البلوستر واي شيء سبلميشن ( معالج سبلميشن ) سوء اكواب او كفرات جوال او غيره

وشكراً

daherey · #**3100** (**permalink**) 04-08-2015, 03:41 AM

مشكلة ان الحرارة ماتوصل للمطلوب والزر طول الوقت وهو يومض وينعاد الوقت من البداية

السلام عليكم
اسعد الله اوقاتكم
هاذي مشكلة تكون في الكنترول
قبل تحديد الخلل بالضبط حاولي تعملي رست و تمسحي جميع الأعدادات السابقة وتجربي تدخلي اعدادات من جديد
اذا مافي فايده بيكون الكنترول في مشكلة او الحساسات
لاكن ترك المكبس شغال ساعات طويلة بدون فايده بسبب النسيان وخلافه يخرب الحساسات ويصير الكنترول في خلل
يحتاج كشيفه في محل صيانة للتاكد من الحساسات و الكنترول
كمان تقدري تتاكدي من الحساسات عن طريق تجربة قطعه من قطع المكبس ما استخدمت مثلا او تبع مكبس ثاني تكون شغاله اكيد اذا مشي الحال معناتو الكنترول تمام و اذا نفس المشكلة بيكون الكنترول في شيء يحتاج فحض
في حال تبغي تشتري كنترول جديد سعر الكنترول عندنا 180 ريال مع الشحن بيعطي 380درجة حرارة و 16 دقيقة
اي استفسار ياريت على الخاص او على الواتس اب

يمكنكم الاستفسار ايضا بخصوص مكائن الحفر الرقمية CNC او مكائن الليزر او التصميم 2d ,3d , 2.5d
برامج النقتف و برمجة الآلات 3axiz - 5axiz
لمشاهدة بعض الأعمال لمعرفة المزيد عن هذه الآلات زورز صفحتي المتواضعة على انستقرام daherey@

مشروع الطباعة للجميع ( معنا اسهل فقط اسأل ونحن نجيب )

قسم مشاريع وأفكار

بسم الله الرحمن الرحيم سلام الله عليكم .... انا احدى العضوات السابقات في هذا الصرح العظيم الذي كان له فضل علي بعد الله في دخولي مجال التجارة وخوض...

مشروع الطباعة للجميع ( معنا اسهل فقط اسأل ونحن نجيب )

تسجيل الدخول

مشروع الطباعة للجميع ( معنا اسهل فقط اسأل ونحن نجيب )

قسم مشاريع وأفكار

بسم الله الرحمن الرحيم سلام الله عليكم .... انا احدى العضوات السابقات في هذا الصرح العظيم الذي كان له فضل علي بعد الله في دخولي مجال التجارة وخوض...

مشروع الطباعة للجميع ( معنا اسهل فقط اسأل ونحن نجيب )