مشروع الطباعة للجميع ( معنا اسهل فقط اسأل ونحن نجيب )

بياان · #**331** (**permalink**) 25-06-2013, 09:25 PM

رحيل

اي جهاز لما ترسليه لمحل الصيانه لاترسلي الاسلاك معاه

خليهم يرسلوا السلك تبعك غلطتهم ولازم يتحملوها

محل السي دي قصدك بالكمبيوتر؟

سهل تصليحه ماياخذ وقت ولايكلف .. بعضها تكون جدا سيئة ولاتتحمل مثل ماتقولي حاطينها ديكور بالجهاز <مجربة

اخيرا تعرفي قانون الجذب؟

لاتفكري بالمشاكل والصعوبات عشان ماتجيك

للامانة اي شغل في الدنيا لابد من التعب فيه .. واسألي اهل الخبره سواء بمجالك او بأي مجال اخر

رحيل الألم · #**332** (**permalink**) 25-06-2013, 10:08 PM

السلك ماحصلوه , أنا اشتريت سلك الحمد لله واشتغل ..
ايوه اقصد بالكمبيوتر , أدري ياغاليه مايكلف , بس مين اللي راح يتفرغ ويصلحه لي ..
مشكلتي عندي حبر إذا ماطبعت فيه راح يجف , كمان الاهل أغلب الوقت مشغولين ..
هذا اللي شايله همه , المشكلة اللي أمر فيها مسألة وقت ..
والله صدق سيئة جداً , ..
ايوه فعلا المفروض انا ماافكر بالمشاكل والصعوبات وهذا الشي ماراح يصير إلا اذا بعت الطابعه
عشان اريّح تفكيري عشان كذا ياناس انا من القصيم , فيه أحد له نية يشتري الطابعه ؟ للمعلومية معاها أحبار جديدة
والطابعه تغير نظام الحبر فيها الى نظام حبر مستمر داخلي يعني مو خارجي مثل ماتعودنا
هي كلفتني كثير وان شاء الله ماراح نختلف على السعر ..

رموز الكيمياء · #**333** (**permalink**) 26-06-2013, 01:40 AM

رحيل انا مثلك كل ما سوي شىء يطلع للي شيء اخر من ين اشتريت الاحبار وكم السعر لان الطباعه مره باهته
مو راضيها تظبط عدل افكر اغيرهم

إيجابية · #**334** (**permalink**) 26-06-2013, 09:34 AM

موضوع كثير قيّم واستفدت منه كثييييير وسجلت بالمنتدى عشانه
"وحده وبس" ربي يسعدك ويوفقك وييسر لك كل عسير ياآرب ��
وربي يجزيك كل خييييير ويرزقك من فضله
وكل من ساهم في هذا الموضوع من الأخوان والأخوات ربي يوفقه ويبارك له
..
عندي عدد من الإستفسارات
أنا حابه اشتري جهاز للتيشرتات والأكواب منفصلين ..ياليت ترسليلي الأسعار
وأسعار الملحقات من ورق وأحبار وأكواب لو متوفر عندك
وهل توفرين طابعة ليزرية لو ابي ؟
وشكراً مقدماً��

..
رحيل الألم تعاطفت معك كثييير "( أحييك على إصرارك وعزمك وهذا من أهم مقومات النجاح بإذن الله
.. والله يعوضك بكل خير يارب
بس نصيحة من أخت قبل لاتبيعيها استخيري الله وربي يكتب لك الخير

غديرحسن · #**335** (**permalink**) 26-06-2013, 09:47 AM

اقتباس:

المشاركة الأصلية كتبت بواسطة رحيل الألم

والله ياناس الصبر له حدود مثل مايقولون ..
أنا مااعتقد راح اصبر اكثر من كذا , اشتريت سلك الحمد لله شبكت الطابعة ودخلت السي دي على اساس
اثبتها من جديد , طلع محل السي دي خربان < ياعيني , ياجماااااااااااااال حظي .. اذكروا الله يَ جماعهياناس والله مااستخدمت السي دي الا يمكن مرتين وجهازي توشيبا وكان شغال تمام , مااستخدم محل السي ديات كثير عشان يخرب !!
والمشكلة إن الوقت مو في صالحي , عندي حبر جديد كلفني كثير , ماابيه يجف مثل الاول واتخسر فوق ماانا متخسرة اساساً
فعلا الأيام قاعدة تثبت إني كل مالقيت حل لمشكلة طلعت لي مشكلة ثانية ..!
ارسلت الطابعه للمؤسسة على اسااس يصلحونها مجانا , انكسرت وانكب كل الحبر بسبب زاجل
ودفعت بسببهم 550 ريال , رجعت الطابعه لي بعد فترة طويلة من التصليح , لما فتحت الكرتون وانا متحمسه اطبع
ماحصلت السلك مع الطابعه , طلع السلك في الرياض وانا بالقصيم , دقيت عليهم قالوا الدعم نسى يحطه مع الطابعه واحنا دورنا عليه ماحصلناه وقالوا لي مو مشكله اي سلك ينفع للطابعه ..
طلعت اليوم بحثت عن سلك مناسب والحمد لله حصلته , جيت اثبت الطابعه عشان اطبع طلع محل السي دي خربان .. < القصة كلها للي ماتابعها من أول ..
هل اللي يصير لي طبيعي أو فيه مشكلة في الموضوع ؟! ( اللهم لا اعتراض )

صباح الخير
تقدري تثبتي الطابعة عن طريق النت
إذا الطابعة إبسون دخلي ع موقع إبسون في خيارات اختاري موديل الطابعة وثبتيها أو سوي عنه بحث في نفس الموقع وبيطلع لك وثبتيها ع الجهاز

رحيل الألم · #**336** (**permalink**) 26-06-2013, 04:46 PM

غدير , ربي يسعدك تم تثبيت التعريف ..

اقتباس:

رحيل الألم تعاطفت معك كثييير "( أحييك على إصرارك وعزمك وهذا من أهم مقومات النجاح بإذن الله
.. والله يعوضك بكل خير يارب
بس نصيحة من أخت قبل لاتبيعيها استخيري الله وربي يكتب لك الخير

اي اصرار وعزم ياايجابية ؟! هذاك أووووووول الحين خلاص وربي , قسم بالله مابقى فيني اي حماس للمشروع , لا اصرار ولا عزيمة ولا معنويات , كلها صفررررررر
.. خصوصا بعد مابغيت ارتكب جريمة اليوم بسبب هالادوات اللي سببت لي عقدة نفسية ..
الطابعة بالقوة وبعد محاولات متعبة جدا طبعت أول ورقة , وياليتها طبعت بشكل واضح ..
باهته , المهم مسكت معي إلا اطبع عالكوب حتى لو الصورة باهته , خلاص الى متى وانا كذا .
تشجعت وشغلت المكبس الحراري , ثواني الا تطفي الكهربا , قسم بالله قمة الرعب , طفيتها على طول
وهربت ههه ماادري اضحك والا ابكي
المهم واحد من اصحاب اخوي كلمه عَ الببي وقال الكهرباء عندنا طفت مابقى الا التفلزيون شغال عندنا
بعدين اشتغلت , يعني حتى الجيران تأثرت الكهربا عندهم !
الاهل بعد اللي صار , هاوشوني ويحق لهم , قالوا المشروع خلاص كنسلي عليه ..
بعد السالفة هذي كلها , ابي اسأل بس ماني عارفه اسأل عن ايش والا ايش , وابي آخذ نصيحتكم بس كمان ماني عارفة
ايش اقول ..؟!!
صار البيت محل خردة , والاجهزة لازالت جديدة ..!
استغفر الله العلي العظيم ..

رينو العاطل · #**337** (**permalink**) 26-06-2013, 11:05 PM

شكرااااااااااااااااااااااااااااااااااااااااااااااا ااا

azyn · #**338** (**permalink**) 27-06-2013, 12:30 AM

السلام عليكم
الحمد لله على السلامه
الله يعطيك خير هالمشروع ويكفيك شره
لما شبكتي المكبس هل كان مباشره في الجدار ام في توصيله؟
تأكدتي ان كهرباء المكبس مناسبه للتيار المستخدم (110\220)؟
غريبة ان تحصل هذي المشكله ,لان مكبس الاكواب تقريبا 300 واط وهو اقل بكثير من مجفف الشعر ومكوى الملابس
ودي اقول اننا في انتظار اول ابداعاتك لكن الامر لله اولا واخيرا

رحيل الألم · #**339** (**permalink**) 27-06-2013, 01:36 AM

اقتباس:

المشاركة الأصلية كتبت بواسطة azyn

السلام عليكم
الحمد لله على السلامه
الله يعطيك خير هالمشروع ويكفيك شره
لما شبكتي المكبس هل كان مباشره في الجدار ام في توصيله؟
تأكدتي ان كهرباء المكبس مناسبه للتيار المستخدم (110\220)؟
غريبة ان تحصل هذي المشكله ,لان مكبس الاكواب تقريبا 300 واط وهو اقل بكثير من مجفف الشعر ومكوى الملابس
ودي اقول اننا في انتظار اول ابداعاتك لكن الامر لله اولا واخيرا

وعليكم السلام ورحمة الله وبركاته
التيار 220 وعلى حسب مافهمت تيار المكبس 230-220 , شبكته مباشرة في الجدار ..
انا ماادري اللي صار مصادفه غريبه أو لا ؟!!!, لما شغلت المكبس بعدها ب 10 ثواني تقريبا طفت الكهرباء
كان الوقت تقريباً قبل آذان العصر بنصف ساعة ,, وكان الجو حار جداً يمكن كل هالعوامل اثرت عالكهرباء
اذا اللي حصل ( مصادفة فعلاً ) فهي اغرب مصادفة شفتها بحياتي خصوصاً إن الكهرباء ماطفت عندنا من فترة طويلة, لكن هذا مايعني اني اذا شغلت المكبس راح اكون مرتاحة
لأني من البداية والله مو مرتاحة , فكيف راح ارتاح بعد ماحصل ؟!!
بالنسبة للطابعة مُعطلة تماماً , وتلفظ انفاسها الاخيره .. حاولت فيها نهائياً مو راضية تطبع .. خلاص وقفت
مااتخيل نفسي اترك هالمشروع , احس وصلت مرحلة مااقدر اتراجع , كل الادوات موجودة عندي , ماابي كل هالتعب
والخسائر تذهب هباءً منثوراً ..الصعوبات الكل يمر فيها , لكن فيه صعوبات بصراحه تتعبك نفسياً
تستنزف طاقتك وتفكيرك ومجهودك ووقتك ومالك خصوصا إذا كانت هذه الصعوبات تحدث بشكل غريب جداً
ولايكاد يُصدق ..! لكن ارتحت نوعاً ما لما عرفت منك إن المكبس اقل بكثير من مجفف الشعر , يمكن المرة الجاية اتشجع واشبك المكبس في الكهرباء والله يعديها على خير ..

سبايدر المطيري · #**340** (**permalink**) 28-06-2013, 08:06 AM

اختي ابي طابعه 3d تطبيع علي البلاستيك يعني اصمم تصميم في الفوتوشوب وانسخه علي البلاستيك
ياليت تساعديني الله يجزاج خير وتعطيني اسمها ولا صورتها ولا رابطها .؟

مشروع الطباعة للجميع ( معنا اسهل فقط اسأل ونحن نجيب )

قسم مشاريع وأفكار

بسم الله الرحمن الرحيم سلام الله عليكم .... انا احدى العضوات السابقات في هذا الصرح العظيم الذي كان له فضل علي بعد الله في دخولي مجال التجارة وخوض...

مشروع الطباعة للجميع ( معنا اسهل فقط اسأل ونحن نجيب )

تسجيل الدخول

مشروع الطباعة للجميع ( معنا اسهل فقط اسأل ونحن نجيب )

قسم مشاريع وأفكار

بسم الله الرحمن الرحيم سلام الله عليكم .... انا احدى العضوات السابقات في هذا الصرح العظيم الذي كان له فضل علي بعد الله في دخولي مجال التجارة وخوض...

مشروع الطباعة للجميع ( معنا اسهل فقط اسأل ونحن نجيب )