مشروع الطباعة للجميع ( معنا اسهل فقط اسأل ونحن نجيب )

نورة اياد · #**2701** (**permalink**) 25-01-2015, 09:54 PM

اقتباس:

المشاركة الأصلية كتبت بواسطة فيشه

الفناجين لها ورق خاص وطابعه ليز الورق ب100 ريال فيها 10اوراق ماتحتاج لش غير ورقه وطابعه ليز وفناجين اي نوع عادي

شكرا حبيبتي
انا عندي طابعة كانون ليزر
مافهمت كيف اطبع علی ورق مخصص وبعدين وش الجهاز اللي يطبعها علی الفنجال
والله لي اكثر من شهرين حالتي حاله
عندي ماكينة k3d راحت عليها فلوسي ع الفاضي

الصرميه · #**2702** (**permalink**) 25-01-2015, 11:03 PM

لو سمحتم اش نوع الطابعه المستخدمه لطباعه ثيمات الحفلات !!
وكيف يقصونها على اشكال ورود او فيونكات او مستطيلات او دوائر
وشكرا مقدما

احب القديم · #**2703** (**permalink**) 25-01-2015, 11:17 PM

اقتباس:

المشاركة الأصلية كتبت بواسطة خبيرطباعة

حدد نوع الطابعة ياطيب وراح اقول لك

ابسون tx210

ريم عبدالعزيز · #**2704** (**permalink**) 25-01-2015, 11:43 PM

اقتباس:

المشاركة الأصلية كتبت بواسطة احب القديم

فية محل بالرياض يطبعلك فواتير وكروت واكياس بس ماقدر احط الرقم ابحثي بالانترنت

شاكرة لك ومقدرة مساعدتك بس مشكلتي حاليا ماقدر أطلع شخصيا لأي محل للأسف.

ريم عبدالعزيز · #**2705** (**permalink**) 25-01-2015, 11:59 PM

اقتباس:

المشاركة الأصلية كتبت بواسطة reeem22

مافي شخص او محل ممكن ينفذ طلب قبل مايستلم على الاقل العربون انتي شخص غريب بالنسبة لهم وش يضمن لهم انك صادقة مو نصابه؟
هم محلات او ناس لهم حساباتهم ولهم اسمهم ومعروفين كل الناس تطلب منهم
حطي نفسك مكانهم ممكن تشتغلين على كيف الناس ؟ او تنفذين طلباتهم بدون مايدفعون؟
تراهم يشتغلون مايلعبون عشان يتعاملون مع كل شخص مثل مايبي
اللي يبي يدفع بعد التسليم واللي يبي يدفع بعد مايشوف التصميم واللي يبي الشي مستعجل بدون مايدفع شي واللي يرسل ويبي الرد يجيه حالا بالا حتى لو بأخر الليل ولابوقت اجازة

شوفي طالما انتي راح تدفعين بكل الاحوال ادفعي مقدم, هذا نظام البيع والشراء في الشرع
او بنفسك دوري محل حولك وادفعي لهم كاش اذا تخافين من النت
بس مافي محل بيطبع لك او يسوي لك اي طلب بدون ماتدفعين مقدم , وهذا من حقهم

معليش لو انفعلت بس اشفق على المجتمع عندنا خصوصا لما اتصفح حسابات التاجرات
اللي يبيعون واصحاب المشاريع يتعبون لان الناس ماتعترف بحقوق غيرها
واللي يشترون يتعبون لانهم مايلتزمون بالانظمة ولايحترمون سياسة وعمل غيرهم

شاكرة عزيزتي ردك...
بس أنا موضحة طلبي فقط طباعة بدون أي تصميم وكمان ممكن أدفع عند الاستلام أو تحويل لحساب في بنك البلاد.
وكمان وضحت للي حاب يقدم مساعدة وخدمة لي أكون ممنونة وشاكرة له ويتواصل معي قبل ع الأساس تفاصيل الاتفاق.
لأن حاليا ماقدر أطلع أنا شخصيا لأي محل وأواجه مشكلة في حسابي في الراجحي وكل اللي تواصلت معهم كانت حساباتهم بالراجحي...
وع فكرة عرضت على حساب أرسل لها مندوب معه الفلوس يسلمها كاش وتنفذ لي طلبي كمان مالقيت رد...
أرجع أكرر شكري لردك واهتمامك، وأعتذر من الجميع لو كان في طلبي اعتداء وعدم احترام لحقوقهم.

reeem22 · #**2706** (**permalink**) 26-01-2015, 02:44 AM

اقتباس:

المشاركة الأصلية كتبت بواسطة ريم عبدالعزيز

شاكرة عزيزتي ردك...
بس أنا موضحة طلبي فقط طباعة بدون أي تصميم وكمان ممكن أدفع عند الاستلام أو تحويل لحساب في بنك البلاد.
وكمان وضحت للي حاب يقدم مساعدة وخدمة لي أكون ممنونة وشاكرة له ويتواصل معي قبل ع الأساس تفاصيل الاتفاق.
لأن حاليا ماقدر أطلع أنا شخصيا لأي محل وأواجه مشكلة في حسابي في الراجحي وكل اللي تواصلت معهم كانت حساباتهم بالراجحي...
وع فكرة عرضت على حساب أرسل لها مندوب معه الفلوس يسلمها كاش وتنفذ لي طلبي كمان مالقيت رد...
أرجع أكرر شكري لردك واهتمامك، وأعتذر من الجميع لو كان في طلبي اعتداء وعدم احترام لحقوقهم.

هي كل الخدمات نفس الشي
التصميم والطباعة والطبخ والخياطة الخ كلها مستحيل احد ينفذها بدون مايستلم على الاقل العربون وحتى العربون ماعاد ينقبل
لان لو نفذوا الطلب ومادفعتي لظرف ما غصب عنك او مثل البعض ينصبون او يستهترون بتعب غيرهم يطلبون ويسحبون بيكونون خسروا وهذا حرام
شوفي اغلب التاجرات المبتدئات في بدايتهم حطوا ان الدفع عند الاستلام وكلهم واجهوا مشكلة مع الناس اللي مو جادين وواجهوا خساير وشفت كثير منهم كاتبين تجارب لهم وغيروا نظامهم بعد ماتعلموا , حتى ان كثير يستغلونهم لانهم مبتدئات مايفهمون بالتجارة كثير
عشان كذا محد بيسوي لك شغلك بدون دفع مقدم ان كان محل او من النت وهذا الأسلم والأفضل للطرفين
وانتي دامك بتدفعين بكل الاحوال قبل ولابعد وانتي جادة بطلبك وواثقه ليش ماترسلين الفلوس كاش مقدم وترسل لك طلبك بعد مايجهز؟ اذا ماتقدرين عى التحويل؟ او حولي من الصرافه او النت وانتي في بيتك
الله يسخر لك وتنحل مشكلتك
موفقه

خبيرطباعة · #**2707** (**permalink**) 26-01-2015, 10:03 AM

اقتباس:

المشاركة الأصلية كتبت بواسطة reeem22

طيب هذا للطباعه الحرارية والسبليميشن ولا حتى كل الطابعات حتى للو رق العادي؟

فقط مرتبط بالطابعة ريكو سبليمشن

الراجحي علي · #**2708** (**permalink**) 26-01-2015, 07:03 PM

السلام عليكم
أريد مقاسات استكر
آيفون 5
آيفون6
نوت 3
جلكسي 3
جلكسي4
مع خالص الشكر

أم عالي · #**2709** (**permalink**) 27-01-2015, 01:43 AM

باأخ علي الراجحي :
خذها قاعدة , مقاسات أي كفر : جيب مسطره وقيس طول وعرض الكفر بالسم وبعدين روح للفوتوشوب وحول المقاسات الى سم بدل البكسل وحط مقاس الطول والعرض اللي ظهر معاك ومن الأفضل زيادة 2ملم للطول والعرض .

فيشه · #**2710** (**permalink**) 27-01-2015, 02:23 AM

اقتباس:

المشاركة الأصلية كتبت بواسطة نورة اياد

شكرا حبيبتي
انا عندي طابعة كانون ليزر
مافهمت كيف اطبع علی ورق مخصص وبعدين وش الجهاز اللي يطبعها علی الفنجال
والله لي اكثر من شهرين حالتي حاله
عندي ماكينة k3d راحت عليها فلوسي ع الفاضي

مافيه جهاز هو بس ورق خاص تطبعين عليه ليز وبعدين تقطين الطبعه وتحطينه في مويه لمده تقدريبا اربع دقايق وبعدين الورقه تنسحي معك تطلع كانها لصق شفاف وعليها الصوره وتحطينها على طول ع الفنجان وتحاولين تطلعين الهوا خفيف منها وتجففينها بالمنديل وبعدين ينحط عليها سبري خاص لكن ماعرف ايش هو وبس انتهت السالفه

مشروع الطباعة للجميع ( معنا اسهل فقط اسأل ونحن نجيب )

قسم مشاريع وأفكار

بسم الله الرحمن الرحيم سلام الله عليكم .... انا احدى العضوات السابقات في هذا الصرح العظيم الذي كان له فضل علي بعد الله في دخولي مجال التجارة وخوض...

مشروع الطباعة للجميع ( معنا اسهل فقط اسأل ونحن نجيب )

تسجيل الدخول

مشروع الطباعة للجميع ( معنا اسهل فقط اسأل ونحن نجيب )

قسم مشاريع وأفكار

بسم الله الرحمن الرحيم سلام الله عليكم .... انا احدى العضوات السابقات في هذا الصرح العظيم الذي كان له فضل علي بعد الله في دخولي مجال التجارة وخوض...

مشروع الطباعة للجميع ( معنا اسهل فقط اسأل ونحن نجيب )