07-08-2015, 09:12 AM
|
|
Guest
|
|
تاريخ التسجيل: Aug 2015
الدولة: -
المشاركات: 51
معدل تقييم المستوى: 0
|
|
انا ما اعرف ايش تبغا تطبع لاكن اذا تبغا اكياس مطبوعه وشغل نظيف زي طباعة اكياس بسكويت جلاكسي و اولكر و خلافه اعملها في مطبعه احسن و انظف
بخصوص اسلفان حق التغليف و المكينة اذا انت في جده كلمني واتس و ارسل لك اللوكيشن او اوصف لك المحل في سوق الجنوبية ناحية تجار البلاستك والاواني .
واذا من خارج جده تروح مصنع البلاستيك و تطلب رول سلفان صحي بالمقاس الي تبغا و تشتري مكينة لحام حق البلاستيك تبع اكياس المكسرات تاخذ حبتين قيمت الوحده 45 ريال تقريبا و تدمجهم في بعض بحيث تخلي بين سلكين اللحام حوالي 3 ملم وتاخذ مقص مشرشر حق القماس
وهات يا تعبيه و تغليف وقص
( ملاحظه المصنع يعمل الرول بالطن )
اذا تحتاج شرح بالصور بصمم لك الية العمل 3d كمان واعمل لك المنتج حقك نهائي قبل ما تشتغل فيه اصلا بس اعطني شوي بيانات
وممكن بدل الطباعة تستخدم فكره اسيويه .. بحيث تطبع على ورق رول اوفست اوت دور وتقص الورق و تحطه في الكيس مع الكليجه من جوا و تغلف عليه بيعطي شكل حلو ورخيص
ملاحظه خلي بالك الورق يكون مسلفن علشان الزيوت لا تخلي يبقع و يصير الحبر مشوه كمان مو صحي
اضافة الى ان البلديه تطالب بتاريخ صلاحية وما بيقبلو دحين الاستيكر بيدققو شويه لازم يكون مطبوع في هاذي الحاله اما تجيب ختم للتواريخ الي له بكرات او تركيب او تشتري مكينة طباعة تاريخ الصلاحية
واذا تحتاج تعمل منتج برضه ماعندك مشكلة اعطي اشاره بس
ربنا يوفقك في مشروعك و اتمنى اكون مفيد لك
اذا صعب عليك تصنيع رول او تحتاج كرتون او مكاين كلمني و اساعدك ان شاء الله
التعديل الأخير تم بواسطة daherey ; 07-08-2015 الساعة 09:15 AM
|
العرض العادي
