السلام عليكم ورحمة الله وبركاتة

اخواني بارك الله فيكم وفتح لكم ابواب الرزق وأغناكم عن الناس


قصتي بإختصار

أنا موظف خدمتي 13سنة وقررت ترك العمل وانهاء خدماتي

وعلما ان عمري 31 ومتزوج وعندي بنتين وولد الله يحفظهم وعيال كل مسلم

أبي اصفي حقوقي وأزيد عليها وأشتري رأس تريلة وابي أشتغل عليها بنفسي

يعني كل اللي معي ابي اغامر فية .. اخواني لا أحد يقول لاتفصل وتترك العمل لان

لان خلاص الموضوع انتهى ومااقول الا مثل ماقال الشاعر

يرزقني رزاق الحيايا بجحرها .... لامخايلة برق ولا حايلة


ملاحظة . وربي مااعرف من شغلة الشاحانات والتريلات الا انها شغلة بعد توفيق الله مربحة


ابي من اخواني اهل الخبرة انهم مايقصرون معي واللي ماعندة خبرة لاينساني من الدعاء

الله يرزقكم ويوفقك ويجزاكم خير ويجعلكم من اهل الفردوس الاعلى

اول شي المبلغ اللي ممكن احصل علية ان شاءالله على اللي معي تقريبا 250الف

وأنا بمنطقة الرياض

اللي ابي اعرفة اي نوع اشتري ووش افضل اشتري مستعمل او وكالة او بطاقة جمركية

طبعا النوع والموديل وكيف اشترية يعني وين المعارض حقتهم .. معليش بغثكم لاني ابي اتعلم ومااعرف شي ,

مواصفات التيدر قلاب او جوانب ونوعة وحجمة

وكيف احصل على زبائن او عملاء ادا كان معي قلاب او تيدر جوانب



تكفون فزعتكم وراي اسرة ومسئولية وصامل .لاقدر الله لو اخسر ضعت وضاعو عيالي . والرزق على الله الله يرزقنا واياكم ويغنينا من فضلة

ودمتم سالمين

السلام عليكم ورحمة الله ياخوي اتق الله في نفسك وفي عيالك ولا تتهور وتفصل من الوظيفه على شان لحظة نشوه وفرحه بالمشروع الجديد الي حتى ماتعرف ابجديتها هذا قرار خطير وابي اقلك لا تفصل حتى لو قلت لا تقولون لي لا تفصل اقل اقل فايده من الوظيفه لو لاسمح الله توفيت يحصلون عيالك راتب يصرف عليهم
نجي للمفيد انت لاتفصل ولا تترك مشروع التريله وغيره كثير خذ الحل الوسط عندك فلوس من غير ماتفصل اشتر تريله اذا ماتكفي تسلف او غير النشاط عموما مافيه شي يستحق المغامره وتفصل من اجله يمكن فشل مشروع التريله لاي سبب واهم سبب في فشله هو انك هل يمكن تتحمل الشحططه في الخطوط وانت وراك عيال يحتاجونك وغير تعب الخطوط تراك مو متصور الموضوع تفكر الامر سهل فكر ثم فكر ثم فكر والله يكتب لك الخير وين ماكان

شكر مرورك

أخوي وبارك الله فيك وأشكرك وأشكر نصيحتك لكن الموضوع يطيل شرحة وسردة ,وخلها على ربك والله لو الانتحار ماهو حرام انتحرت .

ومن يقول ان رزقي بالعمل رزقنا على الله وانا صامل لو تقدر تفيديني بالنسبة للعمل لكن أنا خلاص

بس اراجع عشان استلم حقوقي


ونا قد المكدة ان شاءالله والتعب انا تعبت وكديت لغيري في شي مايستحق لكن الله يعين


تكفون يامن يعرف شي لابخل علي وينور بدايتي الجديدة

اتمنى لك التوفيق

اشتر تريله قلاب وشغلها مع شركة بعد طبعا عقود التريلات تتراواح من 20 الى 25 الف شهريا

لاكن تكون شركة تدفع وماتتاخر في الدفع

http://h****.com.sa/111495559/%D9%85...4%D8%A7%D8%A8/

أخوي هذا اللي اقدر فيك واسال الله لك التوفيق والسداد

لكن خذ نصيحه وانا اخوك : انت استشرت الخلق لكن عليك باستشارة رب الخلق
عليك بالاستخاره ثم الاستخاره ثم الاستخاره
والله ولي التوفيق وبيده مفاتيح الفرج

^
^
الرابط متعطب

تفضل هاذا
https://www.btalah.com/t221867.html

واذا ماشتغل تلقاه بالصفحه الثالثه او الرابعه

مرحبا فيك أخوي والله يرزقك ويوفقك بالنسبة للوظيفة إذا كانت حكومية خصوصا أنا أقولك استخير وفكر واستخير واستشير وفكر
وبالنسبة للتريلات أنا بإذن الله اقدر افيدك بالكثير لان الوالد والاعمام وخوالي الله يطول بأعمارهم في طاعته ويمدهم بالصحة والعافية هذي شغلتهم منذ القدم وبإذن الله راح أجاوب على أسألتك بالتفصيل لكن تكفى لاتأخذها على أنها كلام قطعي ولاتحملني مسؤولية هالكلام لأن الاعمال الحرة متفاوته بعض الاحيان يزين السوق وبعض الاحيان ينقص وفي آخر الكلام بإذن الله راح أعطيك قصة للوالد وأحد أعمامي
والان إن شاء الله راح اقتبس موضوعك واجاوبك على الاسئلة بالتفصيل وكل اللي أبغى منك أنك دعوة في ظهر الغيب

انا مع اخوي الوافي بكم
الله يوفق الجميع

كفوا قرار شجاع وسوف تتحرر من العبودية بشرط انك عارف الشغله وماتطب على خشتك وياليت ولو وانا وانا

توكل على الله كل من استقالوا من العمل نجحوا وتحسفوا على السنين التي ضاعت في الوظيفه وانتظار الراتب

كل يوم 25 من الشهر وتخلص في اول اسبوع

ومبروووووك مقدما وبالتوفيق