السلام عليكم ورحمة الله وبركاته

صبحكم الله بالخير

واحب اشكر كل من سال عني وعن اخباري

ابشركم خطبت والزواج ان شاء الله خلال الشهور الجايه
وراح توصلكم الدعوه باذن الله

وبالتوفيق للجميع


طبعا اللي مايعرف قصة الزواج هذا رابط الموضوع

https://www.btalah.com/showthread.*****..44#post6047944
*

وعليكم السلام ورحمة الله وبركاته


آحلى ياقوي مستانس ،، تحس بروح الانتصار ،
الف مبروك عقبال الثالثه والرابعه ،،

ياشباب اللي يعرف يرقص له خبيتي او سامري او عرضه لا يقصر معه
حتي رقص هندي مصري ينفع .. اهم شي نونسه لن خلفه آيام وليالي يابسات ..

للمره الثانيه الف مبروك ،، وعقبال ما تقضي ع كل العنوسه في المجتمع وتاخذ الثالثه والرابعه .. وتاخذ بالسنه النبويه ..
ماوصيك بالعدل بكل شي .. والتربيه والاتزان والحلم والصبر والتجاهل والتغاضي ..
الان اصبحت نصفين فوازن بينهما واعدل .. واتقى الله فيهما ،،
بارك الله فيكما وبارك عليكما وجمع بينكما بخير ..
اتمني لك التوفيق ..

وعليكم السلام ورحمة الله وبركاته

عقبال لنا يارب

انا والشخص السام اللي رد اول واحد الله يكفينا شره

اخوي لا يكون رحت جيزان من ورانا

الف مبروك والله يوفقك ولا تنسى الأولى تراها في رقبتك العدل العدل العدل

اقتباس:

المشاركة الأصلية كتبت بواسطة قنصل البطالة وعليكم السلام ورحمة الله وبركاته عقبال لنا يارب انا والشخص السام اللي رد اول واحد الله يكفينا شره اخوي لا يكون رحت جيزان من ورانا

الف مبــروكـ الله يوفقك ويسهل امرك
واعدل وانصف بينهن
بتوفيق بحياتكـ
دامـــــه حـلال لا تهتم بكـــلام اي احـــد

ماشاء الله تبارك الله

ألف ألف مبروك

الله يتمم على خير

الف مبرووووك والله يكثر من أمثالك

والله أني مقررة من الحين لأني اعرف نفسي اشغالي كثيرة وعمل وأهل ودراسات وأمور كثيرة إن شاء الله بعد سنة من الزواج بقول له اذا تبيني اخطب لك فاانا مستعدة
لان الانسانة المعروفة بالتقصير لظروفها مافيها شي تخطب لزوجها الثانيه والثالثة
فالبنات الصالحات كثير بالمنازل الحمدالله والحرمه السنعه تمسك بيتها وعيالها وتعيش سعيدة بحياتها جاء ابو عيالها حياه الله كرمته وعزته وضيفته ولامن خرج من بيتها تودعه وتدعي الله يحفظه ومآلها دخل وين يروح ويجي يكفيها بيتها وعيالها ومستقرة الحمدالله صراحة أحزن على الحريم الي تعطي الرجال فوق قدرة ويجيها السكر والضغط من تفكيرها وين راح وين وصل ومع مين الان ووش يسون لا لا مع الف سلامه يروح لو لوادي الحريم شي لا يهمها ولا يدخل نفسها فيه تعيش حياتها هي في بيتها وتدرس وتشتغل وتخرج مع اهلها وتكسب رضا والديها وقبلها ربها
هذا الزوج فرع بسيط بحياتها لا تزيد العناية فيه وتهمل نفسها لان بالأخير مهما سوت الحرمه للرجل بتظل ماسوت شي بنصيحة من قلب للحريم عامة خلي الرجل يحل أزمة العنوسه وفكه منه ماهو كل يوم ازعاج وطلبات هذا لصالحك تشوفين اشغالك الثانيه
اعرف حرمه ماحفظت القران الا يوم تزوج الثانيه تقول لقيت راحة بالوقت وسجلت بتحفيظ واهتميت بعلمي بالدين وتقول دعيت لزوجي كل يوم بسبب زواجة من الثانيه كسبت حفظ كتاب الله وتغيرت حياتي بعد الحفظ كثير
ياناس والله الحرمه العاقلة الي تحفظ بيتها وعيالها وطنش الرجال لو تزوج الف حرمه وتكبر دماغها هذي لترتاح كثير والشرع الحمدالله حفظ الحقوق لو قصر في المصروف في محكمة وقبلها إخوانك يفرضون عليه الصرف عليك وعلى عيالك وصدقوني الان بسبب القضاء على العنوسه بقولهم مايتزوج الا موظفة عشان الاولى لها الراتب ووو....
اعتذر على الإطالة لكن ياحريم لا يطير عقلكم رجل والله ماغير هلاك لصحتك وهو ماهو داري عنك غير انك تفقدين عيالك الاستقرار والسعادة ويحسون المشاكل بالبيت ويضيعون بدراستهم ويتصرفون خطا اعقلوا يالحريم اعقلوا وفي ستين داهية تزوج ولا مات
انتم عيشوا حياتكم وانبسطوا .

وسلامتكم*