السلام عليكم ورحمة الله وبركاته


ي جماعة عندي موعد في الرياض بمركز صحي المروج
سؤالي / هو مستشفى عسكري ولا لا ؟


للي مادل المركز الوصف :
تمسك طريق الملك عبدالعزيز (السليمانية) بإتجاه شمال
لين يجيك مخرج 5 وتديور وتصير بإتجاه جنوب وتشوف (مركز صحي المروج) على يمينك


اتمنى تردون على سؤالي
هو مستشفى عسكري ولا لا ؟

يجي من يفيدك

[gdwl]سِبحآنَ اللِهَ ؤ بحمَدهَ , سِبحآنَ اللِهَ العظيَمْ [/gdwl]

المركز الصحي بالمروج
هذا طول الله عمرك
اسمه المركز الصحي بحي المروج مقابل مجلس الخدمات الصحيه بوزارة الصحة بشارع اللاذقيه
وكلها أسماء غبيه والله أهل الحي نفسهم مايعرفونه لكن أبعطيك وصف دقيق جدا علشان ماتلطع مثلي لانه والله فاتني الموعد وقالولي المندوب مشى وجيتهم بعدها باسبوع علشان الهياط طال عمرك سويت اني أمريكاني بامشي على الوصف وأكلتها طال عمرك ولاجيتهم الا الساعه 9.30 صباحا قالولي تعال الأسبوع الجاي ثم رجعت للادارة المسلحه قالولي تعال الأربعاء الأسبوع الجاي فلو كبيت الهياط ورحت بتكس كان أفضل
الوصف الدقيق لحل المشكله باتباع الخطوات التاليه

اولا روح بموترك لمخرج 5 أسئل رعاك الله (وكب الأسلوب الأمريكاني تطالع الخريطه حقتهم قال)عن حي المروج
ثانيا اذهب لاقرب مسجد لتأيدة صلاة الفجر جماعة لازم تكون جلدي جلدي عندهم
ثالثا أطلق عيناك على اللوحات التي تكون بمنتصف الطريق ( ياعمي اللوحات الخضراء اللي برصيف ) وابحث عن شارع اللاذقيه هنا مكمن السر
رابعا أطلق لسانك واسئل البنقاليه اللي ينظفون الشارع عن سوق الخضار باللوحة الحمراء (وهذي الزبدة)
اذا شفت اللوحه الحمراء تبع السوق الكبير بوجهك خلك بنفس الشارع وخذ اوتير لنهاية الشارع تلقى المركز الصحي مدسوس بيسارك
والله اذا ماتبعت الخطوات ذي عز الله انك اذا ماوقعت بيد أحد فاهم الحي بيروح عليك الموعد
بالنسبه لسؤالك عن المركز , لا ليس مستشفى انما مركز صحي تبع القوات المسلحه


ودمتم سالمين ,,,