السلام عليكم احبتي

ماعندي راس مال لابني فيه مشروع

ابي اشتغل اي شغله من الاشغال الحره

موقعي الرياض

الله يرزقكم من واسع فضله...

امين يارب يرزق الجميع

والله حالتك صعبه اخوي والله يكون بعونك

لكن كيف بتعمل عمل حر وماعندك شئ على الاقل لو شئ بسيط مثل تبيع خضره او تبيع حطب او مسابح

اي شئ اخوي لاتجلس وتقول ماعندي راس مال

اذا عندك سياره مشوير خاصه ونقل طالبات الجامعه والموظفات
الله يوفقك ويرزقك

معاي سياره حوض
طيب اقل شي اسوقه وش تنصحوني فيه
للمعلوميه يمشي لي حافز

باخذ مشورتكمم فكرة جت ببالي
انا معاي دبلوم دعم فني صيانة اجهززه سوفت وهارد وير

وش رايكم اسوي لي اعلان
اسوي صيانه في البيوت بمبلغ معين

فكرة ممتازة..

اعلن في موقع الرياض الالكتروني...الاعلان بعشرين ريال...

واطبع لك الف كرت بمية ريال ، ووزعها ... الله يوفقك

مدام معاك ونيت بيع خظرة فى الحوض قدام المساجد
اقسم بالله تكسب ذهب