المشاركة الأصلية كتبت بواسطة شامسة

اليوم كلمت الخدمة المدنية بنفسهم
وحولوني فورا على التوظيف النسوي
والبنات هناك قالولي مافيه اي معاملة جاية من وزارة التجارة
ومافيه
اي شيء تحت سجلي المدني

رجعت كلمت وزارة التجارة
طمنوني ان الوضع سليم <كلمتهم الدائمة
ومافيه موعد محدد لقرارات التعيين

المهم اخواني الشباب بليز
بكره واحد منكم يكلم الخدمة المدنية
ع الارقام الموجودة ع النت يردو ع طول
ان شاء الله قسم الرجال يكون عندهم خبر

المشاركة الأصلية كتبت بواسطة بام بيقلو

السلام عليكم

يا جماعة الخير ترا في تخبط عجيب صاير في الوزارة , اسمعو القصة اللي صارت اليوم بيني وبين موظف الموارد البشرية في الوزارة ولكم الحكم.

انا طبعا من اوائل المرشحين اللي تم الاتصال عليهم ولو ترجعو للصفحات السابقة تلقون ردي , انا اتصلو علي في رمضان وقالو مبروك انت عديت الاختبار بعد كذا صارت مداولات وتفكير المهم رجعت لهم ووافقت على الوظيفة وقلت له متى المباشرة قال بعد العيد ان شاء الله , قال لي بنرسل لك ايميل ترسل فيه صورة من الهوية واخر شهادة لك وفعلا ثاني يوم جاني الايميل ورديت عليه , يعني الى الان وضعي في السليم وترشيحي جاهز في الخدمه المدنيه وانتظر بس اتصال منهم عشان الكشف الطبي ومن ثم المباشرة.

قبل شوي تلقيت اتصال من رقم ثابت في الرياض قلت اكيد انه الوزارة (لاني من سكان الغربية) رديت الا وهو يصبح بالخير ويقول فلان بن فلان قلت ايه معاك قال انا عبد الله العودة من وزارة التجارة والصناعة قلت يا هلا وغلا , بصراحة فرحت كثير وانبسطت قلت جا الفرج والمباشرة جات ياولد الا وهو يصعقني برده ويقول مبروك انت عديت الاختبار وتم ترشيحك على المرتبة السادسة انا على طول قلبت بنقالي اس كلام! قال نعم!!! قلتله من جد اس كلام وش اللخبطه ذي ياخي انت بنفسك متصلي فيني في رمضان وبشرتني وارسلت الايميل بعد , قلتله خير تتصل ثاني مره وتبشرني بالترشيح تحبني انت ولا وش سالفتك ولا لا يكون مضيعين اوراقي ومرشحيني من جديد وش سالفتكم انتم بالضبط!!!!!

قال لي انت اكيد جاك اتصال منا!!! قلت اقول انت ايش اسمك اول قال لي فلان الفلاني معك قلت كويس قلت اكيد المكالمه مسجله قال ايه قلت حلو عليك! هي الله لا يهينك حولني على مدير الموارد البشرية ولا والله العظيم اني لاشتكيك للوزير الربيعة !!! الرجال تلخبط وحالته حاله وقام يصرف يمين يسار ويعتذر قلت مافيه والله لو ما تحولني الحين لا شتكيك وتراني مسجل المكالمه !!! المهم الرجال قام يتاخر في الرد ثم رجع وقال المدير في اجتماع قلت يا سلام وش ذا الاجتماع اللي طلع فجأه قال لي اصبر , الرجال لطعني على التلفون يمكن نص ساعه الين انا قفلت بنفسي بعدها رجعت اتصلت اكثر من عشر مرات ولا في رد!!!!!


شباب اختصرلكم الموضوع ترا في لخبطه كبييييره صايره هناك واللخبطه ذي ما ادري وش سببها هل الاوراق بدت تضيع , هل فعلا ارسلوها للخدمة المدنية , كيف يقولون ارسلوها والى الان يتصلون على بعض المرشحين !!!!!!

الوضع ما ينسكت عليه بصراحه يا اهل الرياض نبي واحد نشمي منكم يراجع الوزارة ويتاكد من اوراقنا فعلا راحت الخدمة المدنية ولا تسكيت على العادةز