السلام عليكم ياجماعة الخير

أنا أبي أقدم إجازة رعاية مولود للترم الثاني ظروفي صعبة جدا وتوهقت بعيالي الاثنين وكلهم تحت 3 سنوات

الان سؤالي وش اكتب تاريخ نهاية الاجازة عشان مايحسب علي اجازة الصيف علما بان اجازة رعاية المولود لها رصيد محدد من الايام وانا ما ابغى الصيفية تاكل منها كذلك رعاية المولود هي بربع الراتب ومن حقي التمتع براتبي كامل أثناء الصيف أسوة ببقية الموظفات

اعمل ادارية في مدرسة وبداية الترم من 3/14 وينتهي دوام الطلاب في 7/26
هل اكتب الاجازة بهذا التاريخ بداية ونهاية وهل يجب ان اباشر في المدرسة بعد 7/26
والله محتارة ولازم اقدم طلبي باسرع وقت
اللي عنده علم يفيدني الله يفرج وييسر للجميع

وعليكم السلام

اول شي حبيت انبهك ان الاجازة اللي بتاريخ 26-7-1434هـ هي للطلاب فقط

اما الاداريين والمعلمين يداومون بعد هالتاريخ 3 اسابيع يعني الاجازة الفعليه للمعلمين والموظفين تقريبا 17-8-1434هـ

لهذا انتي عشان يحسب لك الراتب لازم تكتبي نهاية اجازتك قبل اسبوع من النهاية احتياطاً عشان يمديك تباشري وتاخذي ورقة المباشرة وترسليها لادارة التعليم بمنطقتك عشان يسجلوها في الحاسب ويبدأ راتبك الكامل من تاريخ المباشرة لهذا اكتبي تاريخ نهاية الاجازة 10 - 8 - 1434
اللي هو يوم الاربعاء بعدها داومي السبت اللي بعده وخذي مباشرتك وسلميها للادارة

موفقة ودعواتك لابنتي بالشفاء

مشكووور أخوي أخ عاطل الله يجزاك خير

الله يشفي بنيتك ويعافيها ويخليها لكم ويخليكم لها

"اللهم اشف ابنته بحولك وقوتك شفاء لا يغادر سقما
شفاء عاجلا غير آجل وأقر عيني والديها برؤيتها معافاة سليمة إنك على كل شيء قدير"


بصراحة ماتوقعت أنه ضروري أرجع أداوم آخر الترم عشان يرفع لي مباشرة ,,,,,,هل أنت متأكد من هالمعلومة ؟