يوم كنت أنــا طالبة كلية في المدرسة >> كنت أستاذه ( مذكراتي )

طيور بلا أجنحة · #1 (**permalink**) 22-12-2012, 11:13 PM

بسم الله الرحمن الرحيم

السلام عليكم ورحمة الله وبركاتة

مساكم الله بالخير ..

حابة أتكلم عن أيام التطبيق في الكلية في المدارس وعن الأمور الي لفتت أنتباهي فيهاا وكانت أمور كثيرة ..

طبعا معروف في اخر سنتين في الكلية الطالبات يطلعون تربية ميدانية للمدارس وكانت تعتبر كرحلة لكل طالبة ..

فعند ذهابي الي الممدرسة المرحلة المتوسطة ( كانويسمونا بنات الكلية )

لفت انتباهي شئ من اول ما دخلت كل بنات المدرسة تناظرنا لاننا طبعا ناس اغراب عليهم بالمدرسة ووجه جديد..

من اول يوم يبدأ محاولات الاحتكاك من الطالبات مين انتو والي اخرة ..

طالبات الكلية طبعا يحسون بشعور انهن معلمات ولهن سلطة >> وبالأمس كنا طالبات مالنا سلطة ..

بدخل بصلب الموضوع ..

اول مادخلنا للمشاهدة ( وهي حظور حصة لمعلمة المادة في المدرسة من باب التدريب ) حز في داخلي منظر البنات وهن مسجونات في الفصل وهن صغار في السن غير ان اغلب البنات كان منظرهن يحزن ( الملابس مبهذلة _ اشكال مهملة )..

كنت احس حالي بشعور غريب كوني لابسة ( طبعا تعرفون في التطبيق البنات يلبسون ) والطالبات في بعض منهم مو قادرين يسون زينا >> حسيت بالتفرقه وقتها مع أن كلنا بنات ..

إدارة المدرسة ماسكين هالبنات الصغار على كل شئ ياويل اي بنت تلبس اي شئ ملون (جزمة شريطة بلوزة) >> حسيت قاعدين يقتلون احساسهم في كونهن بنات ويحبون هذا الشئ

والله في الطابور يطلعونهن كأنهن مسوين جريمة وبالأخر يطلع وشو لابشة شراب أحمر ولا بكله خضرا ( الحمد الله والشكر ) ويأخرونهن على الصف عشان شئ بفطرة البنت تحبة >>> ليه يحرمونهم ..

فصوول اشكالها كانها سجون >> وياويل اي بنت تتكلم ولا تضحك !! شئ يحزن حتى الضحكة تنقص الدرجات ..

كنا أحنا ( طالبات الكلية) نحس حالنا في المدرسة كأننا ملوك فلانه شيلي اللوحة فلانة جيبي من الغرفة >> كانو بعض طالبات التطبيق يعاملون البنات خدم ..

في المدرسة عاد في تفررقة كبيرررة بنات العز لابسين وكاشخين وبنات الي على قدهم لبسهن الله يعلم بحالهن اصلا اشكالهن ماحد يدرى وش ناقصهن ولا وش يوجعهن >> وضع يثر الشفقة ..

اذكر اني في الحصة ابي اشرح الدرس كل البنات يوقفوني يقولون مانبي درس أسألهم وش تبون يقولون >> نبي نسولف ..

قلت لهم والدرس يقولون عادي عطينا المخلص وكأنة مشروح طبعا انا ما اوافق على هالشئ بس خليتهم يتكلمون ابي اسمعهم عشان يسمعون الدرس ماحد معطيني فرصة اشرح>> كل كلامهم عن ايش عن مشاكل شخصية بنات ماحد قد سمع وش في داخلهم الي تقولك انا معجبة والي تقولك احب ولد عمي ( هذولى بنات متوسط صغأأأأأأر ) وكذا يتكلمون

يقولون لي يا استاذه كل بنات المدرسة معجبين في بعض والله ان البنات يتكلمون بطريقه لدرجة اني>> مو عارفة مين الي تكلم منهن ..

هذا غير البنات الي كل يوم واقفه ماتحل الواحب واصلا >> ماعندها دفتر

كل يوم افتش على الواجب هذا وضعها ..

غير الي تستقعد لك على كل شئ تدخل بعد الحصة تتاخر وتتكلم وتضايقك >> كأنك مسوية لها شئ ...

　
وهذا غير انك ماتعدين اسبوع في المدرسة الا >> كل البنات حبوك واعتبروك شئ عظيم في حياتهم ..

هذا غير احساسك في التطبيق كأنك فنانة مشهوررة الكل يتتبع اخبارك وانتي مين ومن وين وعمرك ومخطوبة >> حتى الخطبة يخطبونك ..

لمى رحنا نطبق في الثانوي الوضع مختلف عالم الاحباااااااااااااااط البؤؤؤس شئ يحزن

مشاكل بنات الثانوي غيرررر الوحده فيهم تحس انها عمرها >> 40 سنه

قعدت مرررة أسمعهم يفتحوون شريط طوووويل عرييض عن ايش >> استاذه اختي ابوي خلاها تترك الجامعه وباقي لها سنة ..

والثانية تزوجت ولد عمها غصب وكلهن في داخلهن خووووف على المستقبل وهم اعمارهن >> 16 سنه

ومن ندخل المدرسة والكل يحذرك انتبهي من فلانه الي ورااا وفلانه الي على الجمب تسوي وتسوي

وبالاخير وش يطلعن ذولي عندهن ظرووف واغلب الظرووف لا تطلع عن هالظرفين

1/ابوها متزوج على امها ومهيت بناته والام نفس الشئ..

2/او اابوها مطلق امها وعايشة عند مرت ابوها..

البنات الي ابوهن مايدرى عنهم ( يعني فاقده عاطفة الاب ) تلاقيهن الله يستر عليا و عليهن مع الشباب ..

والي مطلق امها وعايشة عند مرت ابوهاا >> هذه دايم تسووي شغب في الفصل وتتصرف بتصرف مع المعلمات كانها حاقدة عليهن ..

وطبعا في ظروف اخرى كا المشاكل الاسرية والي اخررة تصير البنت عندها فقد الامان ..

وببببببببببس هذا الي ذكرتة من رحلتي في التطبيق ..

　
.اللهم صل وسلم على نبينا محمد ..

الى متى عاطله · #2 (**permalink**) 22-12-2012, 11:50 PM

يعطيك العافيه على الموضوع ذكرتيني باحلا ايام الدراسه بالكليه ايام التطبيق الواحده تحس بهيبتها والكل يحترمها والبنات زمان كان براءه ويسمعو الكلام وبس يبغو يخدموا الله يسعدهم
بس زمان اول تحول الحين البنات الي يروحو للمدرسه كانهن رايحات عرس من الابتدائي للثانوي وتسريحات وروج خفيف اعطوهم حريه موزينا زمان سجن على الاصول بس كان ارحم من الوضع الان والله ينخاف منهن فيه انحراف بدرجه مو طبيعيه عندهم الي ماهي بويه تكلم لها واحد الا من رحم ربي وفوق كذا مافيه احترام للمعلمه والله اني بلشانه اذا صرت مدرسه مدري كيف ودي اتعامل معهم ولا بناتي لما يدرسو كيف ابعدهم عن هالنوعيات والله اخواتي وقرايبي يقولوالي على المصايب الي عندهم استغرب وين اهاليهم وش هالتربيه التعبانه فعلا الي يسمع سوالفهم يخاف من سخط ربنا ما اقول غير اللهم لاتؤخذنا بما فعل السفهاء منا

نسيانْ · #3 (**permalink**) 23-12-2012, 12:13 AM

وعليكم السلام ورحمة الله وبركاته

استمتعت بقراءة مذكرتك طيور ,
اعجبتني نقطة احتواءك للبنات وسماع همومهم
خصوصا انهم بمرحلة حرجة "المراهقة"
يحتاجون من يوجههم ويعينهم على نفسهم مهما قلنا ان تفكيرهم اكبر من اعمارهم يظلّون بحاجة ماسّة للتوجيه بالطريقة اللينة السهلة ,
أُمنية : ان تجعل المدراس حصة مثلا لإيجاد حلول لمشاكل البنات حتى لو بسيطة
وتوجيهات لإختيار الصديقة الطيبة وموضوعات تهمّ الفتيات وتنمي مواهبهم بعيداً عن الروتين كما في الحصص الإعتيادية .. وتُديرها الأخصائية الاجتماعية بسريّة تامة,

و فعلا كما ذكرتي احلى تجربة ايام التطبيق :"
كنت اطبق بالثانوي اجمل أيام ومواقف
مشاعرنا كانت مختلطة بين الدراسة والتدريس عشنا الدورين : p

عذراً على الإطالة وعقبال ما تكتبين لنا مذكرة تجربتك كمعلمة رسمية بمدرسة حكومية .

طيور بلا أجنحة · #4 (**permalink**) 23-12-2012, 04:44 AM

اقتباس:

المشاركة الأصلية كتبت بواسطة الى متى عاطله

يعطيك العافيه على الموضوع ذكرتيني باحلا ايام الدراسه بالكليه ايام التطبيق الواحده تحس بهيبتها والكل يحترمها والبنات زمان كان براءه ويسمعو الكلام وبس يبغو يخدموا الله يسعدهم
بس زمان اول تحول الحين البنات الي يروحو للمدرسه كانهن رايحات عرس من الابتدائي للثانوي وتسريحات وروج خفيف اعطوهم حريه موزينا زمان سجن على الاصول بس كان ارحم من الوضع الان والله ينخاف منهن فيه انحراف بدرجه مو طبيعيه عندهم الي ماهي بويه تكلم لها واحد الا من رحم ربي وفوق كذا مافيه احترام للمعلمه والله اني بلشانه اذا صرت مدرسه مدري كيف ودي اتعامل معهم ولا بناتي لما يدرسو كيف ابعدهم عن هالنوعيات والله اخواتي وقرايبي يقولوالي على المصايب الي عندهم استغرب وين اهاليهم وش هالتربيه التعبانه فعلا الي يسمع سوالفهم يخاف من سخط ربنا ما اقول غير اللهم لاتؤخذنا بما فعل السفهاء منا

منورتني اختي ( الي متى عاطلة )

فعلا مشاكل المدارس كثيرة .. ولا فية أهتمام بوضع البنات ..

بنات في هذه المرحلة محتاجين كثير الي يرشدهم ويعلمهم الصح من الغلط بس ماحد لمهم عايشين يقلدون وبس ..

الله يعطيك العافية ..

طيور بلا أجنحة · #5 (**permalink**) 23-12-2012, 04:49 AM

اقتباس:

المشاركة الأصلية كتبت بواسطة نِسـيانْ

وعليكم السلام ورحمة الله وبركاته

استمتعت بقراءة مذكرتك طيور ,
اعجبتني نقطة احتواءك للبنات وسماع همومهم
خصوصا انهم بمرحلة حرجة "المراهقة"
يحتاجون من يوجههم ويعينهم على نفسهم مهما قلنا ان تفكيرهم اكبر من اعمارهم يظلّون بحاجة ماسّة للتوجيه بالطريقة اللينة السهلة ,
أُمنية : ان تجعل المدراس حصة مثلا لإيجاد حلول لمشاكل البنات حتى لو بسيطة
وتوجيهات لإختيار الصديقة الطيبة وموضوعات تهمّ الفتيات وتنمي مواهبهم بعيداً عن الروتين كما في الحصص الإعتيادية .. وتُديرها الأخصائية الاجتماعية بسريّة تامة,

و فعلا كما ذكرتي احلى تجربة ايام التطبيق :"
كنت اطبق بالثانوي اجمل أيام ومواقف
مشاعرنا كانت مختلطة بين الدراسة والتدريس عشنا الدورين : p

عذراً على الإطالة وعقبال ما تكتبين لنا مذكرة تجربتك كمعلمة رسمية بمدرسة حكومية

.

فعلا البنات في هذه المرحلة بجعبتهم حاجات كثير يبون يسالون عنها ويتكلمون فيها وتلاقين بداخلهم مشاكل يمكن البنت تكون مو قادرة تقولها لاهلها ربما خوفا منهم او لاي سبب اخر ..

اسعدني مرورك الله يعطيك العافية ..

اشكرك لذوقك ...

عقرب سآم · #6 (**permalink**) 23-12-2012, 07:44 AM

وعليكم السلام ورحمة الله وبركاته

بصدق دايم سوالف البنات كثيره ، اعتذر منكم
وشكاويهم اكبر منهم ويتصنعون كثير ،، ويتباكون اكثر ،، ومايعجبهم العجب ولا الصيام في رجب
ونظرتهم دايم لما حولهم لو انهم في احسن حال ( يعني القناعه صفر من ميه ) الا من رحم الله
ويهولون الامور ويصنعون من الحبه قبه ،، وفيهم سذاجه وغباء احياناً يوزع على بلده كامله
وكل هذا باسم انهم جنس ناعم لطيف حنون عاطفي وكلام طويل

ترون الكلام ذا اللي انتم عايشين فيه ماطلع الا من كم سنه ولبستم لبسه
الصغير اليوم بكره يكبر بنفس الفكر ونفس القناعات اللي تربي عليها
المشكله ان البيت يربى ، والمدرسه والمجتمع من جانب اخر اما تربى او تهدم ،، والعكس

الان المعاناة والازمة اصبحت من المعلمات قبل الطالبات
قلة ايمان واحساس بالامانه وتقدير لقيمة التعليم ،،

وبعد الكلام والفضفضه والكذب بااحلام اليقضه والافكار والتصرفات الشيطانيه اجتاحة الشباب
يلزمهم صرامه وقوه وقسوه وعدم مداراة وكذب عليهم ..
ونجلس نداريهم ونداهنهم وهم يفحطون ويتصكعون والنعمه طالعه من خشم الواحد ولو تقوله له ليش قال مافي متنفس للشباب
مجتمع يحب الكذب والنفاق ورمي المشاكل ع امور ثانيه

احس اني شطحة بعيد بعيد ..
انا ماقصد كل البنات بصوره عامه في بنات قمم ومثاليات وتاج ع روس المجتمع
ولا اقصد كل الشباب في رجال يفتخر ويعتز بهم ..

الكلام يطول
بس اتمني لك التوفيق
وللبنات الصلاح ..

بروسيوس · #7 (**permalink**) 23-12-2012, 02:22 PM

اقتباس:

المشاركة الأصلية كتبت بواسطة عقرب سآم

وعليكم السلام ورحمة الله وبركاته

بصدق دايم سوالف البنات كثيره ، اعتذر منكم
وشكاويهم اكبر منهم ويتصنعون كثير ،، ويتباكون اكثر ،، ومايعجبهم العجب ولا الصيام في رجب
ونظرتهم دايم لما حولهم لو انهم في احسن حال ( يعني القناعه صفر من ميه ) الا من رحم الله
ويهولون الامور ويصنعون من الحبه قبه ،، وفيهم سذاجه وغباء احياناً يوزع على بلده كامله
وكل هذا باسم انهم جنس ناعم لطيف حنون عاطفي وكلام طويل

ترون الكلام ذا اللي انتم عايشين فيه ماطلع الا من كم سنه ولبستم لبسه
الصغير اليوم بكره يكبر بنفس الفكر ونفس القناعات اللي تربي عليها
المشكله ان البيت يربى ، والمدرسه والمجتمع من جانب اخر اما تربى او تهدم ،، والعكس

الان المعاناة والازمة اصبحت من المعلمات قبل الطالبات
قلة ايمان واحساس بالامانه وتقدير لقيمة التعليم ،،

وبعد الكلام والفضفضه والكذب بااحلام اليقضه والافكار والتصرفات الشيطانيه اجتاحة الشباب
يلزمهم صرامه وقوه وقسوه وعدم مداراة وكذب عليهم ..
ونجلس نداريهم ونداهنهم وهم يفحطون ويتصكعون والنعمه طالعه من خشم الواحد ولو تقوله له ليش قال مافي متنفس للشباب
مجتمع يحب الكذب والنفاق ورمي المشاكل ع امور ثانيه

احس اني شطحة بعيد بعيد ..
انا ماقصد كل البنات بصوره عامه في بنات قمم ومثاليات وتاج ع روس المجتمع
ولا اقصد كل الشباب في رجال يفتخر ويعتز بهم ..

الكلام يطول
بس اتمني لك التوفيق
وللبنات الصلاح ..

يااخوي الله يهديك وش هالكلام
وش اللي سخافه واغبياء وماادري ايش
ياخي هذا وضع البنات من يوم الله خلق حواء الى اليوم هذا هم كذا عاطفيين و يحبون من يعطف عليهم ويحبون من يسمع لهم خاصه مع من يمونون عليهم ويحبونهم
الفرق انه زمان كانوا الحريم مكبوتاااااااااااات وما تقدر تتكلم حتى لو انها مظلومه
لكن اليوم الناس تعلموا وعرفوا ان الحرمه عاطفيه ولابد من مراعات هالشي فيها وتعلموا وعرفوا ان الدين مايسمحلك تظلمها باي حال من الاحوال

اتمنى تغير نظرتك عن بنات حواء فأنهن الام والاخت والبنت والزوجه

وانصحك وانصح نفسي بالتعامل معهن باللين والرحمه

وتذكر قول الرسول عليه الصلاة والسلام .. ..
( رفقاً بالقوارير ) وما أجمله من وصف

وللمعلوميه
ترا وقتنا هذا الرجال وهو رجال يبكي ويشكي حاله من ضغوط الحياه

عقرب سآم · #8 (**permalink**) 23-12-2012, 02:31 PM

اقتباس:

المشاركة الأصلية كتبت بواسطة بروسيوس

يااخوي الله يهديك وش هالكلام
وش اللي سخافه واغبياء وماادري ايش
ياخي هذا وضع البنات من يوم الله خلق حواء الى اليوم هذا هم كذا عاطفيين و يحبون من يعطف عليهم ويحبون من يسمع لهم خاصه مع من يمونون عليهم ويحبونهم
الفرق انه زمان كانوا الحريم مكبوتاااااااااااات وما تقدر تتكلم حتى لو انها مظلومه
لكن اليوم الناس تعلموا وعرفوا ان الحرمه عاطفيه ولابد من مراعات هالشي فيها وتعلموا وعرفوا ان الدين مايسمحلك تظلمها باي حال من الاحوال

اتمنى تغير نظرتك عن بنات حواء فأنهن الام والاخت والبنت والزوجه

وانصحك وانصح نفسي بالتعامل معهن باللين والرحمه

وتذكر قول الرسول عليه الصلاة والسلام .. ..
( رفقاً بالقوارير ) وما أجمله من وصف

وللمعلوميه
ترا وقتنا هذا الرجال وهو رجال يبكي ويشكي حاله من ضغوط الحياه

ابشر طال عمرك نغير النظره

خدمات ثانيه ..