بسم الله الرحمن الرحيم
السلام عليكم ورحمة الله وبركاتة
مساكم الله بالخير ..
حابة أتكلم عن أيام التطبيق في الكلية في المدارس وعن الأمور الي لفتت أنتباهي فيهاا وكانت أمور كثيرة ..
طبعا معروف في اخر سنتين في الكلية الطالبات يطلعون تربية ميدانية للمدارس وكانت تعتبر كرحلة لكل طالبة ..
فعند ذهابي الي الممدرسة المرحلة المتوسطة ( كانويسمونا بنات الكلية )
لفت انتباهي شئ من اول ما دخلت كل بنات المدرسة تناظرنا لاننا طبعا ناس اغراب عليهم بالمدرسة ووجه جديد..
من اول يوم يبدأ محاولات الاحتكاك من الطالبات مين انتو والي اخرة ..
طالبات الكلية طبعا يحسون بشعور انهن معلمات ولهن سلطة >> وبالأمس كنا طالبات مالنا سلطة ..
بدخل بصلب الموضوع ..
اول مادخلنا للمشاهدة ( وهي حظور حصة لمعلمة المادة في المدرسة من باب التدريب ) حز في داخلي منظر البنات وهن مسجونات في الفصل وهن صغار في السن غير ان اغلب البنات كان منظرهن يحزن ( الملابس مبهذلة _ اشكال مهملة )..
كنت احس حالي بشعور غريب كوني لابسة ( طبعا تعرفون في التطبيق البنات يلبسون ) والطالبات في بعض منهم مو قادرين يسون زينا >> حسيت بالتفرقه وقتها مع أن كلنا بنات ..
إدارة المدرسة ماسكين هالبنات الصغار على كل شئ ياويل اي بنت تلبس اي شئ ملون (جزمة شريطة بلوزة) >> حسيت قاعدين يقتلون احساسهم في كونهن بنات ويحبون هذا الشئ
والله في الطابور يطلعونهن كأنهن مسوين جريمة وبالأخر يطلع وشو لابشة شراب أحمر ولا بكله خضرا ( الحمد الله والشكر ) ويأخرونهن على الصف عشان شئ بفطرة البنت تحبة >>> ليه يحرمونهم ..
فصوول اشكالها كانها سجون >> وياويل اي بنت تتكلم ولا تضحك !! شئ يحزن حتى الضحكة تنقص الدرجات ..
كنا أحنا ( طالبات الكلية) نحس حالنا في المدرسة كأننا ملوك فلانه شيلي اللوحة فلانة جيبي من الغرفة >> كانو بعض طالبات التطبيق يعاملون البنات خدم ..
في المدرسة عاد في تفررقة كبيرررة بنات العز لابسين وكاشخين وبنات الي على قدهم لبسهن الله يعلم بحالهن اصلا اشكالهن ماحد يدرى وش ناقصهن ولا وش يوجعهن >> وضع يثر الشفقة ..
اذكر اني في الحصة ابي اشرح الدرس كل البنات يوقفوني يقولون مانبي درس أسألهم وش تبون يقولون >> نبي نسولف ..
قلت لهم والدرس يقولون عادي عطينا المخلص وكأنة مشروح طبعا انا ما اوافق على هالشئ بس خليتهم يتكلمون ابي اسمعهم عشان يسمعون الدرس ماحد معطيني فرصة اشرح>> كل كلامهم عن ايش عن مشاكل شخصية بنات ماحد قد سمع وش في داخلهم الي تقولك انا معجبة والي تقولك احب ولد عمي ( هذولى بنات متوسط صغأأأأأأر ) وكذا يتكلمون
يقولون لي يا استاذه كل بنات المدرسة معجبين في بعض والله ان البنات يتكلمون بطريقه لدرجة اني>> مو عارفة مين الي تكلم منهن ..
هذا غير البنات الي كل يوم واقفه ماتحل الواحب واصلا >> ماعندها دفتر
كل يوم افتش على الواجب هذا وضعها ..
غير الي تستقعد لك على كل شئ تدخل بعد الحصة تتاخر وتتكلم وتضايقك >> كأنك مسوية لها شئ ...
وهذا غير انك ماتعدين اسبوع في المدرسة الا >> كل البنات حبوك واعتبروك شئ عظيم في حياتهم ..
هذا غير احساسك في التطبيق كأنك فنانة مشهوررة الكل يتتبع اخبارك وانتي مين ومن وين وعمرك ومخطوبة >> حتى الخطبة يخطبونك ..
لمى رحنا نطبق في الثانوي الوضع مختلف عالم الاحباااااااااااااااط البؤؤؤس شئ يحزن
مشاكل بنات الثانوي غيرررر الوحده فيهم تحس انها عمرها >> 40 سنه
قعدت مرررة أسمعهم يفتحوون شريط طوووويل عرييض عن ايش >> استاذه اختي ابوي خلاها تترك الجامعه وباقي لها سنة ..
والثانية تزوجت ولد عمها غصب وكلهن في داخلهن خووووف على المستقبل وهم اعمارهن >> 16 سنه
ومن ندخل المدرسة والكل يحذرك انتبهي من فلانه الي ورااا وفلانه الي على الجمب تسوي وتسوي
وبالاخير وش يطلعن ذولي عندهن ظرووف واغلب الظرووف لا تطلع عن هالظرفين
1/ابوها متزوج على امها ومهيت بناته والام نفس الشئ..
2/او اابوها مطلق امها وعايشة عند مرت ابوها..
البنات الي ابوهن مايدرى عنهم ( يعني فاقده عاطفة الاب ) تلاقيهن الله يستر عليا و عليهن مع الشباب ..
والي مطلق امها وعايشة عند مرت ابوهاا >> هذه دايم تسووي شغب في الفصل وتتصرف بتصرف مع المعلمات كانها حاقدة عليهن ..
وطبعا في ظروف اخرى كا المشاكل الاسرية والي اخررة تصير البنت عندها فقد الامان ..
وببببببببببس هذا الي ذكرتة من رحلتي في التطبيق ..
.اللهم صل وسلم على نبينا محمد ..
22-12-2012, 11:13 PM
العرض الشجري
