23-12-2012, 02:46 PM
|
 |
عضو متواصل
|
|
تاريخ التسجيل: Sep 2012
المشاركات: 107
معدل تقييم المستوى: 25
|
|
(( الى من يهمه الأمر ))
السلام عليكم ورحمة الله وبركاته .. اما بعد :
انا لفت انتباهي من خلال المنتدى إن كثير من السعوديين يسلمون الأجانب المغسلة
أو البقالة أو غيره وتنقلب الآية بدل ما هو يعطي العامل راتب العامل يعطيه راتب شهري
ويتكفل بإدارة المحل .. طيب ليه ما تتفق مع شاب سعودي يدير لك المحل اذا أنت
مو متفرغ ! ليه خيرك للأجنبي بصراحة حز في خاطري هذا الشيء أنا أعرف إن أغلبهم
إما إنه مو متفرغ أو إنه ما يحب يدخل في التفاصيل والمتابعة ويشوفها مملة ومتعبة له
طيب أنا عندي اقتراح ويا ليت يا ليت يؤخذ في البال وتفكرون فيه زين ..
أنا طالب جامعي من المدينة ومستعد أدير المحل بدل عن الأجنبي صحيح خبرتي 0
لكن هذي مو معاملات في ارامكو ولا تحتاج إنجليزي راح افهمها في اسبوع ويمكن أقل
ان شاء الله .. سواءاً عندك بقالة أو مغسلة أو أي محل .. اذا أنت متعامل مع الأجنبي
يدير لك المحل ويتحكم فيه ويعطيك راتب شهري اقلب الموازين عليه .. اعطيه راتب
شهري والباقي بيني وبينك وراح يطلع نصيبك أكثر من أول ان شاء الله .. أنا أبغى أتعامل
مع أكثر من شخص عنده محل لأن إدارة المحلات ما تاخذ ساعتين يومياً بالكثير ..
والله ما تحتاج شهادة ولا شيء .. الأمور سهلة وحنا أبناء بلد والأمانة بيننا قبل نكون
سعوديين حنا مسلمين ..
ومني أقول أول شهر ما آخذ ولا ريال فقط .. للتجربة .. واكتساب الخبرة .. مع إني
أشوف مثل هذي الأمور صغيرة ولا تحتاج لخبرة .. لكن للإحاطة فقط .. أول شهر
سواءاً محل أو محلين أو ثلاث .. مجاناً .. ونفس الموضوع في المدن الأخرى اذا أحد
فيكم عنده محل وحاب ينفع الشباب يعرض عليهم هنا في هذا الموضوع ..
وايضاً للشباب اذا أحد فيكم عجبته الفكرة يعرض نفسه هنا بشرط يكون أول شهر
له مجاناً للتجربة حتى يقيّمك صاحب المحل و بناءاً على التقييم يتعامل معك ..
اتمنى نشوف حل ونكون يد وحدة ، والله يحز في خاطري كثرة الأجانب في البلد
فما بالكم اذا شفت السعودي متعاون معهم ويفضلهم على ابناء بلده !!
تكفون لا تقولون الشباب يبغون مكاتب وخرابيط هذي النوعيات ما نعرفها ولا نتشرف فيها
انتم اعطونا فرصة بس ..
|
العرض الشجري
