الله يوفقك
مشغل وحدات متنقلة
كنت اشتغل فيه اول نظام ساهر وقدمت استقالة منهم من كثرة المشاكل به
تركب احد سيارات ساهر
ويعطونك موقع تروح ترصد سبع ساعات
بس يجيك شي رمي رصاص حذف حصى وغيرها من هالاموار مايفكرون فيك
اهم شي سلامة الكاميرة جوا السيارة ام الموظف غيره الف موظف وموظف
على العموم صلي صلاة الاستخـارة وادعى ربي بان كان فيه خير لك ان تكون من نصيبك وان كان فيه شر لك ان يصرفه عنك
بالتوفيق مرة اخرى

بخصوص الراتب نسيت اتوقع يكون 4650 او 5000 _خصم التآمينات 300
واذا كان دوامك مسائي يعطونك بدل عشاء مدري بالضبط 400 او 500
يعني اذا كان راتبك ب4650 +خصم التامينات + اختيارك للشفت المسائي يوصل تقريبا لـ 5000 او اقل بمائتين
بس كل هالاموار بعد اجتيازك التدريب
تكون دوامك 6 ايام بعدها اذا نجحت بالتدريب تطبق بالرصد الرسمي لك
والمواقع تكون مختلفه مره يكون رصد مدة شهر بالشمال وشهر بالجنوب وشهر بالشرق وشهر بالغرب
ويمكن يخلونك شهرين بجهه بدون تغير والشهر الثالث يتغير الوضع وترصد بمكان بجهه اخرى
يعني الشوراع بالرياض اذا سلمك الله بتكون حفظه مع صحيح بتضيع شوي بس مع التعود تحفظه
ونظام الشفاتات عندهم
3 شفتات بعد صلاة الفجر مباشرة
وتقريبا الشفت الثاني 4 العصر
والشفت الاخير يبدا من 12 ضباح حتى الساعة السادسة صباحا
والله اعلم كان تغير شي عندهم او لا