والي عنده مشروع ويبي بوكلين يرسلني ع الخاص

السلام عليكم اخوي الله يرزقك من واسع فضله شغل القلابي تريله من تجربه لي اقل شي بيطلع لك 750 يعني صافي لك اقل شي 15000 بشهر اذا ربك وفقك لاكن اشتر السياره النظيفه وانا تحت إمرك اي استفسار

اولا الله يرزقك ويرزق من يقراء هالكلام ويرزق كل المسلمين ..


اتمنى ان تتقبل رأي ولك حرية الاختيار .. وحنا هنا امرنا على سعه والحمدلله لسا ماصار شي ..


بالنسبه للقلابيات مشروع حلو وناجح .. لكن بشروط

1- اذا مكلمينك ناس وقالوا لك نصنع لك قلابيات ونأجرها بعقد لمده 3 سنوات هذه اعتقد مشروع مريب واعتقد نصصصبه وفيه مشاكل كثيرة ولو تبحث بالنت راح تحصل ناس تحذر منهم ..
ولو قالك تعال ونستأجر الواحد ب 7000 ارفض وشيل الفكره من راسك

لكن لحظه انا ماابغى احطمك لكن بقولك استمر ولو حاب المشروع روح بنفسك لأي مصنع خاص بصناعه القلابيات ويكون مشهور وسمعته طيبه ولا ابغى اذكر اسماء مصانع لكن بأمكانك ان تبحث عن افضل مصنع
واذا صنعت اربع قلابيات وقفهم بمكان وقفل القلابيات واربط الكفرات بسلاسل وروح للشركات والافراد واعرض عليهم مشروع وراح ياخذونه بسعر السوق المعروف وهو 4000 بالكفرات و3500 بدون كفرات
وبعد سنه راح تستمر مابين 3000 الى 2500 وشغلك مايوقف واهم شي تشترط ان مايحمل حجر وانه من حقك ان تشيك عليهم عشان تتطمن وبرضوا لازم كفيل وشيكات ضمان بقيمة سعر الصناديق وجميع الاجراءات اللي تضمن فيها حقوقك

بالنسبه للقلابيات ماتحتاج اجراءات حكومية ولا سواق ولا قطع غيار مثل البوكلين وغيرها يعني ممكن بس كفرات

بالنسبه للبوكلين ماعندي خبره فيه .. لكن لاتحسب كم تعطيك الشركة اذا استاجرته

احسب كم سعر قطع غياره وكم راتب العامل ويحتاج اجراءات والبوكلين له مواصفات وكلام كبير




انصحك بحكم معرفتي بالسوق

اصنع اربعه واجرهم بحذر وحاول تأجرهم على ناس ثقه .. واذا صار الطلب قليل على الصناديق

راح تبيع صندوقين وتشري راس وتشغل واحد وتأجر واحد وتجمع لك كم قرش وتشري راس ثاني ويصير عندك عدد 2 قلابي بالروس وتقدر توقف اذا طحت ..


او اشتر لك راس تريله واصنع صندوق قلابي وجيب لك سواق واجره اقل شي 15 الف على اي شركة

وباقي الفلوس احفضها عشان تكتسب خبره وتعرف تتصرف فيهم بعدين

او لو قلنا معاك 300000 الف .. اصنع عدد 2 صندوق قلابي بسعر 140 الف

يبقى لك 160 الف تشري لك راس عليه الكلام ممكن 130 الف

يصير تأجر صندوق وتشتغل على صندوق براسه

يبقى لك 30 الف خلها معاك واذا عجبك ايجار الصناديق زيد عليها واصنع لك صندوق

والافضل انك ماتدخل دفعه وحده .. حاول تستشير وتهدي الوضع

وبالتوفيق

يزيد الروقي لي صافي 15 الف من ايجار التريلا وراتب السواقي علي او على الشركه ؟؟

ياليت تفيدني بخصوص راتب السواق من يدفعه انا او هم و15 الف بعد خصم راتب السواق او قبل

وبخصوص الصيانه على مين تكون انا او الشركه ؟؟

الله يوفق الجميع
شركة الزاهد مسويه عرض هاليومين بتقسيط المعدات بدفعه اولى 20 % من قيمة المعده والباقي اقساط من سنه الى 3 سنوات وووو الفوايد 4% سنويا
يا شباب الي يعرف شركه ممكن تستاجر مني معده يراسلني على الايميل drb-thkreen@hotmail.com
كل التوفيق للجميع

الي باله طويل راح يعين خير مشكلة الشركات ماتسلم مستحقاتها كل شهر .. شهر عمل وشهر مستخلص وانتظر حقك
الي بيعاني منها الي راتب العامل عليه وسكنه لان الفلوس ماراح تكون متوفره معاه بشكل دوري وخاصه اذا كانت الشركات من النوع الي يماطل 3 شهور و4 شهور