25-12-2012, 03:18 AM
|
 |
عضو نشيط
|
|
تاريخ التسجيل: Mar 2012
المشاركات: 191
معدل تقييم المستوى: 44992
|
|
بصراحة حلمك غريب عجيب لبى قلبك
يعني حلمك يكون عندك شركة وتوكني مديرة وعندك سكرتيرة وموظفات وسوق خاص وكذا :$
وماحلمتي في تخصص الشركة ومجالها !!
الاحلام تحقق اذا كانت مدروسة وفق امكانياتك لكن الاحلام بشكل عشوائي كذا ماراح تتجاوز عقلك الباطني
شوفي انا راح اطرح عليك اسئلة عشان يكون للحلم هدف ومايكون مجرد حلم يتلاشى مع الزمن ! - وش الطريقة اللي راح تتبعينها عشان تحصلين فكرة مشروعك ؟؟
- وش اللي تحبينه في حياتك ؟؟
- وش الاشياء اللي تهتمين لها ؟؟
- وش هواياتك ؟؟ ومهاراتك ؟؟
- وش الاشياء اللي تسمتعين بعملها ؟؟
- وش الشيء اللي تتابعينه او تعملينه يوميا وهو مفضل لك وماتملين منه ؟؟
- هل عندك طريقة تطورين بها شركة او محل او اي شيء من اللي حولك ؟؟
- وش الشيء اللي شوفتيه وتعتقدين انه ممكن يغير شيء في حياتك ؟؟
- وش الشيء اللي تحبينه وماتجدينه ؟؟
- وش رايك في السوق بشكل عام وهل هناك فجوة واضحة فيه ؟؟
- وش المنتج / الخدمة اللي تعتقدين انه راح يغير في حياتك بشكل كبير ؟؟
- هل عندك خبرة او مهارة تفيدك في شيء او تستخدمينها في شيء مفيد ؟؟ وماهي ؟؟
- وش المنتج / الخدمة اللي تعرفين عنها الشيء الكثير وماتحتاجين احد يعلمك فيها ؟؟
- عندك طريقة لعرض خدمة / منتج بشكل مختلف ؟؟
- تحبين التخصص في شيء معين ؟؟
- لو فرضنا معروض عليك كم هائل من الوظائف في مختلف المجالات والتخصصات ؟ ماهي الوظيفة اللي راح تختارينها ؟ وماهو المجال ؟ وماهو التخصص ؟؟
الاجابة عليها راح تعرفين وش المجال والتخصص اللي راح تبحثين عن افكار استثمارية للدخول فية
وراح تطلع لك افكار كثيرة وبعدين تنتقلين للمرحلة الثانية وهو دراسة الافكار ومدى قابليتها للتطبيق او جدوتها
وراح تنحذف افكار اللي مالها جدوى من التطبيق وتبقى لك كم فكرة لها جدوى من التطبيق والسوق محتاج لها
وبعدين تتم دراسة الافكار اللي لها جدوى وماطريقة المستخدمة للتطبيق الخ ..
حبيت اوضح لك شيء مهم جدا وهو هناك سبع مراحل يمر بها كل مشروع وهي :
- الفكرة المشروع .
- جمع المعلومات حول فكرة المشروع .
- خطة العمل المشروع .
- الاسم .
- جمع المال للمشروع .
- افتتاح المشروع .
- تسويق المشروع ( الدعاية والاعلان ) .
هذي تعتبر مراحل اولية للمشروع وهي ( المراحل القبل )
وهناك مراحل اخرى وهي ( المراحل البعد )
وهي التوسع في المشروع والاستمرارية الخ ..
وعالم التجارة عالم كبيير جدا جدا ولا يمكن حصرة في رد ولكن راح عطيك طريقة يمكن تفيدك
شفتي المراحل السبع هذي ليش ماتنضمين وقتك للتنقل بينها
مثلا حطي اسبوع تحصلين فكرة وشهر تجمعين المعلومات عن الفكرة
وشهر تحطين خطة العمل المناسبة واسبوع تحصلين الاسم المناسب
وشهرين تحاولين تدبرين راس مال المشروع واسبوعين للافتتاح وايضا شهر للدعاية والاعلان
يعني حاولي تتنقلين بين المراحل من اول مرحلة لين اخر مرحلة
بدون مايكون هناك تشتين فكري عليك
خلي فكرك ينصب حول المرحلة اللي انتي فيها يعني الحين لا تفكرين في راس مال المشروع
وكم يحتاج ولا شي فكري انك تحصلين فكره تناسبك وبعدين انتقلي للمرحلة الثانية وهكذا
اهم شي تخلي فكرك ينصب على المرحلة اللي انتي فيها وماتجاوزتيها .
هذا اللي اقدر افيدك فيه ولا عاد تحلمين مرا ثانية تسوين شركة وماتدرين وش تخصصها 
|
العرض العادي
