فكرة مقاهي ألعاب البلايستيشن وطختها ما عاد هي ناجحة كالسابق لأن البيوت الان مليانة بهالاجهزة ..

ربما السبب للذهاب الى هذي المقاهي هو الانترنت السريع لكن مع التطور الحاصل تقريبا كل البيوت سرعة النت فيها 4 ميجا وطالع لرخص اسعارها ..

أنصحك تفكر في تجارة يحتاجها الناس وليس لهم غنى عنها مثل المواد الغذائية.

والله ياخي الافكار كثيره بس انت شف وش ناقص المنطقه الي انت فيها

وعندي لك مشروع خفيف وبسيط وسهل ونشاء الله انه مربح ولا به خساره

*تسوى محل قهوه عربيه وجلسات يعني علوم رجال والله تلقى العالم عندك والشغله كلها محل وضبط به جلسات قديمه شوى تراثيه وكم دله وكم شاشة بلازما وكم ابريق شاي بأنواعه نفس محل قديمك نديمك ومايبي لك الا واحد يزبط لك القهوه والشاي بأنواعه علي حسب طلب الزبون وتمر ومع الوقت تطور وتشوف وش الي ينقص من خدمات توفرها داخل المحل *

دور حاجة الناس أين هي .. فثم المربح بإذن الله ...

أنصحك نصيحة مجرب , لا تبدأ باستئجار محل مكلف و يتطلب ديكور , راح يستنزف ميزانيتك من حيث لا تشعر و بالأخير ما يصفالك شيء لأنه أجار ... فتضطر تطلع من المحل بلا شيء ..

قبل أن تصرف من رأس مالك ريال واحد ..
انزل لسوق الخردة ناظر الناس كيف تبيع و كيف تشري , ثم انطلق لعمال المقاولات و ناظر شغلهم و كيف ماشية أمورهم و افرز أعمالهم , صل الفجر ثم رح يم حراج الخضار و تعرف على الشغل هناك و كيف تصرف الخضرة يوميا على الناس , صل العصر و بادر لحراج السيارات و شف الأخذ و العطى و السوم و الحد .... باختصار خذلك شهرين أو ثلاثة كل أسبوع خصصه لنشاط معين تدرسه و تتعلم مداخيله و مطاليعه و كم يكلفك و تشاهده أمامك على الواقع بعدها راح تعرف طريقك

و أنصحك إنك تحرص على المُلْك ثم المُلْك ثم المُلْك و احذر من الأجار تراه دمااااااااااااار

يعني لو تشتري مثلا دينا قلاب صغيرة , أو شيول بوب كات الصغير , أو كومة خردة و أثاث و أجهزة , أو سيارة مستعملة , أو غيرها من الأشياء راح تكون ملك لك , فلو خسرت فيها ستكون خسارتك محدودة و ستسترد أغلب رأس مالك .... مثلا السيارة المستعملة تطيح قيمتها ألفين ثلاثة و القلاب يطيح من قيمته خمسة أو أربعة آلاف ... يعني ما فيه خسارة فادحة , أغلب رأس مالك يرجع لك و تقدر تقوم من جديد ... عكس محل الأجار , تتكلف عليه ديكور و أثاث و كهرب و تعديلات ثم إذا ما نجح المشروع خسرت كل ما دفعته و سلمت المحل لصاحبه ...

و الله يوفقك و ييسر أمرك ,,

اسمع يالغالي
ظهرة لبن حي جديد اتوقع ... وفيه ناس قاعدة تبني

يعني افتح لك محل( ديكورات .. ورق حائط )

كنت كآتب مشروعي وسبقني فيههَ ، العضو : بفضل الله مبدع .. :D

وعندي لك مشروع ثآني ، محل بيع وشراء مستعمل .. باذن الله مشروع 50% مافيه خسارة ومايكلف وآجد.. ( والله الله بالموقع )

وسلآمتكك ،

أولا اشكر كل من ساهم من كل قلبي

وفي انتشار المزيد

باختصار شديد ابحث عن فكرة مشروع تناسبك ولا تبحث عن فكرة مشروع تناسب راس مالك

انت الان تبحث برأس مالك والاخوان طرحوا لك مشاريع تناسب راس مالك وايضا مربحة

وفي اخر رد لك تنتظر المزيد من الافكار !!!!!!!!!!!!!!!!!!!!!!!!!

لانك في نفسك تقول لا خليني انتظر وادور مشروع ثاني هل تعرف السبب هذا الشيء ؟؟

لان نفسك ماهي راغبة المشاريع المطروحة لك ومتردد وماتدري وش تختار

واقولها لك بالفم المليان مادمت متردد وماتدري وش تبغى نسبة فشلك راح توصل 80 %

حتى لو كان اخترت مشروع نسبة ربحة منه تفوق 500 %

لانك مانت عارف وش تبغى بالضبط نصيحه لك لا تضيع راس مالك وحاول ترتب اوراقك

و (توجد) المشروع المناسب لك بدل من البحث عن مشروع ( مربح ) لا يناسبك

كتبت رد لي في احد الموضوع ذا

https://www.btalah.com/t479561-2.html

اخر رد يمكن يفيدك الرد في ايجاد طريقة للوصول لفكرة مشروع تناسبك ومحببه لك

تستطيع المواصله فيها والتوسع بها في حال نجاحها

احترامي

افتح لك مكتب تقسيط اجهزة

حرف جر شكرًا لمرورك ولاكن أنا احب الأجهزة والمقوى ولاكن أدور مشروع قريبة منها لعل احد يذكر فكرة احبها فأفكار وأزيد علي الفكرة ولربح


وفي النهاية أشكرك لمرورك

الزلمة الفكرة ذي متخوف منها

طيب افتح مغسلة ملايس او بقالة او بوفيه او محل اللي يبيعون فيه الصابون والكولركس يعني محل حق اغراض الغسيل او محل مواد بناء