08-05-2008, 10:47 AM
|
عضو مميز
|
|
تاريخ التسجيل: Jan 2008
المشاركات: 1,082
معدل تقييم المستوى: 5332
|
|
|
فصلوني بسبب ؟؟؟
أذكر لكم قصتي مع شركة كونتراكت كنت ماخذ دوره عندهم سنه وأرسلوني على شركه متعاقده معهم بالبدايه سوو لي مقابله شخصيه و الحمدلله أجتزتها وقالو لي من السبت تداوم رحت السبت وكان الدوام بالاداره وبس .. بالبدايه صارو يرسلوني برى مشاوير خاصه بالشركه روح ود روح جيب ؟؟!! قلت مشها ولاتقعد الأمور صرت أقضي مشاويرهم على سيارتي !! برضو مشيييييييييييييها
الشاهد .. كان المدير الي علي بالمكتب فلبيني أول أسبوع ماشاء الله تمام
ثاني أسبوع تغير 180درجه قام يصرخ ويرفع صوته !!! ويقول أنت ماعندك مخ ؟؟!! وأذا مو عاجبك أطلع برى 
( أصلا حتى لو واحد مايفهم ماتقول له كذا !!!)
قلت تحمل هذي ضروف العمل ولازم الواحد يصير عنده صبر ومن هالكلام
المشكله ماكملت أسبوعين ويبيني أعرف كل شي  قتله step by step أنا ماكملت أسبوعين لو صار لي 5 شهور حاسبني بس انا بقراطيسي 
صار يصرخ ويسب أقسم بالله اني ماكذبت بشي .. بالأخير أتفاجأ
الصبح وانا توي مداوم يقول لي روح للمدير العام ....!!
يوم رحت قال: لي حنا ندري أنك توك جديد ويبغالك وقت عشان تتعلم لكن علينا
ضغط بالعمل (ومافينا نصبر نعلمك)<<<< زلامه عنده جنسيه كندية
قلت طيب عطني فرصه قال مافيني ساعدك أكتر من هيييك<<< تذكرت باب الحاره
(( يوم أنكم عليكم ضغط وماعندكم وقت ليه قبلتوني من البداية؟؟))
قتله طيب مشكور وماقصرت بس بسلم على زميل لي واحد سعودي ماقصر الله يذكره بالخير علمني على بعض الشغلات
وعلى فكره الفلبيني هو الي قال له ما أبيه أبي واحد فلبيني والله أني ماكذبت
المشكله الفلبيني من النوع الي .................... ماني بقايل تشوف وجهه
والله وووووودك تلحقه بزنوبه .. لاكن قدر الله وماشاء فعل وصارت مواقف
كثييييييييييير بس لأختصار الموضوع أكتفي بالي كتبتة.. والله فوق كل ظالم
لاكن حسبي الله ونعم والوكيل فيه
اللهم أجعل الحياة زيادةً لنا في كل خير
وأجعل الموت راحةً لنا من كل شر
التعديل الأخير تم بواسطة qqq ; 08-05-2008 الساعة 11:06 AM
|
العرض الشجري
