الي يبى يكمل دراسته وياخذ بكالوريوس

ويش يسوووي

أنا تخصص تقنية معمارية

صراحة شكل الدعوة على قول المثال الدارج
(( بل شهادتك وشرب مويتها ))
ولاني محصل بها وظيفة مدنية كل مابحثت ماحصل الا شركات أهلية

وطالبين خبرة لاتقل عن سنتين والبعض منهم يخربونها معك ويطلبون لغة

ولا أستريح مافيه أمل نكملها ونتوجه لـ العسكرية من الحين

يجى من يفيدك

موفق ياارب

لاتروح العسكرية نصيحة.انت عندك.شهادة وتخصص حرام تدفنها في العسكرية

لكن وانا اخوك سو مثل ماسويت انا... واعوذ بالله من كلمة انا بديت ب1500قبل 7 سنوات والان وصلت فوق العشرة

تنازل عن الراتب لأجل الخبرة واذا صار عندك خبرة دور شركة ثانية براتب اعلى

هو التعب اول سنتين او ثلاث بعدها.

على قولة المثل شقى ساعة ولا كل ساعة

فيه دورات اوتوكاد سوي تحديث للي اخذته وشوف لو في إصدار جديد تعلمه

والله حرام تدخل عسكرية

اخوي انت من اي مدينة

من الطائف أنا

وووين دورات الاوتكاد
على أني مااحتاج دورة فقط تذكير باالأومر الي نسيتها

والامور تمشي

تحيه طيبه لك
انت انسان متزن وواعي دام انك تسال عن وضعك
وتطلب من اهل الرائ والمشوره والخبره الفايده
ولك بعدها حرية الاختيار

ياعزيزي اذا انت مستعجل ع وضعك وانسان محتاج للماده المال يعني
وبتتزوج بدري وتبغ امان وظيفي ومرتب محترم يزيد سنوياً
وتعرف سلمك الوظيفي وترقياتك
فالعسكريه الان ضمان وظيفي سريع
وحل سهل للي مثل حالتك
دور ع قطاع عسكري كويس وتوكل ع ربك ولا تشاور
صح فيها تعب في بداية المشوار ومابعد المشوار تعب قليل
لكن لها مكانتها ووزنها وتعرف راسك من رجولك فيها
وتقاعدها ممتاز على ١٨ سنه اذا كرهتها
واي مكرمات ملكيه او تجاوزات تطري اذا تشافي احد او مات احد
يلحقك منها شي مسجل في كرت العايله حق الحكومه يعني

ليش قلت لك العسكريه افضل من القطاع الخاص حالياً
لن رواتبهم تعدلت للافضل
وترقياتهم اصبحت افضل
ودوامهم ترتيب واجازاتهم ورخصهم كثر الحصى

اما القطاع الخاص
فهو حق واحد طويل بال ويعشق العمل
يعطيك راتب مايعيشك شهر ويطلب منك عمل شاق
وتصبر ع نفسك مثل مايقول قنصل من ثمان الي عشر سنوات
اما مسالة خبره اقل منها لا تحلم وانت دبلوم
مو تحطيم بس هذا الواقع

او انك تبحث عن شركه قطاع خاص لها وزنها وثقلها في السوق
مثل ارامكوا وسابك والقطاعات الخاصه القويه
لنها تقدر الموظف وتحترمه وتطوره وغالباً يلزمك واسطه اذا معدلك منبطح

واللي احسن من العسكريه ومن الخاص
انك تواصل تعليم وتشد حيلك بمعدل ممتاز
وتطلع بعدها تتشرط ع الخاص
والحكومي يقول لك حياك

الله يوفقك يارب ويرزقك من فضله

واللهي ياخوي عقرب رايك ممتاز وناخذه بعين الاعتبار

والعسكرية ناويها إذا عريف فما فوووق

والشركات الخاصة حسب ماسمعت تختلف من شركة إلى شركة

ولا يمكن أخذ براي قنصل وأخذ لي دورة في الاوتوكاد منها أتذكر الي درسته
ومنها أتعلم اشياء جديدة وأفتح لي مكتب

اخوي في معهد في جدة في مركز الجمجوم يقدم دورات اوتوكاد

الله يكتب لك الي فيه الخير

الله يوفقك