يازين عنوان موضوعك وازين منه موضوعك بنفسه

خذها مني وانا تعلمتها من الحياه ... صديق صادقته من خلال دراسه تنتهي العلاقه بإنتهاء الدراسه صديق صادقته
لمصلحه تنتهي بمنتهى المصلحه وصديق صادقته لله تدوم بإذن الله . وترى اغلب صداقات الناس واخوياهم على قولتهم رابطها ضعيف هدفها التسليه وقضاء اوقات الفراغ يعني بالعربي تقطيع الوقت . والمواقف هي المحك .
الدليل شوف لما تتكلم عن الصديق الوفي تلقى الكثير يأيدك بان هذا الزمن مافيه صديق وفي . تدري ليه ؟ لانه يحس بان صداقاته اللى مكونها حوله كلها سطحيه وهشه . فالصديق هو اللى خوته تعزك مو اللى تقزر الوقت معه . انا لي بعض الاصدقاء اللى كونت صداقه معهم ممكن بعد كم شهر اقابله مره واحد اما يسير علي
والا اسير عليه ولا نلتقى الا فترات بسيطه لكن سبب هذه الصداقات هي مواقف وفترات من الحياه تجعلني اتمسك بمثل هؤلاء واعرف انهم راس مال عند الحاجات . احس اني طولتها وهي قصيره بس صراحه هالموضوع جميل .. وعلى كل حال ياخوي اشغل وقتك باللى ينفعك بدال ماتبحث عن رضا الناس لتكسب صداقاتهم . والله يرزقك برفقه الصالحين

سجل معي في وقت اللياقة وتصير خويي واعطيك دورة بالألتيما واخليك تشغلها بدون مفتاح

حياك الله اخوي دجة صديق عزيز اتشرف بك والله

حاليا انا اتعشى في مطعم الفيروز التركي

ترى العشا والم والله يحييك

وبالنسبة للصورة تراك سارقها مني

طلعت ولد وانا علي بالي انك بنت


الحل كمل نص دينك

المال والبنون زينة الحياة الدنيا

تعال جدة خذ عمرة وامشيك في جدة بس انت عطني جوك عشان اعرف وين اوديك

ان كان تبي معارض تشاليح حراجات اقسام شرطة توقيف تفحيط اللي تبيه انا تحت امرك

بس وانا اخوك ترى كثرة الاصحاب والله مشكلة كل شوي ناقز لك واحد على الجوال وان مارديت نقز لك ع الواتس والتويتر الين ترد

احيان يكون جوي رومنسي واصرف بناتي واطلع انا وزوجتي شوي الا واحد طامر لي يبي يلعب بلوت ويبيني اجي وانا والله ما احب البلوت بس يقولي تعال وانا اعلمك

والا الثاني يبي يشتري سيارة والثالث يبي يشطب شقته

احيان يطرأ ظرف طاريء جدا وقاسي على اعز اصحابك ومايلقى الا انت وصعب تتركه مهمت كان ضرفك


اعز اصدقائي صار عليه حادث بعد زواجي بيوم واضطريت إني اعطيه سيارتي حتى ما امداني اغسلها وافك الزركشة حق العرسان والورد اعطيته زي ماهي

مهما كان عدد اصدقائك لديك واجبات وعلبك حقوق


بالنسبة للصورة كويس انك مالطشت صورتي الحقيقية

الله يرزقك بالصحبة الصالحة

وبالنسبة للروتين تقدر تغير

رح المكتبة اقرا كتب

فالكتاب خير صديق

او تروح نوادي او تحضر محاضرات ومنها تتعرف على اصدقاء

لا صديق الا ابي ثم زوجي ثم زوجي ثم زوجي ثم عيالنا فقط فقط فقط ثم زوجي ثم زوجي ثم زوجي إن شاء الله والمتبقين زميلات فقط

الله يعينك دجه والله حاسه فيك لو الصديق ينشرى كان عبيت حياتي

اصدقاء بس وين الي بيعينك ويوقف معك ما بيقلب عليك ويغدرك ؟؟؟؟

احس صارو نادرين بالوجود يصعب العثور عليهم !!!!!