السلام عليكم ورحمة الله وبركاته

كيفكم يابنات وشو أخباركم

حبايبي حبيت أخذ رأيكم

فيه 2تقدموا لي واخطبوني أوك

الأول من أهلي وأنا مارضيت حسيت أني ماارتحت نفسيا ...وحسيت أنه طمعان في اللي

عندي...والله يبعدني عن كل انسان طماع..

والثاني أخو مدرسة مع أختي ماشاء الله من عائلة طيبة وغني أوك بس شرطه أني مااتوظف

وأنا مستقبلي أهم من العرس ...حلمي الوظيفة وبعدها الله يكتب اللي به الخير...

والله يابنات ماعلي قاصر الحمدلله وبابا أي شي أبيه مايردني حتى يوم سافرت لبنات خالتي

في الأمارت ماقصرمعي غير اللي عطاني حول لي بحسابي..والله يطول بعمره ويخليه لنا..

وأخاف ارتبط بواحد مايعاملني مثل معاملة أبوي ويخليني بكيفي وبراحتي...

دعواتكم يابنات لي بالتوفيق والوظيفة وراحة البال...

لاتتزوجين احد
الاول طماع في اللي عندك وما ارتحتي له نفسيا انا اشك انه طمعان في حافز

الثاني مايبغاك تتوظفين

وهذي كلها عيوب مالها حل

اكرشيهم هذولي سعوديين روحي تزوجي من الامارات ازين لك


اختي ترين الفرصة ماتجي الا مرة.وحدة وصدقيني بيجي يوم تبكين ندم على العرسان اللي ضيعتيهم

كونك ما ارتحتي للاول نفسيا هذا مو عيبه

انا لما خطبت ماكانت زوجتي ترتاح لي لكن بعد الملكة تغير كل شي

الاول ما اشوف فيه مشكلة واضحة بالعكس انتي قاعدة تتبلينه

والثاني اعطاك اياها من بدري

اصلا المفروض ماتنزلين موضوعك هذا لأنه

لأنك طرحتي مشكلة وطرحتي حلها

قنصل ما شاء الله عليك ابدعت البنت الحين بتحرم

تنزل موضوع والسبه انت ههههههههههههه عليك نصايح

تخريبية الحمد لله انك مو فاتح مكتب استشارات اسريه

ولا نص العالم يا عزابيه يا مطلقين بسبتك ههههههه

اقوولك اختي ( ما خاب من استخار ) انا اشوف الاول مناسب

لانه ما بيحرمك من الوظيفة وما ادري شلون عرفتي انه طمعان!!!!!

وانتم لسه على البر حتى شوفه ما شفتيه حكمتي عليه بسرعه

وبالنسبة لفلوسك بحسابك وما يقدر ابد ياخذ شي منك بالقوة

فما حسيت انه هناك قصة طمع اتوقع انتي حساسه حبتين

موفقه اختي والله يختار لك الصالح

اختي وسن سالم افضل حل انها تنتظر الاول لين يخلص حافز وبعدين تشوف رده

اما الثاني بحكم كلامها الافضل انها تصرف نظر عنه

الله يكتب لك الي فيه الخير

وانتي فعلا كتبتي المشكلة وحلها اذا من الاول مو مرتاحة خلاص الزواج اصلا قبول ورضا

استخيري والله يوفقك ..

الحين هي تستلم حافز والخطيب الاول ما جا يخطبها إلا

لمن انقبلت بحافز اذا كذا القصه فالاولى ترفضه رفضآ

قاطعآ بس هي ما وضحت قصتها غامضه والثاني قال

لا تتوضفي لان حافز بعد يصرف لها الله يعينها الحين

ما حلالهم الخطاب يجون غير لمن صارت تستلم حافز!!!!!

لو بدالهآآآآآآآ رفضتهم كلهم لانهم طماعيييييييييييين

ملاحظه : ما كنت اعرف بقصة حافز المحبوب

اخي قنصل ترا كنت امزح معك لا تزعل

نسيت اقولك لا تنسين تاخذين إماراتي احسن لك منهم الاثنين


قنصل البطالة

روح لجيزان وروسيا وخلك من علومنا ..

السلام عليكم ورحمة الله وبركاته

اعرفي انه الراحة النفسية أو الانطباع الأول هذا اهم شيء وله دور كبير في تحديد قراراتك وان كنتي بتردد استخيري ربنا مافيه افضل منه بهالشيء هو عارفنا مين الطيب من الخبيث .,

بخصوص نقطة انه مايبيك تتوظفين انا اتفق معك انه الوحدة مادرست وتعبت لاجل تقعد في بيتها بالعكس هي تبي تكون ذاتها وحياتها تبي تشوف ثمرة تعبها

وفيه نقطة حابة أعلق عليهاتأكدي انه البنت اذا تزوجت طبيعي حياتها بتختلف عن حياتها مع اهلها يعني لزاما تتكيفي مع زوجك وتقدمي تنازلات وهو كذلك يقدم تنازلات لاجل تكون الحياة الزوجية مابين اي شريكين على اساس متفاهم مستقر .,

انتي حاولي انك توصلي له انه الوظيفة برضو مهمة بالنسبة ليا ومقدر اتنازل عنها .,

انا ممكن بصراحة اعذر الرجال اذا شرطوا هالشرط في حال كان هالرجل وظيفته عسكرية , غيرها يفتح الله

وهذا رأيي وبرضو استخيري الرب ياقلبي وهو بيدلك على الطريق الصحيح ومااخاب من استشار رب البشر

والله يوفقك ويسعدك ويرزقك بولد الحلال اللي يعينك في دينك ودنياك