على الله عبدالله - نخيل لا تنحني - المعطلة - احلام متواضعة
الله يوفقكم ويرزقكم سعادة الدارين



سعودية كفو
للأسف بالتسبة للغير تعليميات مافيه تاريخ محدد للمفاضلات
والإحتياج هو اللي يحدد التخصصات المطلوبة وهالمعلومات سرية عند الوزارة


فالأفضل مراجعة المقر الرئيسي بالرياض وبالتحديد قسم الاحتياج والإعلان تكون عندهم جميع الأرقام الوظيفة


الله يوفق الجميع

الله يجزاك خير اختي مافهمت وش السالفه ؟؟ !! الحين انتي تخرجتي من الكليه وبعدين قدمتي أوراقك للخدمه المدنيه من غير إعلان وظائف ؟ وبعد مانزلت الوظايف كنت مرشحه مبدئي للوظيفه الاداريه ؟؟ والله مافهمت خواتي فهموني .. يعني أروح الحين أقدم ملفي عند الخدمه ومتى ماتوفرت الوظيفه يتصلوا علي

نجلاء سعود

التقديم للوظائف الإدارية بوزارة الخدمة عن طريق موقع جدارة وتأكدي بين فترة والثانية إن ملفك مكتمل حتى تدخلي بالمفاضلة متى ما سحبت البيانات
ومتى ما صارت المفاضلة يستدعوا المتقدمات للمطابقة وبموضوعي كل الخطوات بعد المطابقة


بعض الوزارات والمؤسسات الحكومية يكون التقديم عن طريق موقعها مباشرة فتابعي قسم الوظائف المدنية بالمنتدى ممكن تتوظفي أسرع لأن انتظار وزارة الخدمة ممكن يطول وخصوصا للاداريات


الله يوفقك

الحمد لله تم الترشيح

موضوعك راح يفيدنا كثير

جزاك الله خير

الله يوفقك أخت راجية ويسعدك يارب
ويرفعلك في اعلى المراتب في الدنيا والآخرة

جامعية عاطلة
وإياك يارب
ألف مبروك والله يوفقك



نسايم القصيم
الله يسعدك ويجزاك خير


حقل الياسمين
اللهم آمين
وإياك يارب

[align=right]إجابات لبعض الاستفسارات


*الوظائف الإدارية عالمرتبة السادسة الدرجة الأولى صافي الراتب اللي ينزل بالصراف 6219 ريال
وبعض الوزارات عندهم بدلات إضافية

والوظائف الصحية
خريجات العلوم الطبية المستوى الأول الدرجة الثانية صافي الراتب مع بدل الندرة 9843 وبدون بدل الندرة 8987
وباقي الأخصائيات المستوى الأول الدرجة الأولى 8614

* الرغبات الـ3 بنموذج التوظيف مجرد كلام على ورق لأن مقر الترشيح محدد ووقعنا إقرار الترشيح قبل استلامنا للنماذج فما راح تكون هناك أي مشكلة باللي تكتبيه ولا راح تغير مقر التعيين
بالنسبة لي كررت رغباتي المكانية 3 مرات لأنهم رشحوني على رغبتي الأولى والوزارة كتبت وزارة الصحة والباقي فاضي



* بطاقة التصنيف مطلوبة للأخصائيات أو الوظائف الصحية فقط

* الطلبات تختلف من فرع للثاني بعض الفروع طلبوا حتى شهادة الثانوي

* الصور الشخصية غير مطلوبة للنساء سواء بالكشف أو نموذج التوظيف

* المقابلة مجرد روتين وبإذن الله مافيها استبعاد إلا لحالات معينة

* المباشرة تكون حسب متابعتك لمعاملتك وسيرها بين الوزارات والغالب من إسبوعين إلى شهر




الله يوفق الجميع ويعطيهم خير الوظيفة ويكفيهم شرها[/align]

الله يوفقك ياراجية ويسعدك دنيا واخرة كفيتي ووفيتي الف شكر من كل قلبي حاوبتي على كل اللي في بالي بس سؤال يمديني اطلب من الخدمة رقم وظيفي شاغر في المنطقة اللي ابغاها والا لازم اباشر في المكان اللي تعينت فيه والف شكر مرة ثانية

طيب كمان سؤال ثاني ايش هي الوزارات اللي عندهم بدلات