ياختي الزواج نصيب من الله شوفيني قدامك والله الذي لا اله الا هو ان الي شرط الوظيفه هو ابوي

ايه ابوي مو انا الي شرط قالي انا رجال واعرف مزاج الرجال وعشت بينهم وشفت تفكيرهم اذا هم رجال

زينا زي زمان وربي بيحطك بالعين اما شباب الايام ذي اشباااه رجال للاسف تلاقينه داج برا

ياختي انا اختي كانت متزوجه شخص امام مسجد تعرفي وش يعني امام مسجد يعني حافظ كتاب الله
ويام بالمصلين وبالاخير طلع لعاب حق بنات وحق خراب

هذا لمن تكتشفيه بعدين وش الحل معه ؟ مراح تسوي شي بترضين بالي الله كاتبه بس بالجنب الثاني

تكوني ضمنتي مستقبلك الي هو شرط الوظيفه وخليه يخيس في خياسه عالاقل تصرفين على عمرك وعلى عيالك

لعلمك الي يقلك الزوج والزوج والزوج هذا واثق بنفسه بس هل يثق بغيره ؟ هل يثق باي شخص يتقدم لاخته ؟

شوفي حلقات داود الشريان شوفي قصة ام يوسف الي للحظه ذي ماحد نفعها

واسمعيها تقول الناس تجمع شهادات وانا اجمع معانات

انا كنت مثلك اقول الوظيفه مو مهم بس شفت ابوي صاااااااااارم عالشي ذا واي خاطب يجي
يقلهم الوظيفه قبل كل شي حتى لو تتزوجها ببلاش شرطي تتوظف منها تتساعدون ومنها اظمن بنتي انها ماتتمرمط بعدين لنا جاره كسرت خاطري تقول تزوجت شخص وجلست معاه اربعين سنه وهو طلع عقيم
بس رضيت فيه وبعد مامرت الاربعين سنه تقول طعني في ظهري طلقها << بعد ماوثق انها وصلت لسن الياس ماتنجب عيال طلقها وتزوج غيرها وهي الحين تزوجت شخص عنده ولد سبحان الله الله عوضها بولد زوجها قلت لها تقدري تنجبي الحين قالت لا خلااص وصلت لسن الياس بس كسرت خاطري تقول طعني بظهري حتى العشره هانت عنده

اسفه طووولت عليك بس مافيها شي لو ظمنت الوحده حقها وظيفه وبس

اختي امل جده ::

والله ما ادرى وش ارد عليك ..

أغلب البنات الي ردو كانت ردودهم (( مافي ثقه بالرجال )) حتى عابر يقول نفس الكلام وهو رجل

فا بصراحة كيف البنات وآباء البنات يقبلون يزوجون بناتهم من سعودين اذا نظرتنا فيهم كذا ..؟؟

اي إنسان بكامل قووتة العقليه مايتزوج من شخص (( وثقته فيه معدوومة )) يعني عارفين انه كلها يومين وقلب علي وزهق مني والي اخررة على قولة اخونا عابر (( كل يوم له مزااج ))

وزي ماذكرتي امل جده بعد اربعين سنة طلقهاا .. بصراحة انا اقف حائرة امام هذه القصص والكلام ..

لاني ما اقدر اعمم ان الزواج بهذا الشكل ..

وبصراحة اي بنت تنظر للرجل بهذه النظرة او تنظر للزواج من بدايتة انه سوف يفشل >> صدقيني راح يفشل ..

والي تتزوج وتشعر الرجل انها لا تثق فيه (( والاهم المال )) هو راح يسوي فيها نفس الشئ وبيكرها وبيطلقها ويدور غيرها ..

مدرى هذه الفكرة غلط وعجزت اقتنع بالكلام الي انكتب لانه نهايتها خراب بيوت..

فأجد عشان اعيش حياه سعيدة لازم اعطي هذا الشخص الثقه وبنفس الوقت اشعرة باهميتة عندي بأنه اهم من المال عشان اكون مهمه عنده ولازم اخليه يخلي البيت بأسمي عشان يضمن لي مستقبلي لاحد يقولى مستحيل رجل يسوي كذا الا بيسوي اذا وثق فيك وقدرتي تخلينة يكون سند لك وتخلينة يتحمل مسؤليتك .. وحتى الرجال لازم يثق بزوجتة ..

الله يوفق الجميع .. والله يهني فريد بفريدة ....

وسررت بردودكم واحترم جميع وجهات النظر فأكيد كل واحد تكلم من واقع تجربة وليس من فراغ ..

ماشاء الله ع أمل جده كفت ووفت
وصدق اللي ضامن نفسه كيف يضمن غيره
الزمن صار يخوف وبعض الرجال تغيرو
مع احترامي للبعض الآخر

اممممم شوفوا المسألة متداخلة بس ترا الحين الأزواج يحرصون

ان زوجاتهم يتوظفون مو طمع لا لكن كلنا نشوف الدنيا والغلا اللي صاير

والأقساط اللي تكسر الظهر الله يرزق الجميع ويوفي عنهم بصراحة بعض الأزواج

يحرص لانه يخاف من أمور الدنيا ومو ضامن عمره فيسعى عشان ماحد يمن ع عياله من بعده بشيء

وأغلب الشباب يحرص يأمن بيت عشان يضف عياله من بعده بصراحة الوظيفة صارت ضرورية

صحيح ماراح نموت جوع بلاها بس راح نفرج لأنفسنا ولبيوتنا في أوقات كثير وراح نتساعد مع بعض ونكون مستقبل

حلوو لعيالنا مو مسألة عدم الثقة لا بالعكس الثقة موجودة ولله الحمد والله يديمها ويجعل الطرفين قدها

المسألة ان الحياة صعبة والتعاون مطلوب بس موتسلم الزوجة أمرها كله بيد زوجها أو العكس لاإفراط ولا تفريط

هذا غير أن الوظيفة مكان أطلع فيه طاقتي وموهبتي اللي الله ميزني بها عن غيري ومن خلالها أقدر أسوي كثير من أوجه الخير وسلامتكم .

حلمي التدريس :

بارك الله فيك كلامك منطقي وعقلاني ..

بس الوظيفة صعبه على الحرمة بقول مبرراتي ومدرى اذا انتو تشوفون مثلي او لاا ..

يعني الرجل يشتغل بس اذا جى للبيت ارتاح ونام يعني زوجتة مزينة بيتة وملبسة عيالة ومزينة طبخة هذا غير انها تدارى فيه وتطبطب عليه حتى لو زوجتة ماسوت كل شئ يعني في شغالة تكمل الناقصص عن الزوجة كالتنظيف وغيرة ,,

بس الزوجة مهما كان يعني تقعد تداري زوجها وعيالها طول الوقت ..

لكن الحرمة اذا جت من الشغل تجي من شغل وتبدا بشغل ثاني ( تشوف الاولاد والزوج ماراح تخلص منه لوقصرت فيه والبيت والي اخرة ) هذا شئ مرهق ..

رقم 2/ غير ان صعبه نخلي عيالنا عند الشغاله واطلع كل طاقاتي في العمل ولمى اجي يكون زوجي واولادي يبوني تكون طاقاتي كلها مهدرة واعطيهم الشئ القليل ويمكن ما اعطيهم شئ .

لان صاحب شغلتين كذابب ماحد يقدر يوفق بين الف شغله بوقت واحد ..

مدرى توافقوني او لا .. بس انا كذا اشوف غير ان الاولاد صعبه ينرمون عند الشغلات ..

يا صاحبات العمل كيف ماشاء الله تقدرون توفقون بين عملك وبيتك ..؟؟؟