صباح الخير أخت طيور .. الوظيفة ضمااااااااان .. حنا مادرسنا وتعبنا وسهرنا الليالي وحصلنا أعلى الشهادات عشان نحطها تحت المخده .. ولو كل وحده قالت في بيت أبوي الابو هو اللي يصرف وإذا تزوجت الزوج اللي بيصرف بعد .. كان ماشفتي ولا وحده مكمله دراستها ولا تبحث عن وظيفة .. وتمسك البنت في الوظيفة مو عن حاجتها للفلوس لا .. يمكن خوف من المستقبل لأنه ماأحد يضمن وش بيصير يمكن تتطلق ويمكن ويمكن .... يعطيك العافية على موضوعك الشيق .. بكذا بنشوف كل بنت ليه تبي تتمسك بالوظيفة ..

بأختصار

حب المال طغى على حب الزوج وحب الابناء وحب الحياه الزوجيه

الحياه ليست وظيفه ومال

الحياه اسمى من ذالك بكثيييييييير

بروسيوس الله يشفيك وش الي حب المال استغفر الله بس

اختي بعطيك قصتين وانتي احكمي منها

لي قريبه ماهمتها الوظيفه وبعد ماتزوجت وخلفة طفل زوجها تغير ترك وظيفته وتركها وصار داج مع انه بالبدايه كان حبيب

وش تتوقعين سوت والله الذي لا اله الا هو انه حتى فلوس الحليب حقة ولدها تطلبه من خالاتي

وقدمت بالديوان وجاها تعيين سبجان الله العظيم وراحت للتعيين وزوجها يوم عرف انها تعينت رجع لها << طمعه في المال وليس هي هي تبي تصرف على ولدها

والحين ماشي معاها زي الخاتم امحق رجال صاروا شبه رجال

والقصه الثانيه لاختي تطلقت وعندها اطفال تعولهم وكان رافض انها تتوظف والحين تشتغل بقطاع خاص وتعول اطفالها

انا الي ابي اوضحه لك
المستقبل ترا الرجال وربي كل فتره لهم مزاج لبغاك صانك فتره واذا مل شات الوحده

وش الي يضمن حقك الوظيفه ياكم بنت اعرفها متوظفه وتحمد ربها انها شرطت عليه والى كان صار شي ثاني

الوظيفه الوظيفه الوظيفه قبل كل شي والي مايعجبه مو لازم الزواج مو كل شي يعني لو ماتزوجت الوحده بتخش النار ؟

ولعلمك وربي اني لمن ملكة ابوي الي شرط الوظيفه وقالي غصبن عنك وعنه ذا الشرط والي مايعجبه مو لازم يتزوجك

لان ذا مستقبلك انتي ماتدري بكره وش يصير

بقولك نصيحه لوجه الله >> ماحد ينفعك غير فلوسك <<

أترك عنك الشعارآت والكلام الى لآ يسمن ولآ يغني عن جوع ..

أذ البنت كانت لديها شهاده جامعيه من حقها تطالب وضع الشرط بعقد نكاحها بأن الزوج لآ يمنعها من العمل

مثلآ الوالد شرط على أرحامي متزوجين من أخواتي بأن لآ يمنعها من العمل ..أخوي الكبير لما تزوج

نفس الشئ شرط عليه أبو البنت هذا الشرط ...ولكل شخص له الخيار فيه ناس تبى كذا مرحب

ما تبى شوف أي بنت تناسب متطالباتك وشروطك

عندنا واحد بنفس الحي ومن نفس القبيله ...لما جاى تعين زوجته الدفعه الجديده رفض ...وشوفيها المسكينها الحين معيشها بذل ..وكل شوي يخطب عند فلان وعلان وماحد زوجه

وقصة وحده من الآعضاء هنا بلمنتدي تقطع القلب الله يعينها ويوفق أمها ...تقول أن أبوها معلق أمها 18 سنه ومتزوج من وحده ثانيه وتاركهم >> الله يهديه بس والله هذا الظلم بعينه

وفي الآخير الـــــــــــــــف شكر ع الطرح أختي طيور

انا اشوف انها تخلف انها تترك زواجها من اجل وظيفه ..

[align=center]
فيه حالتين
إذا جاء نصيبها وهي في الأصل موظفه وطلب منها ترك الوظيفة في هذه الحاله حرام عليه وعليها والله حرامم الناس ماهي لآقيه وظيفة وهذا يقول أرفسيها شيء ما يدخل العقل
أما إذا كانت غير موظفة وجاء نصيبها وشر ط عليها مافي وظيفة فهاذي ما عندها شيء تخسره توافق ومع الأيام يلين راسه .
يا أخواني أنا من جد أتعجب تعجب كبير
كيف يشرط الزوج من زوجته المستقبلية ترك وظيفتها يعني بالله ضآمن حياته !؟؟؟؟؟؟؟؟؟؟؟؟؟؟؟؟؟؟
يعني بالله عادي عنده تمد يدها للغريب والقريب بعد وفاته !! أو حتى لو عايش يكون لا قدر الله عاجز بحادث سيارة أو غيره ...ياليت ياليت ياليت نفكر بعمق وببعد نــــــــــــــــــــــــــــــــــظر وبس
[/align]

نبي نتكلم بالواقع ان الاقدار ماندري وش تجيب من مسرات ومضرات ...فرضا لو مات الزوج!!!! وظيفتها راح تساعدها

بعد الله سبحانه وتعالى... بالنهايه ماتبي تكون عاله على احد هي واولادها

البنت الي تبي تتوظف فأنا بصفها مو ضدها ... ولايحق للزوج رفض هذا الطلب الا اذا تفكيره محدود

وبعدين الحين اصبحت الحياة المعيشيه صعبه ... وبالعكس هي بهذا الشي تكون قدمت لك يد العون

المفروض نشكرها ع هالشي ....

ولو نتكلم من زاويه انها تعبت ودرست وحصلت ع الشهادة >>> تستحق الوظيفه وفوقها حبت راس

شكرا اختي طيور ع الطرح .... كلن له وجهه نظره... ونحترم وجهات النظر للجميع

ضمـــان للبنت يا قلبي
وبعدين ليه تستغربين إن البنت تحرص على الوظيفة الزمن تغـــير واللي ماعندها وظيفة ولا بيدها شهادة الله يرحم حالها
ومو كل الرجال يصرفو على حريمهم وفرضا لا قدر الله ومات هالزوج إش تصلح الحرمة وعندها أطفال مثلا
تقطع بصل ؟؟؟
تصرف على نفسها وعيالها من راتبها
زمان كانت الوحدة تتزوج وهي مغمضة عينها الحين ماينفع هالكلام
شهادتك ووظيفتك معاك تعيشي أحلى عيشة والعكس