[CENTهR]السلام عليكم ورحمة الله
قبل كم يوم غمضت عيوني في حالة استرخاء شوي الا اسمع صوت من بعيد يقولي ياولد تعال..سويت نفسي نايم شوي الا نفس الصوت يقولي صمم ان شاء الله ماتسمع قلت له تكلم مين قالي اكلم ولد الجيران وقالي قم انقلع قدام المراية..قمت واناظر في المراية والقى واحد شبهي قالي ابيك في مشوار قلت له تم بس قلي من انت قالي بعدين تعرف الحين ادخل ويصير خير
دخلت معه في المراية وطبينا في منطقة خضراء تفتح النفس وانهار وجبال خضراء وحريم يجلبون الماء من الغدير ولاهم زي حريمنا مايلبسون عبايات قلت لخويي الحين لازم تقول مين اسمك؟؟قالي وش مين إسمك هذي قلت له لا بس من الفجعة الواحد مايعرف وش يقول وبعدين خشمك هذا تركيبة والا طبيعي والا ادبي لانه ماشاء الله يشغل حيز كبير من الفراغ وهو مايستاهل..
المهم قالي كلام خلاني انصدم نفسيا ..قالي انا عابرالقارات اللي في المنتدى وانا جايبك الحين هنا ابغاك تتزوج ملكة انجلترا وانا بتزوج ملكة اسكتلندا وترى حنا في القرن الرابع عشر قلت له يجي والله ولو تبغاني اتزوج ملكة انجلترا واسكتلندا وملكة روسيا واتزوج ملكة فرنسا مسيار واجيب ملكة الفلبين شغالة ترى ماعندي مشكلة وقلبي اخضر قالي يالخبل نبي نتزوجهن ونضحك عليهن وناخذ الكنز قلت له دام فيها كنز والله الموضوع زين ولا بأس علاه..المهم متى الملكة؟؟قالي مافيه عندهم ملكة هنا تاخذ المرة وتروح بس اهم شي الكنز لاتنساه ياعديلي.قلت تم
ومن ثاني يوم لبست الشماغ وحطيت فوقه التاج وسويت حفلة.صغيرة مانبي احد يدري ورحت البيت وقاعد اقولها اتغزل فيها واقولها كسرات غزل وهي ماهي حولي ماتعرف عربي وعابرالقارات هو وزوجته ملكة اسكتلندا في الغرفة اللي جنبي واسمعه يتغزل فيها ويقولها انا قلب ما في دم انا قلب في إنتي قصده يقول [/CENTER]

الجزء الثاني



حبك حشرني حشرت القير بثنين
الضغط ستة والتواير مصاليخ
وشوي الا اسمع صراخ قلت خل افزع لخويي ...ويوم افتح الباب لقيت الدنيا مقلوبة وعابرقارات حاط طرف ثوبه في فمه ويقولي يلا بسرعة قلت وشفيه قال لقيت الكنز قلت كويس باقي الخريطة قالي انحش يابن الحلال لا يذبحونك قلت له اقل شي جب عقد الزواج عشان لو مسكونا الهيئة نثبت لهم انهم حريمنا..المهم حطيت طرف ثوبي في فمي وانحشت معه وخليت زوجتي ملكة انجلترا لحالها وشردنا على اول سفينة ويوم طلعنا على السفينة واستوت في البحر طلعت السفينة حقت قراصنة قالي عابرقارات شفت القرصان اللي هناك؟؟قلت جيبه نحط عليه حليب ونتغدى عليه قالي لا يالخبل الدب اللي في الزاوية مو قادر يمشي ترى هذا خوينا بروسيوس اللي المنتدى..والثاني اللي مغطي عينه وماسك دركسون السفينة ترى هذا دجة والعقل رجة واللي ماسك المنظار هذا رجل غيور...اما اللي واقف عند الدرج وحاط رجل خشبية هذا قلب المملكة....وهذيك صدى الذكريات الساحرة العجوزة معها البلورة السحرية وعصا مكنسة تطير

تجمعو علينا القراصنة وقالو بيقتلونا وباخذو الكنز قرب مني دجة والإقل رجة وقالي ايوها الرجل سوف نقتلك وناخذ الذي في الشنطة قلت له يبن الحلال ترى مافيه كنز كلها إكسسوارات حريم شاريها امبراطور اوروبا من سوق الصواريخ يبغى يلعب على الحريم..قالي دجة لا لا لابد ان اقتلك...بالله كيف اتفاهم معه ذا؟؟؟
قلت خل اتفاهم مع بروسيوس شكله عاقل قلت له ايها الرجل لقد خويك يقول انهو سيقتلني وانا ارى انك تقتل عابرقارات لأنهو هو اللذي جابنا هنيا
قالي علي الحرام لو ماتسكت انت واياه لا انطلكم البحر ..عجيب قرصان اوروبي ويقول انطلكم..

عاد انا عصبت وقلت لهم كلمتي المشهورة وانا احتسي كوبا من الحمضيات:بكرة تحضر الدداسن هنيا..
هجموا علي القراصنة

الجزء الثالث والاخير




امسك برسيوس واصكه ركبة على خشمة وهو يبكي ويقولي والله لا أجيب لك عيال عمي ..شوي الا اسمع ابوي يقولي قم صل قم الحق الصلاة قلت اصبر خليني افقع وجهه هذا اللي يبي ينطلنا للبحر...وانا ماسك بروسيوس مع حلقه الا اسمع صوت اخوي يبكي وابوي يمحطني بالعقال قالي قم صل ...وطلعت السالفة كلها حلم وانا ماغير اضرب اخوي على بالي انه بروسيوس..

وانتهت السالفة على خير واخوي راح المستشفى وجبسو رجله ويده

ووووووبس

ههههههههههههههههههههههههههههههههههههه

.وهذيك صدى الذكريات الساحرة العجوزة معها البلورة السحرية وعصا مكنسة تطير

للأمانة منقول: https://www.btalah.com/showthread.*****..#ixzz2GNro3VXq






ويحك سوف ااقلبك ضفددع


حسك الادبي والفكاهي رائع.......................استمتعت جدددددددددددددددددددا

خخخخخخخخخخخخخخخخخخخخخخخخخخخخخخخخخخخخخخخخآآآي

ياااااااااااااااااااااااااااااا ...أنت كاااارثه

حمستني وووالله ..يا عديلى مره وحده ع أنجلتر ..بدل الآستعمار البريطاني ..يطلع الآستعمار السعودي

الجزء الآول حلوووو ..أما الثاني والثالث بلحق عليهم بكره ..أنتبه لآ تشطح

واصل أبدعاااااتك ..ودنا بمثل هذه الحكاوووي ....يعطيك العافيه + 100

هههههههههههههههههههههههههههه

استمتعت بقرائتها ..

الله يعطيك العافية .. في انتظار ابطال القصه يردون هــع‘ هههههههههههههـ

اولا ماشاء الله استاذ قنصل عندك هواية

وهى كتابة القصص والله حلوووووووووة القصة مررررررة

ومضحكة بنفس الوقت ام استاذ عابر القارات العقل المدبر

بس الى يقهر انا وين من القصة

الله يعطيك العافية يااااااااااااااارب ومشكور على الطرح

قنصل الله يخليك افتح لك مكتب استشارات ولا تصير كآآآآآآتب

يالسراقين انت وعابر زواجكم مصلحه هآآآه

يبيلكم كذآآآ من الملكات والنساء عامه

بنات اقضبوا الباب خلونا نقرصهم شوي

هههههههههههههههههههههههه

ابداع ي قنصل ماشاء الله عليك

برويسيوس ما اتوقع انه دوب خخخخ

يسلمووو