السلام عليكم ورحمة الله وبركاته

أرجو منكم أخواتي وأخواني من لديه معرفة ببرنامج حوسبة المقصف المدرسي وطريق أدخال فواتير

الصندوق المدرسي والمقصف المدرسي , وكيفية حساب المبيعات والمشتروات , وكيف أطلع إيرادات

الصندوق المدرسي ......


اللي يعرف فيه ولو شيء قليل لايبخل . والي يعرف يدعم شرحه بالصور الله يعطيه العافيه

الله يفرج على كل من يفرج علي ويقضي حوائجه ويسهل كل أمر عسير عليه يارب يارب يارب

أختكم مساعدة إدارية جديدة ...

الله يوفقكِ

أشكرك معلمة على المرور وربي يوفقك أيضاَ

ما حد من الأعضاء عند معلومات عن هذا البرنامج

ربي يسهل أمور كل من يرد علي أو يرفع الموضوع

هلا اختي قصدك سجل لحسابات المقصف المدرسي انا كذلك مسؤوله عنه وش بالضبط ودك تعرفينه لان كل مشترى وبيع لكل سلعه له طريقه وقولي للاداره يعطونك سجل قديم لكلي تستفدي منه وبعدين للمراجعه ادخلي برنامج اكسل وانشا الله اكون افدتك

مشكورة حبيبتي ام فطووووووم ماقصرتي ربي يفرج همك ويعلي شأنك

حبيبتي أيوه هو البرنامج اللي ندخل فيه فواتير المدرسة البيع والشراء

سؤالي كيف تحسبين فواتير أذا كانت متفرقة مثلاً فاتورة من بقالة تحتوي على بليلة و زيت وأكواب شاي وملاعق

وشطة ومناديل وذرة بالكيلو ؟؟؟ طيب حبيبتي كم يكون عدد الوحدات في الكرتون وهل السعر يكون أجمالي لكل

الفاتورة أو نأخذ كل سلعة على حده وندخلها ؟؟؟نت

بعدين سعر البيع اليومي للمقصف كيف تخلينه يساوي سعر مبلغ الشراء ؟؟ هل أقسم المبلغ الناتج على السبوع الواحد لكل شهر ؟؟؟؟؟

سامحيني حبيبتي أسألتي كثيرة لأني جديدة ومافي أحد في المدرسة أسأله واللي كانت ماسكة البرنامج

طالعة اجازة لفترة ؟؟؟ ونا محتارة لوحدي سهلوا علي اللي يعرف ربي يسهل على الجميع ...

حبيباتي المساعدات الاداريات الصندوق المدرسي مو شغلكم ولا من مهامكم ليه
لانه شغل المعلمات وهالكلام انا مسوولة عنه
كنت بادارة التعليم وجات المشرفة السؤولة عن الصندوق قالت انت من المدرسة الفلانية قلت لها ايه قالت خلاص تستلمي الصندوق المدرسي و وافقت لكن لما عرفت اني مساعد اداري قالت ممنوع يمسكونه الاداريات لازم معلمة من نفس المدرسة مع العلم اني ماسكة سجل المقصف فقط
يعني مو شغلنا لا يوجعون روسكم

هلا حبيتي شدعوه كلنا في خدمه بعض ونعاون بعض حبيتي انا معلمه عشان كذا مسكته المبيعات اليوميه تدخلين ثمن الشراء بعدين تضربين العدد في في إد بيع ثمن السلعه الواحده عشان يطلع لك ثمن البيع باكمله وبعدين تنقصين ثمن الشراء من ثمن البيع ويطلع لك الربح وبعدين في فاتوره الحصر الاسبوعي تجوعين كل ثمن الشراء مع كل ثمن البيع وتنقصين من بعض ويعطيك الربح لهذا الاسيوع كله

حياك ام فطوم لكن الصراحة الصندوق مسؤولية واكيد قوم تعاونوا ما ذلوا

مشكورة أختي فراري على مرورك العطر يجزاك خير يارب


وتسلمين أم فطوم حبيبتي ماقصرتي ربي يفرج همك

انا ما سكه الصندوق المدرسي هوا بسيط ما حملتي برنامج الصندوق المدرسي من موقع الاداره تدخلي الفواتير على حسب التاريخ برقم الفاتوره وسعرها ومكوناتها كل حسب المجال المستعمله فيه عاد المجالات من الخيارات الجانبيخ تختاري اذا كان برنامج تربوي او اعانه او نشاط او تكريم وهوا يحسب ويفصلها وطبعا تدخلي كل شيك بتاريخه وراح يحسب لك كم عندك عجز او فايض في كل قسم صرفتي عليه انتي مجرد تدخلي وهوا يحسب