السلام عليكم
انا ودي اطلع الامارات ,,
ابي اخذ جوله لان في بالي فكره اني افتح لي محل
وتخصصي بيكون
بين الملابس النسائيه او الادوات الكهربائيه
قعدت مع كذا تاجر واعطاني معلومات وين احصل المصانع والشركات الكبيره

فناوي اروح الامارات اشوف الوضع هناك وبعدها اقرر , هل اعتمد الامارات كمصدر او يكون السوق المحلي هو مصدر لبضاعتي ,,
ماودي اطلع الصين لاني توني بالبدايه وبدري على الصين

اللي وده يخاويني ويشوف السوق هناك لعل وعسى يلقى له مجال يشتغل فيه
ومنها معرفه الرجال تنشرى
ماعليه الا قيمة التذكره وقيمة الاكل
والباقي من سكن ومواصلات محفول مكفول
او بنطلع بسياره من الرياض ولا يدفع هلله

وش قلتو ؟
اتمنى الموضوع موب مخالف
لان الغرض منه استطلاع السوق والفرص بالدول المجاوره

الله يوفقك

ودامك تعرف تجار في السوق لهم خبره صدقني راح تكون في أمان بعد التوكل على الله قبل كل شياء بس الخبره في السوق هي اهم حاجه في نجاح اي مشروع
بتوفيق وان شاء الله تشتري نص الإمارات ههههه

ااما اشتري نص الامارات ,, ببلش بالشحن وماعندي مخزن يكفي ههههه
الله يجزاك خير اخوي على الدعوه

الله يوفقك (( لولا ارتباطي لتشرفت بمعرفتك والذهاب معك ))

بتوفيق لك اخي

درب السلامه

السلام عليكم

حياك الله زعبطوط تعال للأمارات انا موجود وفي خدمتك انا سعودي مقيم في الامارات وتعال نستكشف التجارة سوى ولو تبي نتخاوى للصين انا ناوي برحلة استكشافية قريباً..

موفق

أنا اخاويك بس متى تمشي

اخوي عمر بن عبدالله ارجوا ارسال رقمك على الخاص اوايميلك لتواصل انت واخوي زعبطوط عشان نرتب لرحله

تم ارسال الرقم على الخاص لصقر وزعبطوط

وموفقين