للي يريد ينقل داخلي، من مدينة لأخرى في نفس الإدارة، هل ينطبق عليه أيضاً آلية نظام نور؟
يعني يقدر مثلاً يستخدم نفس النظام و يحط الرغبات من المنطقة الشرقية للمنطقة الشرقية؟ و تعتبر نقل داخلي؟
احتاج اجابة محددة، لأن ما لقيت إجابة للآن صار لي اسبوعين على نفس الموضوع و كل ما اتصل لشخص يقول ما عنده فكرة !!!

ممكن من اللي عنده فكرة أو علم بالموضوع، يتفضل بالإجابة

المشكلة هذي اول حركة تقوم بها الوزارة
وعندهم تخبط كبير وعدم دراية
لدرجة انه انا اللي شرحت للادارة اللي انا تابع لها
كيفية التسجيل في نظام نور
عموماً عندك حلين /
يا عن طريق الاتصال بالوزارة ٠١٤٠٤٦٦٦٦ تحويلة ١٢٩٢
او الاستفسار عن طريق تويتر لحساب خالد اليوسف Khalid_ALYousef @

مشكور رحم الله والديكم ، راح اجرب الاتصال على الرقم ولو إني اعرف ان ماحد يرد الا لما تطلع الروح . في نفس الوقت راح ابحث من مصادر اخرى
الله يكون بعون الجميع

اخ سعيد عدمان كيف تشوف حركة النقل تبشر بالخير ولا لا

يا اخوان الخطة ان شالله ستكون بعد اقفال النظام على المدارس بتاريخ 4/10

سيقفل النظام النظام عن ادارة التعليم بعدها بآسبوع

وبعدها ان شالله باسبوعين سوف تتم اعلان النتائج

نسآل الله التوفيق للجميع ...

حياك اخوي سعادتي

حركة النقل تعتمد على الاحتياج والبديل لكن للاسف لا تتوفر معلومات من الوزارة للاداريين بخصوص الشواغر في المدن او عن التعيينات القادمة

انا متفائل ومصدر تفائلي هو عدد الاداريين المشمولين بحركة النقل عددنا 6000 الاف وهذا عدد قليل جداً بنسبة لحركة على مستوى المملكة هذا اذا استبعدنا اللي عدل عن الوظيفة وماباشر او ممن اتعينوا على الرغبة الاولى او اصحاب الواسطات او من رفع معروض وجاهم اعادة توجيه للرغبة الاولى

اعتقد اللي راح يدخلون الحركة لن يتجاوزو 4000 الاف اداري وبأذن الله لو راح يكون في تعيين السنة القادمة اتوقع الجميع على الرغبة الاولى