وردة عطر . اشوف كل العالم وصلت لهم مسجات ماعدا انا وانتي؛(

الحمدالله انا جتني رسالة قبول من الجانعه دبلوم ادارة اعمال..

طريقة التسديد: تروحين بنك الراجحي ومعك الفلوس تدخلين تاخذين رقم من الجهاز اذا جاء دورك تروحين للموظفه اللي تكون ورا قزاز تقولين ابي احول الفلوس هذي لحساب جامعة الامام وعطيها رقم حساب الجامعه اللي جاء برسالة الجوال

واطلبي منها الايصال اذا تاكدتي انها حولت واخذتي الايصال خلاص روحي للجامعه مع اوراقك وسلميهم

مو لازم يكون عندكم حساب بالراجحي

الصرافه مايقبلون ايصالها لازم فرع البنك

الجامعه ماتوفر نقل انتي دوري لك سواق او باص..

الدوام تقريبا ثلاث ونص او اربع الى سبع ونص اتوقع هو بالتقريبي كذا وقت الدوام

بنات انا ساكنه شرق الرياض حي السلام اللي ساكنين حولي نتجمع وندور لنا باص يصير يودينا ويرجعنا

الحمد لله قبلت بدبلوم الانجليزي
ياليت تقلوننا عن تجارب البنات بالدبلوم وهل استفادو
وتطورت لغتهم بالله نبغى تفاعل

مساء الخير أرجو الاجابة :
1/ أولا كيف اعفى من الرسوم ؟ ماعندي خمسة ألاف
هل لازم اسدد الان ؟ ولا عادي ممكن ادرس بعدين اسدد؟
2/ ثانيا مين تعرف بنات درسو دبلوم أنجليزي هل أستفادو وصارت لغتهم جيدة
مع العلم انا مبتدئة ؟ بس ناوية أشد حيلي مرة ؟ لأن الانجليزي رافع ظغطي
كل مقدمت قالو معك لغة ؟

(( بليييييييييييز هل هي دراسة على الفاضي وشهادة إذا كانت كذا أنا بنسحب
أهم شي أتعلم ))

ملاحضة : إلى تبي سواق يودي من شرق الرياض وخصوصا النسيم إلى النفل والسعر مناسب
إلى تبي الرقم ترسلي ))

الله يوفق إلى ترد ويسعدها بالدنيا والأخرة ويحققلها إلى تتمنا
والله ناقلة هم الفلوس مرررررررررة طمنوني

الدبلوم التربوي العام يبداون دراسة السبت الجاي فكيف يرسلون مسجات الى يوم الجمعة؟

احاول ادق ع الموظفة اسالها ماترد علي

السلام عليكم
كيفكم بنات
رحت اليوم الجامعه وسويت مقابلة بدبلوم التوجيه والإرشاد
دخلت المبنى الدور الأول تلقين كونتر
تكتبين اسمك بالمسير ورقمك وتخصصك وتجلسين بقاعه مع بنات الإرشاد تستنين دورك
الحمدلله مره انبسطت مع البنات ربي يسعدهم... والاستاذات مره أخلاقهم روعه

الأسئلة هي
اسمك؟
تخصصك؟
تقديرك؟
خبرتك؟
ليه استغنوا عنك ( العمل الي كنت فيه سابقا)
؟
دراستك مالهدف منها بحث عن وظيفه أوغيرها؟
تقبلين تكوني مرشده طلابيه وليه؟
إذا واجهتك مشكله لطالبه ماذا تعملين؟
ماطموحك؟
كيف علمتي بدبلوم التوجيه والإرشاد في جامعة الامام ؟
هنا قلتهم منتدى حلول البطاله🌸
قالوا إيه نسمع به 😊
لما خلصت مقابله عطوني أشعار بالقبول وتسديد الرسوم وإحضار الوثائق غداً

بنات لاتشيلوا هم واغلب الي معانا عطوهم أشعار بالقبول

ولاتنسون الاستغفار وربي راحه وتيسير أمور

لاتنسون من دعواتكم

بنات بسأل وشي الوثائق المطلوبة ماسالتهم ...
أختكم. ناني

بنات لو كنتي مقدمة بشهادة ثانوي وأنتي من الاساس مخلصه جامعه وسألوك ليش مادرستي جامعه وش بتقولون؟ < خافت تتوهق :/